Filipi 1:30 - ŊWÀʼ NYÙY

³⁰ é vèsən tátí adzə̀m, a fùnèn kinyo kee shó kimòʼón a dzə̀ ke vèn‑eè yén, a m funnìnè. A kù dzə̀ kíwun ke vèn dzəə́ yú, a m tsə́ŋ sho lèn.

Filipi 1:30 Referans Kwoze

1 Tesalonika 2:2

Vèn kì sá mo wíri‑iì nəʼsì ver, kfə̀n shoor ver é Filipi, a Nyùy kù távir melív mer, vèr ku yòʼ wìy, a fìʼtì sáʼka və wo juŋ e vèn, a wíri fə̀m‑eè kinèn e le.

2 Timoti 4:7

M yiì ne yéem yee mbìv. M fùnèn ne e Nyùy kinyò feyì, e sò kinyeŋ ke mò‑oò nyéŋé, a tiy kitávín vèr Nyùy wo m wayin shilív é wùn wó.

Hibru 12:4

Ŋgeʼ si lóo koóy ven, vèn wàa kiíy jii, mo vèn fə̀m tuutì ji vèn kú a tiy vèn à Nyùy, e làa yòʼ a way kiwó e kinyò ke bi kí, bó kí yóʼ ne mèé e kiliŋ ke dzə̀ á yùyrí wír yúyrín bìʼ kinyo kee shooy.

Joon 16:33

M sùúy ne vinyo e vèn, é vèn fíʼ a tiy e mǒ wùn, é melív men mè wáa dzə nyaáŋ. Vèn dzə́ e ndzə fèn lèn, a ŋgeʼ si kooy ven sinín. Yii bèy, vèn wáa wàrkìr, bìʼ fo m ghaʼan ne vitaáví vé ndzə rə̀n.»

Ŋgaà Yen 12:11

Yii bèy, aáwune ghàʼ ne wun, bìʼ fo vé‑eè tíy kév a dzə̀ é mensə me Wàn Njiì Nyùy, fiʼtì a dzə̀ kinyo ke Nyùy, e kfə̀n biìmé kpú bìʼ kinyo kee shooy.

1 Timoti 6:12

Ku wày shilív shé shi a dzə̀ e Nyùy wùn, a fùnèn e wùn kinyò kitávín. Ku ghàr dzəʼə̀m yee là mayi ye Nyùy liìn wò sho, a kuumé mo wò‑oò tiimen e wírí si anín, a suúy fo wò shuù feyì ji à wày shilív a dzə̀ e Nyùy wùn.

Kolosia 1:29

M ku nèn wày ŋàŋ, a ghìtìr e kinyò foo fèy. A m yii a dzə̀ mo Jesus Kristu fó mo vitaáví və́ ve ghaʼán ví, a ví lim e mǒ wùn.

Filipi 1:13

A ke kí kooyin kí dzə̀ jii, mo m dzəə̀n é sháŋ a dzə̀ é ntoʼ fèn, vé rər ve á shiy ntoʼ rə̀n wùn à wír veé ntoʼ fèn adzə̀me kìíy ne lèn a ji á wày mo é sháŋ cáʼ ji bìʼ fo m fiʼtì kinyo ke Jesus Kristu.

Kolosia 2:1

M nén a tàʼ ji vèn kiíy mo m rə́si ghitìr e ven vee wír veé Kolosiàá vinyò, ghitìr fo veé Ladisiàa, kfə̀n ghitìr sa fo wír Nyùy ámóʼó adzə̀m ve bó vèr áwune yóʼ ne yènnín sí.

Hibru 12:1

Mo vèsən sí yén wír nyanyày e vèsə́n ghaŋ mbìv sidzə̀m, a dzə̀ ve á din mo dzə̀ wìr wày shilív e Nyùy wùn, vèsən ku nèn a yiì moo áwune, e màʼtì vinyo ve dzə̀ ví jàvsìn vèsən à Nyùy vidzə̀m. Vèsən maʼay vinyo ve bi ve ví rə́ʼəy vèsən, e wày ŋàŋ, a leʼ a dzə̀ kileʼ ke vèsən sí léʼé,