M suuy bèn fər wom, bìʼ fo m lóo kuumé mo à koŋ wír Nyùy e ŋàŋ, yii, a melív mev mè lum ghán sidzə̀m, m wàa ker kishéʼrì ke ghaʼán kí, shém shee shilív shí wàa lùm sa.
Vèn wáa kiíy jii, mo bó m yòʼ fə̀m dzəə̀n vèsən fó si, m kù kwaʼtì ven ghán sidzə̀m, a m shéʼri mo m yén ji vèn tíy a kitávín vèn à Jesus Kristu, dzə́ shuu mòʼón.
Á bèy lèn afə̀r vem, m koŋ ven féyì, a jìŋ yen yár mo é ŋàŋ. Dzə̀ ven vin ve á yii, a m kér kishéʼrì. A m kfə̀n kwá ŋgúʼ a dzə̀ bìʼ ven. Ŋkar sem, vèn ku nèn a tiy kitávín a dzə̀ vèn à Tàr wòsən Kristu mo m kì suuyin ne.
Mò‑oò ló a suúy e vèn fó ŋgùʼ, a m kfə̀n sí rémri lèn e mensíy mè e si jii, wíri dzə̀ e vèsə́n mvəm anín ve á loòn ne, a ker liì, a wù shwínin a dzə̀ á wo wìr ve á ban kinyo ke Kristu, ŋwáy kpú ye wù‑uù kpuun é kintam ŋwáyín.
Vèn wáa kiíy jii, kù dzə̀ sá réŋréŋ mo á wíy a sheʼrí e Nyùy wòŋ woó yuv, bìʼ ŋgaà vinyò ve bi ví e mòʼón wo wù bìnèrìn shilív sə́. Aá wíy a sheʼrí woo shooy, e shaà wír vee nshòv bvə̀ʼə̀ e mbvə̀ʼə̀ ve á yén ji áwune dzə̀ ajuŋ, a bó á yòʼ dzəə́ kér shií fó bìnèr melív mev.
