Filipi 2:1 - ŊWÀʼ NYÙY1 M kì kijuŋ ji vèn à Kristu sì á kintatì, a wù távir melív men, koŋ ven é ŋàŋ, yii, a melív men mè lum ghán sidzə̀m. A m kfə̀n kì ji vèn à Kiyoy ke Nyùy ki suùsín ne sa, vèn kfən kìíy a mó a kòŋnìn, é wìr wáa way fə́r və é shiliv. Gade chapit la |
Kiyoy ke Nyùy ki nen kfə̀n a sə vèsən, á wáa bùnrì Nyùy, a kiíy kinyo ke dzə̀ á sùúy. A bó yòʼ dzə̀ vèsən kìíy fo vèsə́n vifii, bìʼ fo melív mèsən mè yòʼ kiìn kinyo ke Nyùy koŋ kijuŋ. Kiyoy ke Nyùy ki lo, kí nèn lì kirə́ʼ késən, a toŋ fo Nyùy, a fèr kinyo ke kí dzəə̀n e vèsə́n meliv e dzəə ye bó yòʼ jòʼsì wír, wù kìíy móo fèr.
Nyùy woo Tàr wòsən‑eè shòʼ ven a dzə̀ mo wù‑uù sìysìn ne fo ŋgùʼ. Wù nèn wìy tùm Kiyoy kfə́, kí wìy, e nàŋsín ven ji və́ vee wír. A wù‑uù yiì bey, ji vèn wáa dzə, a yu a dzə̀ á fo Jesus Kristu, é mensə́ mvə mè táŋrí ven, é vèn boy fó njò. M nén a lon jii, Nyùy kú a shaà fo mbìy, a leéy fo vèn, a yiì, é melív men mè wáa dzə nyaáŋ.