Biblia Todo Logo
Bib sou entènèt

- Piblisite -




Filipi 1:5 - ŊWÀʼ NYÙY

5 bìʼ fo m kù kuúme mo vèn‑eè tatin mo, e kèʼ fo kishiíy ké mbìy ki, vèsən wáa sàmèr sáʼka wo juŋ woo bìʼ Jesus Kristu, e shem lèn.

Gade chapit la Kopi




Filipi 1:5
23 Referans Kwoze  

Kifá ke Kristu kér kidzə̀m ki sì sá késən, a vèsən fèn tíy a dzə̀ é kinyò ke vèsən‑eè wayin shilív shó fo mbìy, e dù, e jòʼsì.


Kí nén a dzə jii, aà fen yèn ji wòsò dzə̀ rú kintatì, à kù səə̀sí wun réŋréŋ mo dzə̀ à səə̀sí mo.


A dzə̀ m wàa kuumé ven bey, bìʼ fo vèn dzəə̀n tím yém, a vèsən tíy e kinyò kimòʼón, a dzə̀ ke Nyùy bùʼùn vèsən shó wír adzə̀m. Vèsən tíy sho lèn wo m dzəə̀n é sháŋ, a kù‑uù tíy vèsən é ghan se mò‑oò dzəə́ ghán, binèr fo sáʼka Nyùy wo juŋ, naarì mo wù dzəə̀n.


Kí nén a dzə jii, kinyo kidzə̀m ke vèr‑iì yenen, e kfə̀n yù, a dzə̀ vèr fèr sá, é vèn yú. Mo vèn yuun, é vèn nèn tàtí sa, é vèsən wáa yuurí kinyo kee shó kimòʼón. A vèr tàtí a dzə̀ vèr à Tàr wòsən Nyùy, à Wan və wo dzəə̀n Jesus Kristu.


A kinyo kee shoon ki dzə̀ jii, wír ve bó yòʼ dzəə̀n veé Israyi yú á sáʼka woo kùm Jesus Kristu, e biìmé, é Nyùy tátí wùn à veé Israyi, aá wáa dzə kintatì kimòʼón ji wír və́. Aáwune kfə̀n nə̀ə́ ne e mvə̀m vijùŋ ve Nyùy fó e wír vəə́ adzə̀m. A dzə̀ lèn áwune wàa shìy sa vinyo ve Nyùy‑iì kàʼàn wír ve dzəə̀n vé Jesus Kristu sho vidzə̀m.


Afə̀r vem, m nén a kòŋ fó fèr e vèn lèn mo Nyùy lùmèrìn melív me vintatì veé Masedonia, á wáa yiì.


Mbàm sìn si dzə̀ se vintatì veé Masedonia wùn à veé Akaya vi‑iì kér shilív she juŋ shi, e sùʼtì ji á sə́ aŋgàa biimé ámóʼó ve á yén ŋgeʼ e Jerusalem.


Yii bèy, mo Nyùy dzəə̀n é ndzə ye ranén, wíri lóo ghan sa e ndzə ye ranén, áwune nèn a dzə kintatì, a ghan kiwuú kév kimòʼón. Mo á ghán bèy, Nyùy nèn kfə̀n sù sa njò yev, á wàa dzə là jay. A wù su a dzə̀ e mensə́ me Wan və woo Jesus mè.


Ŋwàʼ və̀ne sàŋ mo woo Simon Pita. M dzə̀ ŋgaà lìm Jesus Kristu, e kfə̀n a dzə ŋgaà ntum və. A m sàŋ a dzə̀ fo vèn adzə̀m ve á tíy e kinyò kee shó ke ver vee aŋgàa ntume tíy sho. Dzə̀ kinyo feyì feyì, a wày sá Jesus Kristu e věn kiwo, bìʼ fo wù kù yii yii kinyo kfə́ réŋ. Dzə̀ wun Nyùy wòsən, kfə́n a dzə Ŋgaà Lùŋèr wòsən.


Ŋkàr sem, dzə̀ sá mo vèn kú a yu a dzə̀ fo Nyùy. Vèn‑eè ló a yu e ghan se vèsən‑eè dzəə̀n. Vèn ku nèn a yu e shaà bèy lèn wo bó m yòʼ dzə̀ə́ vèsən, e màysì, a yiì moo wír ve Nyùy liìn ji və́, a fàn, a yàʼ fó jay kinyo e wun, é vèn nèn wìy lùŋ.


A dzə̀ Nyùy kù wìy yiì kinyo kìn, bìʼ fo wù kù yii tíy e wùn jì. Yì‑iì lì wun ven, bo vèn à Wan və Jesus Kristu wo dzəə̀n Taàtá wòsən tátí ji wír amòʼón.


Wír veé Israyi nén a dzə moo kicí ke Nyùy bìyìn, kí kúy, a koóm. A ven ve bó yòʼ dzəə̀n wír veé Israyi dzə̀ kén moo kicí ke kí kúy kuyín é kwaʼ, a bó á yòʼ yii kfə́rí. Nyùy nen faàrì símóʼ see tám fo wǔn kici fey, e lì ven, e bàrír fo, vèn wáa nyoŋ mendzə́v fo kicí kee shooy kí wùn, a koóm.


Á ku nèn a yu kinyo kimòʼón a dzə̀ ke aŋgàa ntum Jesuse yéʼeyì, wùn áwune wáa ghanén, a yinín kikóŋ, a bùnrì amòʼón.


Wìr yén, a fər və woo ŋgaà biìmé búŋ kifá, wù kù kòóy kifá, e sə̀ wun sho. Vèn kfə́n a səəsí afə́r vén e věn melav.


Afə̀r vem, m taʼ, e yiì, é vèn kiíy ji ŋgeʼ se sí kooyin mo sin si yiì ne, sáʼka wo juŋ woo kùm Jesus Kristu wáa kuy kuyín, a dù fo mbìy.


bìʼ fo áwune koŋ mo, aá kì ji wày Nyùy mo é sháŋ ji m fíʼ a dzə e ntoʼ fèn, a bìnèr fo sáʼka wo juŋ woo kùm Jesus Kristu.


Á bèy lèn, kinyo ke vèn wáa yiì ki dzə̀ jii, vèn wáa ker liì a dzə̀ á wo wìr ve á jumrì rú kinyo ke Jesus Kristu. A ke m taʼ ki dzə̀ jii, kìn m wìy fo vèn, kìn bó m yoʼ wìy, m kù a yu a ji vèn tíy kitávín, kér shilív shimòʼón, e kfə̀n a yu ji vèn wày vifií, a fùnèn kinyo kimòʼón cáʼ ji sáʼka Nyùy wo juŋ wáa dù fo mbìy, é wíri wáa biimé.


A vèn kì sá mo liì wun woo Timoti dzəə̀n. Vèr wun‑eè ghán, fiʼtì sáʼka Nyùy, a wù sə́ mo réŋréŋ mo wàn yii sə́ tàr wov.


M nen kfə̀n a suúy e wò woo ŋgaà wom ŋgoo feyì ji à ku sə̀ á vikìy vee shooy, aá mán vinyo vév. Dzə̀ wír ve vèr áwune‑eè katìr, fiʼtì sáʼka Nyùy wo juŋ, a yì‑iì fiʼtì vèr à Kilemon, aàŋgaà vém ŋgoo ámóʼó sá. A wír vìn adzə̀me dzə̀, a Nyùy sàŋ ne yír sév é ŋwàʼ wo á sáŋ yír sé wìr ve á wíy lùŋ sho.


Swiv nou:

Piblisite


Piblisite