Filipi 1:9 - ŊWÀʼ NYÙY

⁹ Kinyo ke m lón fo Nyùy ki nén a dzə ji kikoŋnìn kén kí kú a kuy, a dù fo mbìy, é vèn kfə́n a kiíy vinyo, a way sí sho, a səə̀m ve ví dzəə̀n réŋ.

Filipi 1:9 Referans Kwoze

1 Tesalonika 3:12

A vèr kfə̀n lón sa ji Taàtá Jesus ku yiì, é vèn wáa kòŋnìn, e kfə̀n a kòŋ sa wir dzə̀m, a dù fo mbìy réŋréŋ mo vèr koŋ sa ven.

Kolosia 1:9

Kèʼ fo kishiíy ke vèr‑iì yuun mo vèn wayin shilív e Jesus Kristu wùn, vèr ku nèn a bùnrì fo vèn ghán sidzə̀m. A vèr lón ji Nyùy ku yiì, é vèn kiíy vinyo ve ví dzəə̀n e wùn shiliv, a kiíy ghán sidzə̀m mo wù koŋ ji vèn wáa yiì, é vèn nèn a kiíy rú vinyo.

Filemon 1:6

M nén a bùnrì, a lon jii, mo à wáy shilív e Jesus Kristu wùn, a vèn à wír Nyùy adzə̀me sì kifá kimòʼón, kí ku yiì, áà maysi, e kìíy vinyo ve juŋ vi ve dzə̀ vèsən wàa yiì bìʼ Jesus Kristu vidzə̀m.

Kolosia 3:10

Vèn sí kér melív me fíy mè lèn, kér a dzə̀ liì wo fíy. A yì‑iì nàŋsín Nyùy melív men, a kù sheŋrì wun ghán sidzə̀m ji vèn wáa ker liì a dzə̀ á və́ə, e nèn màysì, e kiíy mo wun woo Nyùy dzəə̀n ŋkuuŋkùŋ.

1 Pita 1:22

Mo vèn kù sí tíy a dzə̀ e Nyùy kinyò ke ru kí, vèn nén a ker melív me juŋ mè lèn, me dzə̀ vèn wàa kòŋ afə́r vén ve vèn áwune tíy e kinyò fèn kijuŋ. Vèn ku nèn a kòŋnìn bèy shilív shidzə̀m,

2 Korin 8:7

Vèr kì ji vèn rə́si yii a vinyo vidzə̀m kijuŋ feyì. Vèn shaà ne wír ámóʼó, e wày shilív e Nyùy wùn kitávín, a fìʼtì kinyo kfə́ féyì, e kfə̀n a kiíy rú mo ví dzəə̀n. Vèn caʼcàʼ e vinyò feyì, kfə̀n din mo vèn koŋ ver é ŋàŋ. Vèn ku nèn ghàr lim ye juŋ rə̀ne sá bèy, a yiì kijuŋ mo vèn rə́si yii vinyo vidzə̀m.

1 Korin 14:20

Afə̀r vem, lá vèn yòʼ a kwàʼtì vinyo moo wónlè. Vèn kú a meŋ a dzə̀ kinyo ke bi kí moo wón ve bóri, yii bèy, a kwàʼtì vinyo moo ŋgày sé wìr.

2 Tesalonika 1:3

A dzə̀ vèr kù a beèrì Nyùy bìʼ ven ghán sidzə̀m. A kí ghèén fo vèr wáa yiì bèy, bìʼ fo vèn wáy shilív e Nyùy wùn kijuŋ, du duùn fó mbìy, kfə̀n koŋ vitú vén féyì.

2 Pita 3:18

Vèn ku wày kén vifií ji vèn à Taàtá wòsən Jesus Kristu wo wù‑uù tinen ven fó lòn nəə́nín, é vèn wáa tiy e dzə̀ʼə̀m ye wù bùʼùn ven shó, a kiíy wun, a dù duùn fó mbìy. Vèsən kú a burí wun, a koʼór yír rə́, e kèʼ fo lèn, e dù, e mày. Amen.

Hibru 5:14

Vifá ve yi vìn vi kù dzə̀ kifá ke wìr ve á kuykin ne, e tùúy e Nyùy kinyò, bìʼ fo wìr woo bey mèrìrìn ne, e kìíy móo tàr kinyo, e yen ké ru kí, e yen ke bi kí.

Efesor 5:17

Kí nén a dzə jii, lá vèn yòʼ a yiì kinyo a là vifií. Vèn wáy a dzə̀ vifií ví ji vèn kiíy á kinyo ke Nyùy taʼ ji vèn wáa yiì.

Ŋgàn 4:18

Liì wìr wo wù yúnin Nyùy dzə̀ moo ndzə ye yì ráné, yì kù a ran, a dù duùn fó mbìy, a kàʼày wíri.

1 Tesalonika 4:1

Afə̀r ver, vèr nen kfə̀n a tàʼ ji vèn kuúmé á kinyo ke Tàr wòsən Jesus‑eè yiìn e vèsən, a lon feyì jii, vèn ku màysì, a nəə́ nəə́n é liì wo Nyùy taʼ ji vèn wáa ker. Liì və̀n dzə̀ wo vèr‑iì yeʼeyin ven shó, a dzə̀ woo shooy wo wù bòŋèn Nyùy.

Ŋwàʼ Jov 17:9

Yii bèy, wìr wo wù yúnin Nyùy kù yòʼ wíy a tiy a dzə̀ e wun mbòv, é wo wù yòʼ wáy kiwó e kinyò ke bi kí wáa kuy kuyín e wun liì.

Nsùyrì Nyùy 119:66

Shilív shém shí kù tíy a dzə̀ é nsər se à foon, yéʼéy ri mo, é m wáa ker vifií, a tàr vinyo kijuŋ.