Filipi 1:6 - ŊWÀʼ NYÙY

⁶ A m kì kijuŋ jii, Nyùy wo wù‑uù kèʼèn lim rə́ ye juŋe e věn meliv kù wíy a yiì, é vèn wáa dzə wír və́ ŋkuuŋkùŋ, e màysì e kishiíy ke Jesus Kristu wíy kfən, e maàr kinyo kee shooy.

Filipi 1:6 Referans Kwoze

Filipi 2:13

Vèn wáa kiíy ji lumèr Nyùy melív men, a vèn koŋ fó a yiì vinyo ve ví wáa bòŋ wun. A kù kfə̀n fó wun vitaáví, a vèn yii vinyo vee shooy sho.

Efesor 4:12

A wù jav vifií vé vinyò vìn jeéy jeéy, é wír Nyùy adzə̀me fíʼ a dzə ve dzə̀ á wàa lìm kinyo, é kintatì ke dzəə̀n wún Kristu ki fiʼ tùúy, a tav, a dù fo mbìy,

1 Pita 5:10

Vèn wáa kiíy ji vèn kù yén ŋgeʼ rə̀n a dzə̀ fó shintàm, é Nyùy wo wù rə́si shám ven ku nèn fə̀ə́r ven fó fo. Wù‑uù lì ven, e tàtí vèn à Kristu ji vèn fíʼ wìy nə̀ə́ e wùn mvə̀m vijùŋ vee là may, a wù kù wíy a leéy fo vèn, a tom ven, é vèn wáa tiy kitávín, é la wìr yòʼ a sə̀ʼ.

Nsùyrì Nyùy 138:8

Rúrú, Nyùy Tàr, à kù wíy yiì kinyo kidzə̀m ke wò‑oò kàʼàn mo shó. Koŋ ye à kér fo wír vée yòʼ wíy mày. Lá à yòʼ màʼày wír vé ve wò‑oò bomen e wó yée.

1 Korin 1:8

A wun woo Jesus Kristu kù yíi a yiì, é vèn wáa tiy e wùn kinyò kitávín, e dù, e jòʼsì. Wíy lóo dzə e kishiíy ke wù wíy wìy kee shooy, é la vèn yòʼ dzəə gbù njò yìmòʼ gheéy.

2 Tesalonika 1:11

Vèr lóo kuumé kinyo ke kí wíy koóy e kishiíy fóo fèy, vèr nèn a bùnrì ghán sidzə̀m, a lon jii, Nyùy wòsən ku yiì, é vèn gheén á fó a dzə wír və́ vé ruú mo wù‑uù liìn ven ji vèn wáa dzə. Vèr kfə́n a lon ji wù fó ven vitaáví, é vèn maysi, e yiì a vinyo ve juŋ vi ve vèn taʼ, e yiì vidzə̀m, e kfə̀n màysì lim ye vèn wayin shilív e Nyùy wùn, a yiì rə̀n.

Hibru 10:35

Mo vèn sí yén ŋgeʼ sinín, tiir a dzə̀ Nyùy fo mbìy, vèn ku nèn a yiì bèy, bìʼ fo vèn kiìn ji wù kù wíy a sə ven, a dù duùn fó mbìy.

Joon 6:29

Jesus bìnèr jii, «Kinyo ke Nyùy taʼ ji vèn wáa yiì ki kù dzə̀ ji vèn wáy shilív e wìr wo wù tumén wùn.»

Filipi 1:10

Vèn lóo səə̀m, é vèn nèn a fəə́r a dzə̀ ve juujùŋ vi, é wíy lóo dzə e kishiíy ke Jesus Kristu kfə́n e bàm, é vèn wáa tiy e wùn si là nsem, a wàrkìr.

Hibru 12:2

a leéy a dzə̀ fó mbìy fo vèsən du, e jòʼsì, a dzə̀ e Jesus wùn. Dzə̀ wun wo wù yiìn, vèsən wáa way shilív e Nyùy wùn, a kù wíy lì wun vèsən, e way e Nyùy kiwo ŋkuuŋkùŋ. Wù‑uù dzə̀ é nsay fèn, e biìmé ji wun ku yiì mo Nyùy sìysìn, e kpù é kintam moo ŋgaà jay, e làa yòʼ a ci woómé se sí dzəə̀n é kfəə kpu foo fèy. Wù‑uù leey kfə́ a dzə̀ vijuŋ ve ví dzəə̀n fó mbìy. Wù nén a dzə lèn e yuv, a dzə e Nyùy ghaa kàvàʼ, e koy yìyí.

1 Tesalonika 1:3

A vèr kuúme a dzə̀ mo vèn yii. Vèn wày shilív e Nyùy wùn, a lìm fo wun, e kfə̀n suùsín, a kòŋ wun, e nèn a lìm, a shaàsìn. A vèn kfə̀n leey sa fó mbìy, shiy ji Tàr wòsən Jesus Kristu wàá wiy, nèn tíy kitávín, la kinyo kímóʼ kí yòʼ dzə́ə a sə̀ʼ ven gheéy.

Filemon 1:21

M sáŋ bèn, a m kì féyì ji à yíi yu a kinyo ke m lón kìn, e kfə̀n kìíy ji à yíi yiì, e shaà bèy.

Filipi 1:29

Vèn wáa kiíy ji Nyùy yòʼ bùʼ ven ji wír Kristu cáʼcáʼ ji vèn wáy a dzə̀ shilív é wùn wó, e fíʼ lùŋ. Wù bùʼ sa ji vèn wáa yen ŋgeʼ bìʼ kinyo ke wun woo Jesus Kristu,

2 Tesalonika 3:4

Taàtá Jesus nén a yiì, vèr wáa way shilív e věn wùn, a kiíy jii, vèn sí yii a vinyo ve vèr‑iì tirin ven shó, aá kù wíy a yiì bèy, a dù duùn fó mbìy.

Kolosia 2:12

A kí dzə̀ jii, vé‑eè wày ven é ndzəv ji wír Kristu, kí nèn a dzə mo vèn‑eè kpù, á dzəə̀mè vèn à Jesus Kristu. Nyùy kfən fə̀ə́r ven ve vèn à Kristu tatin e kpù vin fo kpu, bìʼ fo vèn‑eè wayin shilív e wun wùn ji dzə̀ wù fə̀ə́r sá ven mo wù‑uù fəərin Kristu fo kpu.

2 Korin 7:16

M nén a sheʼrí kém é ŋàŋ, bìʼ fo m kiiyin ne lèn feyì ji vèn kù wíy a yiì vinyo a dzə̀ á ve ru ví.

Lim Aŋgàa Ntum 11:18

Wíri yú kinyo ke Pita kìn, kí gheén áwune. Á nèn a burí Nyùy, a suúy jii, «Bo Nyùy fò ne sa kilíŋ e wír ve bó yòʼ dzəə̀n veé Judàa ji á wáa bìnèr melív mev, e fíʼ wìy lùŋ.»

Lim Aŋgàa Ntum 16:14

Wiíy kitum wùmòʼ wáa dzə fo, a wù ghvə́m sa Nyùy, a yír rəə́ dzə̀ ji Lidia. Wù‑uù dzə̀ wír woó Tiyatira, a wù yii fiinè kfə́ə ndzə̀y símóʼ sí, a sí yii dzə́ e kilùm. Wù lòo yuurí kinyo kér, Nyùy nèn mvə̀ʼ shilív sə́, wù biímé kinyo ke Por ferì.

Galatia 5:10

Yii bèy, mo vèsən tíy e kinyò kee shó kimòʼón, a dzə̀ ké Taàtá wòsən Jesus Kristu, m kì kijuŋ jii, vèn kù wíy a tiy a dzə̀ é kinyò ke m suuy e vèn. A Nyùy wíy màʼ ŋgeʼ e wìr woo shooy wo wù bvəər vifií vén, kìn ŋgaàŋ dzə̀ la.

2 Pita 3:10

A kishiíy ke Kristu wíy a kfən kìn ki wíy sàsìn, e bvəy moo shóŋ. Kí wíy gheén, aá yú mo yúví bayin ji mbǎŋ, e nèn tàʼrí, e lày, é vifá ve á bomen ndzə sho vi yaáné, e mày. Nsay wùn à vifá ve ví dzəə̀n shó vidzə̀m vi wíy shwi, e bvəʼə́y.

2 Korin 9:4

Vèn ku bàʼtí kijuŋ, a tàm wàa wìy vèr à wír veé Masedonia ámóʼó. Á wiy, taʼ kinyè ntéŋ, a mò‑oò sí sévti ji m kì féyì ji dzə̀ vèn yiì kinyo, é m wáa woomé. M lóo woomé, é vèn wáa woomé sa.

2 Korin 2:3

Á kinyo ke kí‑iì yiìn, bo m wáa saŋ a dzə̀ ŋwàʼ wo mò‑oò saŋen, ji m wíy wiyì, é la m yòʼ dzə́ə a sòv a kitú bìʼ ven. A dzə̀ ven vin ve mò‑oò yíi wìy, é vèn yii, é m wáa sheʼrí. Mò‑oò yèn jii, a m wìy, a sòv kitú, é la vèn yòʼ a yu saa vijuŋ. A m kì ji ven adzə̀m kù kooy vijuŋ a dzə̀ fo vém ví.

2 Korin 1:15

Mo mò‑oò sí wáy vifií e věn wùn bey, m nén a sìysì jii, m kfə̀n wíy lòo dù ghán, é m tombìy shaà fo věn wùn, é vèn fiʼ kòóy kintóʼ kée yen mo akàŋ abaà.

Filipi 2:12

Ŋkàr sem, dzə̀ sá mo vèn kú a yu a dzə̀ fo Nyùy. Vèn‑eè ló a yu e ghan se vèsən‑eè dzəə̀n. Vèn ku nèn a yu e shaà bèy lèn wo bó m yòʼ dzə̀ə́ vèsən, e màysì, a yiì moo wír ve Nyùy liìn ji və́, a fàn, a yàʼ fó jay kinyo e wun, é vèn nèn wìy lùŋ.

Filipi 2:16

mo vèn fiʼtì sáʼka wo wù fó dzəʼə̀m yee là may aáwune. Vèn lóo yiì bèy, Jesus Kristu wíy wiy e kishiíy fó, é m wáa tuy shwín ji bó m yòʼ‑oò lo sòrkìr, lim yémé lày a kisáŋ.