Biblia Todo Logo
Bib sou entènèt

- Piblisite -




Filipi 2:1 - ŊWÀʼ NYÙY

1 M kì kijuŋ ji vèn à Kristu sì á kintatì, a wù távir melív men, koŋ ven é ŋàŋ, yii, a melív men mè lum ghán sidzə̀m. A m kfə̀n kì ji vèn à Kiyoy ke Nyùy ki suùsín ne sa, vèn kfən kìíy a mó a kòŋnìn, é wìr wáa way fə́r və é shiliv.

Gade chapit la Kopi




Filipi 2:1
42 Referans Kwoze  

Mo Nyùy shoʼon ne ven, e nàŋsín ji və́ vee wír, a rəsí, a kòŋ ven ghán sidzə̀m, vèn ku nèn a ker liì a dzə̀ və́ə. Wìr wáa sham fə́r və, a yiì kinyo ke juŋ ki shó. Wìr kú a lì kitú kfə́ shishàr, a ker wir dzə̀m ji weè, a lò ji nyaáŋ,


Vèn kì sá jii, bó wìr yòʼ‑oo yií ne shòv Nyùy e si. Yii bèy, a vèsən koŋnìnè, bo wù dzə̀ vèsən áwune, é koŋ ye wù koŋ vèsəné nèn shèmsín e kinyò ke wù taʼ ji vèsən wáa kòŋnìn.


M nén a lon jii, Tàr wòsən Jesus Kristu kú a leéy fo vèn, é Nyùy wáa kòŋ ven, é Kiyoy ke Ranén kí tátí ven, aá wáa dzə amòʼón.


A m ghitìr bèy ji Nyùy wáa tavír melív men, a yiì, é vèn maysi, e suùsín, a dzə a kitú kimòʼón. A m taʼ ji vèn gwarir kinyo kidzə̀m ke Nyùy‑iì sìysìn, e tìír e Kristu wùn, kí wáa fəəsín a dzə̀ lèn. Vèn kiiy kijuŋ mo kí dzəə̀n, é la vèn yòʼ dzə́ə a meŋnín kímóʼ kí gheéy.


Vèsən dzə̀ wír jeéy jeéy, ámóʼó dzə̀ veé Juda, ámóʼó vitúm ve sən ví, ámóʼó akwàn, ámóʼó nén a dzə wón wòŋ. Yii bèy, a kù dzə̀ Kiyoy kee shó kimòʼón ke kí‑iì liìn vèsən adzə̀m, e tàtí ji wún e mòʼón, a dzə̀ kíwun ke Nyùy wayin e wìr mòʼón mòʼón shiliv.


Yén ri, kí bòŋ, e kfə̀n a dzə kijuŋ feyì, fo afə́rí wáa dzə shuu mòʼón.


Á bèy, a vinyo ve Kiyoy ke Ranén kí bánri wíri, aá yii vi dzə̀ jii, á koŋ Nyùy, kfə̀n koŋnìnè, kér kishéʼrì aáwuné meliv, dzə́ dzəʼə̀m yee nyaáŋ, kér wir dzə̀m ji weè, shám wíri, yii a dzə̀ kinyo ke dzəə̀n ke ru kí, lóo suúy kinyo, á wàa yiì a dzə̀ kíwun.


Mo wù liìn vèsən ji wón və́, e nèn tùm Kiyoy ke Wan və və̀n, kí wíy, e nə̀ə́ e vèsə́n meliv, a yiì, vèsən wáa yòŋrì Nyùy ji Tàr, Tàr.


Kintatì ke wìr Jesus ki wáa dzə, a ker shuu e mòʼón, e kfə̀n a ker shilív shimòʼón, la wìr yòʼ a yòŋ kifá kímóʼ kí ji kfə́. Kifá ke wìr ki kù‑uù dzə̀ ké wìr dzə̀m.


Vèn wáa kiíy jii, wìr wo wù yú sáʼ Nyùy dzə̀ á wo wù tíy kfə́ wùn Nyùy, a Nyùy tíy sa wùn ŋgaàŋ. A kinyo ke kí yii, bo vèsən wáa kiíy rú kijuŋ ji Nyùy tíy vèsən áwune kí dzə̀ Kiyoy kfə́ ke Ranén kí ke wù foon e vèsən.


«Mo m sí kfə́n fo wò wùn lèn, m nén a lon vinyo vìn vidzə̀m, a m dzə̀ə́ e ndzə fèn, é kishéʼrì ke m yii kér e mǒ shiliv kí maysi, e rùn sá aáwuné meliv.


Á vinyo ve ví‑iì yiìn, é bo vèr kiíy rú ji Nyùy koŋ ver, e wày shilív e wun wùn. Kidzə̀m ki wáa dzə jii, liì Nyùy dzə̀ á ji wù koŋ wíri. A wìr wo wù koŋ Nyùy, kfə̀n koŋ fə́r və, tíy kfə́ wùn Nyùy, a Nyùy tíy sa wùn ŋgaàŋ.


Dzə̀ vèsən vin ve Nyùy naŋsin ne rú ji wír və́. Vèsən ghvə́m wun woo Nyùy, a bánri Kiyoy kfə́ vèsən. A vèsən sumrì wún bìʼ fo á dzəə̀n wír Jesus Kristu, a bó vèsən yòʼ wáy vifií é vinyò ve á yii ji bìʼ liì wòŋ gheéy.


Mo vèn seʼnìn bèy, bó vèn yòʼ kì ji vèn dzə̀ lav Nyùy, a Kiyoy ke wun woo Nyùy ki shiiy sho à?


Kiyoy ke Nyùy ki nen kfə̀n a sə vèsən, á wáa bùnrì Nyùy, a kiíy kinyo ke dzə̀ á sùúy. A bó yòʼ dzə̀ vèsən kìíy fo vèsə́n vifii, bìʼ fo melív mèsən mè yòʼ kiìn kinyo ke Nyùy koŋ kijuŋ. Kiyoy ke Nyùy ki lo, kí nèn lì kirə́ʼ késən, a toŋ fo Nyùy, a fèr kinyo ke kí dzəə̀n e vèsə́n meliv e dzəə ye bó yòʼ jòʼsì wír, wù kìíy móo fèr.


A bó yòʼ dzə̀ kinyo kee shoon ki shaà fó ghaŋ, bìʼ fo Nyùy foon ne kitiír, a dzə̀ Kiyoy ke Ranén kí ke wù wayin e vèsə́n meliv, kí wáa yiì, vèsən wáa kiíy rú mo wù koŋ vèsən.


Á kfə́n a lò, a tarnín sa e *lav cù yeé Jerusalem foo fèy vishiíy vidzə̀m, a bùnrì, e kfə̀n a yikír e melav, a fonín e kishéʼrì ki,


Nyùy woo Tàr wòsən‑eè shòʼ ven a dzə̀ mo wù‑uù sìysìn ne fo ŋgùʼ. Wù nèn wìy tùm Kiyoy kfə́, kí wìy, e nàŋsín ven ji və́ vee wír. A wù‑uù yiì bey, ji vèn wáa dzə, a yu a dzə̀ á fo Jesus Kristu, é mensə́ mvə mè táŋrí ven, é vèn boy fó njò. M nén a lon jii, Nyùy kú a shaà fo mbìy, a leéy fo vèn, a yiì, é melív men mè wáa dzə nyaáŋ.


Mo wù‑uù kàʼàn, e kfə̀n lìʼ, vinyo vìn vi nén a dzə vibaà ve bó yòʼ dzə̀ ví shaà fó ghaŋ, bìʼ fo vinyo vee shoon vi fəən a dzə̀ fo Nyùy shuù, a bó wù yòʼ yii bóʼti kimboʼtì. Kí nén a lùmèr melív mèsən ve á nəən ne e Nyùy sar, ji á fíʼ lùŋ vìn, á wáa ghar ŋkàʼmé və kitávín, a leéy a dzə̀ fó mbìy.


M suuy bèn, a Nyùy kì sá ji m kér rú á shií fo vèn, koŋ ven shilív shidzə̀m réŋréŋ mo Jesus Kristu koŋè.


Vèn wáa kuumé ji kintatì ke wìr Nyùy ki kù jòʼsì kitú kimòʼón, a dzə̀ ji wún Kristu. Kiyoy ke Ranén kí jóʼsí sá kimòʼón, a kù dzə̀ sá mo vèsən adzə̀m shiy kifá kimòʼón, a dzə̀ vijuŋ ve Nyùy‑iì liìn vèsən ji á wìy nə̀ə́ sho.


A m kù yòʼ beerì Nyùy feyì, bìʼ fo mò‑oò yenen jii, a vèr fə̀m du fèé, wù kù a dànèr a ver. Vèr nén a ghan moo wír ve á ghán e Kristu ŋgoo, a wù du fo mbìy, bínsi mbeeteé, Nyùy wáa yiì, kinyo ke Kristu ki wáa sàmèr virə́ʼ vidzə̀m moo kiláy ke á ton, a kí rəm, rəʼtìnè.


Afə̀r vem, m tíy kém é shùu kpu vishiíy vidzə̀m. A m suuy bèn, kan a dzə̀ ven ve m rə́si sévti ji vèsən dzə̀ rú wír Tàr wòsən Jesus Kristu.


M sí du, a m wíy yiì, é melív men mè siíy a dzə nyaáŋ. Nyaáŋ və̀n dzə̀ wo fó mo, a bó yòʼ dzə̀ moo wo wù lo a dzə̀ fó ndzə fèn. Kí nén a dzə jii, lá vèn yòʼ sìíy, a rə̀m a ntéŋ, é melív men mè wáa buʼ.


«Bó m yòʼ wíy màʼtì ven ji vèn siíy, e jàáy jaayín. M wíy kfən, a dzə vèsən.


Wáa dzə e ghan see shooy, a wìr wùmòʼ dzə̀ é Jerusalem, a yír rəə́ dzə̀ Simeon, a wù ghvə́m Nyùy, yii mo Nyùy koŋè, kfə̀n shiy ghán se Nyùy wíy rəə̀r melív me wìr veé Isray. Kiyoy ke Ranén kí wáa dzə e wùn shiliv,


Bìʼ vinyo vìn, mendzən me Moav mè sí rə́r mo, a m ká ndzə. Mendzən me ŋkàlaʼ yee Kir‑Hareset mè rə́r mo, nəə e mǒ vighvər.


Swiv nou:

Piblisite


Piblisite