Filipi 1:7 - ŊWÀʼ NYÙY

⁷ A dzə̀ m wàa kuumé ven bey, bìʼ fo vèn dzəə̀n tím yém, a vèsən tíy e kinyò kimòʼón, a dzə̀ ke Nyùy bùʼùn vèsən shó wír adzə̀m. Vèsən tíy sho lèn wo m dzəə̀n é sháŋ, a kù‑uù tíy vèsən é ghan se mò‑oò dzəə́ ghán, binèr fo sáʼka Nyùy wo juŋ, naarì mo wù dzəə̀n.

Filipi 1:7 Referans Kwoze

2 Korin 7:3

A bó m yòʼ suuy kin bèn ji m sáʼ ven á sáʼán. Vèn kù dzəə́ tíy e věr shiliv mo mò‑oò suuyin e vèn, kìn wìr kpù, kìn wù dzə̀ə́ sho, bo vèn kù tíy fo.

Filipi 1:5

bìʼ fo m kù kuúme mo vèn‑eè tatin mo, e kèʼ fo kishiíy ké mbìy ki, vèsən wáa sàmèr sáʼka wo juŋ woo bìʼ Jesus Kristu, e shem lèn.

2 Timoti 2:9

Aá kùr mo áàsháŋé, m wáa yen ŋgeʼ moo ŋgaà jay bèn, a dzə̀ bìʼ sáʼka Nyùy woo shooy. Yii bèy, a bó yòʼ dzə̀ á kùr sáʼka Nyùy, e shèm fo wù wáa sàmèr.

Kolosia 4:18

Mo woo Por nén a saŋ lèn e kiwó kém kí, a shàʼtì ven, a suúy ji la vèn yòʼ a làysìn a ji m dzə̀ é sháŋ. M ku nèn a way ven a dzə̀ e Nyùy kiwo ji wù kú a kòŋ ven, a leéy a fo vèn.

Filipi 4:14

Mo m fə̀m suuy bèn, vèn‑eè lo yiì kijuŋ feyì, e sə̀ mo é ghan sé ŋgeʼ sìn.

Efesor 6:20

Kristu‑uù lì mo ji ŋkùvtu və ji m wáa fìʼtì sáʼka wo juŋ və̀n, a m lim sháŋ lèn a dzə̀ bìʼ sáʼka woo shooy. Vèn ku nèn a bùnrì ji m ku yòʼ a fìʼtì tèéter, là fan, mo dzə̀ m kù a fìʼtì.

Efesor 3:1

Mo Nyùy liìn ne ven sá ji və́ vee wír, m nén a bùnrì fo vèn ghán sidzə̀m. A dzə̀ mo woo Por wo m lim sháŋ, bìʼ fo m fiʼtì kinyo ke Jesus Kristu a dzə̀ e vèn ve bó yòʼ dzəə̀n wír veé Isray.

Lim Aŋgàa Ntum 20:23

Kinyo ke m kiìn cáʼ ki dzə̀ jii, virə́ʼ ve m shaa sho vidzə̀m, Kiyoy ke Ranén kí kù yii, a wíri tiísi e mò ji m wíy meé e Jerusalem, a ker a ŋgeʼ, aá wáy mo é sháŋ.

1 Joon 3:14

Á ban bèy, a vèsən kì ji vèsən bòy ne fo kpu, aá sí kér dzəʼə̀m yee là may. Vèsən kìíy bèy, bìʼ fo vèsən sí koŋ afə́r vesən. Yii bèy, wìr wo bó wù yòʼ koŋ fə́r və yòʼ dzə̀ wù bòy fó kpu gheéy.

2 Pita 1:13

A m yén jii, mo m kù dzəə́ béʼri e nsay fèn, m kú a ratí vinyo vìn, a yìmrì ven shó,

1 Pita 4:13

A dzə̀ vèn wàa sheʼrí Nyùy shéʼrín ji wù yiì, vèn wáa yen ŋgeʼ bìʼ kinyo kfə́ mo Kristu‑uù yéné, wíy lóo dzə e ghan se Kristu wíy a wìy, a wù sí kér vikuʼùy a dzə̀ vé Nyùy, é vèn nəə́ sá e wùn mvə̀m vijùŋ, a sheʼrí.

Hibru 3:1

Afə̀r vem, mo vèn siìn wír Nyùy, a lì wun ven ji və́ vee wír, vèn kú a kuumé wír wo dzəə̀n Jesus. Dzə̀ wun wo Nyùy‑iì tumen, wù wáa dzə taà cù wòsən wo kuʼùn fó kinyò ke Nyùy ke vèsən tíy sho.

2 Timoti 1:8

Kí nén a dzə jii, lá à yòʼ a woomé fó kù a fìʼtì a ji kù dzə̀ vèn à Taàtá wòsən Jesus Kristu. A bó yòʼ dzə̀ sá, à wàa woomé fo mò wo m lim sháŋ bìʼ wun woo Kristu. Ku lì kitú ké ki ji dzə̀ à kù tàtí vèsən, e yèn sá ŋgeʼ mo Nyùy fó wò vitaáví ve dzə̀ à wàa yen sho, é sáʼka və wo juŋ fíʼ a sàmèr.

1 Tesalonika 5:5

Ven adzə̀m dzə̀ wír ve á dzəə̀n é ndzə ye ranén, moo wír ve á ghán e shùy. Mo bó vèsən yòʼ dzəə̀n wír ve á dzəə̀n é ndzə vitsə̀ʼ,

Kolosia 4:3

Vèn kfə́n a bùnrì sa fo vèr, a lon ji Nyùy ku fò ver kintóʼ ke juŋ ki, é vèr wáa fìʼtì a kinyo kee kùm Jesus Kristu ke kí‑iì dzəə̀n é kilìr. A m dzə̀ é sháŋ lèn bèn a dzə̀ bìʼ sáʼka woo shooy.

Efesor 4:1

Mo woo Por wo m lim sháŋ bìʼ kinyo ke Tàr wòsən Jesus Kristu nén a lon jii, vèn kú a ker dzəʼə̀m a dzə̀ yé wìr Nyùy mo wù‑uù liìn ven ji vèn wáa dzə.

Galatia 5:6

A wíri tàtí ne wùn à Jesus Kristu, la wùmòʼ yòʼ dzə́ə a dzə jeéy ji wír wo á saŋen mbèʼ sə́ é liì wìr veé Juda, kìn wo bó á yoʼ sàŋ. Ke kuʼùn kí dzə̀ jii, wíri wáy á shilív e Kristu wùn, a kòŋnìn.

2 Korin 3:2

Dzə̀ ven vin ve vèr wayin e věr meliv ve dzəə̀n wór woo ŋwàʼ. A wìr dzə̀m yén, yoŋ, yú mo wú suuyì,

1 Korin 13:7

Wìr wo wù koŋ wíri yòʼ yén ajay wìr. Wù kù wáy kfə́ shilív wáyín e wìr wùn, leey fó mbìy ji wù kù wíy yiì a kijuŋ, kfə́men vinyo vidzə̀m.

1 Korin 9:23

A m yii vinyo vìn vidzə̀m cáʼ ji sáʼka Nyùy wo juŋ wáa dù a fo mbìy, wíri lóo yu, lóo sheʼrí, é m wáa sheʼrí sa.

Lim Aŋgàa Ntum 21:33

Kitú ke vé rər kiy ki dù, e ghàr Por, e sùúy ji á kúr á asháŋ abaà, e dzə̀r e wíri jii, sà dzə̀ la woo shoon a? Wù sà yèe le á?

1 Pita 5:1

M nén a tir wír ve dzəə̀n atǎr kintatì e věn mvəm. A m tír moo wír wo dzəə̀n sá taà kintatì wùmòʼ, kfə̀n suuy moo wír wo wù‑uù yenen e sí rəə́ mo Kristu yén ŋgeʼ bìʼ vèsən, kfə̀n suuy moo wír wo vèn áwune wíy nəə́ e vijùŋ ve Kristu wíy wìy sho.

Filipi 1:12

Afə̀r vem, m taʼ, e yiì, é vèn kiíy ji ŋgeʼ se sí kooyin mo sin si yiì ne, sáʼka wo juŋ woo kùm Jesus Kristu wáa kuy kuyín, a dù fo mbìy.

Filipi 1:13

A ke kí kooyin kí dzə̀ jii, mo m dzəə̀n é sháŋ a dzə̀ é ntoʼ fèn, vé rər ve á shiy ntoʼ rə̀n wùn à wír veé ntoʼ fèn adzə̀me kìíy ne lèn a ji á wày mo é sháŋ cáʼ ji bìʼ fo m fiʼtì kinyo ke Jesus Kristu.

Filipi 1:14

A sháŋ wo m lim və̀n kfə̀n yiì ne sa, afə́r vesəné máysí, e wày gháŋ e Tàr wòsən Jesus wùn anín, a fìʼtì kinyo kfə́ lèn feyì, là fan.

Filipi 2:22

A vèn kì sá mo liì wun woo Timoti dzəə̀n. Vèr wun‑eè ghán, fiʼtì sáʼka Nyùy, a wù sə́ mo réŋréŋ mo wàn yii sə́ tàr wov.

Filipi 4:3

M nen kfə̀n a suúy e wò woo ŋgaà wom ŋgoo feyì ji à ku sə̀ á vikìy vee shooy, aá mán vinyo vév. Dzə̀ wír ve vèr áwune‑eè katìr, fiʼtì sáʼka Nyùy wo juŋ, a yì‑iì fiʼtì vèr à Kilemon, aàŋgaà vém ŋgoo ámóʼó sá. A wír vìn adzə̀me dzə̀, a Nyùy sàŋ ne yír sév é ŋwàʼ wo á sáŋ yír sé wìr ve á wíy lùŋ sho.

Filipi 4:15

A vèn kì sá kijuŋ ji kù mày ven vee wír veé Filipi ve vé‑eè sə́ mo é ghan sé mbìy se vé‑eè dzəə́ keʼ sáʼka woo kùm Jesus Kristu kéʼen, a m lo fo věn wòŋ Masedonia, ghán, fiʼtì sáʼka woo shooy. A bó vèr à kintatì kímóʼ kí yòʼ‑oò lo nəə̀nín bèy gheéy, kù jòʼsì ven.

Filemon 1:13

Mò‑oò koŋ feyì ji bo m lèm wun e mǒ ghaŋ, wù lí á kirə́ʼ ké, a leéy fo mò é sháŋ wo m lim fèn bìʼ sáʼka woo kùm Jesus Kristu.