Filipi 1:8 - ŊWÀʼ NYÙY

⁸ M suuy bèn, a Nyùy kì sá ji m kér rú á shií fo vèn, koŋ ven shilív shidzə̀m réŋréŋ mo Jesus Kristu koŋè.

Filipi 1:8 Referans Kwoze

Filipi 4:1

Á bèy lèn afə̀r vem, m koŋ ven féyì, a jìŋ yen yár mo é ŋàŋ. Dzə̀ ven vin ve á yii, a m kér kishéʼrì. A m kfə̀n kwá ŋgúʼ a dzə̀ bìʼ ven. Ŋkar sem, vèn ku nèn a tiy kitávín a dzə̀ vèn à Tàr wòsən Kristu mo m kì suuyin ne.

Ŋwàʼ woó Rom 1:9

M suuy bèn, a Nyùy wo m foon kitú kém shó, a fìʼtì sáʼka və wo juŋ woo kùm Wán və kì ji m suuy a rú. M yii lóo bùnrì ghán sidzə̀m, m kù a kuumé ven,

2 Timoti 1:4

Jìŋ yè yár mo féyì, a m kuúme a dzə̀ mo wòsò‑oò lóo jàvsìn, à wáa səʼə́r mensíy. M nén a tàʼ, e kfə̀n yen wò, é shilív shém shí rəsin.

1 Tesalonika 2:8

Mo vèr‑iì sí báŋri ven bey, la vèr yòʼ a tàʼ, e fo ven a dzə̀ sáʼka Nyùy wo juŋ cáʼcáʼ. Vèr nèn fò sá vitú vér e vèn, bìʼ fo vèr kòŋèn ven é ŋàŋ.

Ŋwàʼ woó Rom 9:1

Kinyo kímóʼ kí nén a dzə sho ke kí yii, la m yòʼ a yu vijuŋ gheéy, a m rə́si sov kitú, a mendzən mè rə́r mo féyì. A dzə̀ bìʼ afə́r vém vee wír veé Isray ve á tenen fó way shilív e Jesus Kristu wùn. A m suuy a dzə̀ kinyo ke ru kí jii, a yì‑iì dzə̀ ji vèr Kristu javsin, é lòn wo wú dzəə̀n aáwuné kitu və̀ne kfə́n a dzə̀ e mǒ kitu, é wùn à Kristu tátí, aá fíʼ lùŋ, m wàa kòŋ kee shooy. A m suuy kinyo kìn moo wir wun woo Kristu, a Kiyoy ke Ranén ke kí dzəə̀n e mǒ shiliv kí kì sá ji m yòʼ waà bóʼti.

Filemon 1:12

M nén a siìr wun lèn fo wò wùn, áà wáa kiíy ji dzə̀ á tím yém féyì feyì.

Jeremia 31:20

Nyùy Tàr suuy jii: «Bó rám Efrayime yòʼ dzə̀ ji wán wo m kòŋèn a? Kí m tìír vifií é wùn wó feyì? Fə̀m mo m lo, m wàa suŋnín e wùn wó, m kù dzəə́ kér shíi və. M lo, m kù a yar jíŋ rə, a m kù wíy sham mendzən mvə.

Kolosia 2:1

M nén a tàʼ ji vèn kiíy mo m rə́si ghitìr e ven vee wír veé Kolosiàá vinyò, ghitìr fo veé Ladisiàa, kfə̀n ghitìr sa fo wír Nyùy ámóʼó adzə̀m ve bó vèr áwune yóʼ ne yènnín sí.

Galatia 4:19

Wòn vem, vèn yii kinyo kìn bèn, a kí dzə́ mo m kfə̀n wíy a rəsí, a lum ven lúmén mo wiíy lùm wán, e meé e ghan se vèn wíy a ker liì wo dzəə̀n wo Kristu.

Galatia 1:20

A Nyùy kì ji kinyo ke m sáŋ fo vèn kin ki dzə̀ á rú, a bó yòʼ dzə̀ kimboʼtì.

2 Korin 7:15

Vèn màysì ne, e nə̀ə́ e wun woo Titur shiliv lèn feyì, bìʼ fo wù kuúme mo vèn‑eè səəsin wun, a fàn moo ŋgaà ntum, a neŋ e wùn si, a yu kinyo kfə́.

2 Korin 6:12

Bó yòʼ dzə̀ vèr yàr fó dìn ji vèr koŋ ven. A kinyo ki bèn dzə̀ə́ sho ke kí shem fo vèn wáa kòŋ ver, bo kí kù dzə̀ a dzə̀ e vèn.

Ŋwàʼ Luk 1:78

bìʼ fo wù yii rə́r mendzən fo wíri é ŋàŋ. Wù wíy tum Ŋgaà Lùŋèr wòsən, é wù wiy fó yuv

Aysaya 63:15

Éè Nyùy Tàr, mo à dzəə̀n é yuv, kú a shooshí vinyo vér ví. Ku lèéy vinyo vìn vi fo wò kirə̀ʼ ke ranén kí ke kí din vikuʼùy vé. Éè Nyùy Tàr, yiì ka lèn fo à kfə́n a ker shíi wor, a sə ver e vitaáví vé ve ghaʼán ví? À yòʼ dzəə́ din e vèr mo à yii shám wón vé.

Aysaya 16:11

Bìʼ vinyo vìn, mendzən me Moav mè sí rə́r mo, a m ká ndzə. Mendzən me ŋkàlaʼ yee Kir‑Hareset mè rə́r mo, nəə e mǒ vighvər.

1 Joon 3:17

Yii bèy, a wìr kér kifá, e yèn fə́r və, e tèn fó sə wun, bo bó wù yòʼ koŋ wíri mo Nyùy koŋè.

Filemon 1:20

Fər wom, ku yiì kinyo ke m lón kìn ki, bìʼ fo wòsò tatin ji wír Jesus Kristu. Ku yiì rì bìʼ kintatì kee shooy, é shilív shém shí rəsin.

1 Tesalonika 2:5

Vèn kì kijuŋ, a Nyùy kì sá bèy, ji bó vèr yòʼ‑oò lo wìy, a leèrì wíri léerin, a bó vèr yòʼ‑oò lo bòm sá kinyo ji á fíʼ koóy kifá.

Kolosia 3:12

Mo Nyùy shoʼon ne ven, e nàŋsín ji və́ vee wír, a rəsí, a kòŋ ven ghán sidzə̀m, vèn ku nèn a ker liì a dzə̀ və́ə. Wìr wáa sham fə́r və, a yiì kinyo ke juŋ ki shó. Wìr kú a lì kitú kfə́ shishàr, a ker wir dzə̀m ji weè, a lò ji nyaáŋ,

Filipi 2:26

Jìŋ yen sí yár wun e ŋàŋ féyì, a wù kfə̀n sov kitú, bìʼ fo wù‑uù yuun ji vèn‑eè yù á ji wun kì joyì.

Filipi 2:1

M kì kijuŋ ji vèn à Kristu sì á kintatì, a wù távir melív men, koŋ ven é ŋàŋ, yii, a melív men mè lum ghán sidzə̀m. A m kfə̀n kì ji vèn à Kiyoy ke Nyùy ki suùsín ne sa, vèn kfən kìíy a mó a kòŋnìn, é wìr wáa way fə́r və é shiliv.

2 Korin 13:9

A dzə̀ ji vèr wáa yensín fo ghaŋ, é kí yii, é vèn wáa tiy kitávín, bo dzə̀ ke vèr koŋè. Ke vèr lón kí kù dzə̀ ji Nyùy ku yiì, é vèn wáa yiì moo wír və́ ŋkuuŋkùŋ.

Ŋwàʼ Jov 16:19

Rúrú, fə̀m lèn, njen wom kù dzə̀ é yuv, a wìr wo wù yíi bìn nsaʼ yem kù dzə̀ a dzə̀ é taa wo.

Galatia 3:26

Sí kér Nyùy, bìʼ fo ven ve á wayin shilív e Jesus Kristu wùn adzə̀me siìn wón Nyùy.