Filipi 1:29 - ŊWÀʼ NYÙY

²⁹ Vèn wáa kiíy ji Nyùy yòʼ bùʼ ven ji wír Kristu cáʼcáʼ ji vèn wáy a dzə̀ shilív é wùn wó, e fíʼ lùŋ. Wù bùʼ sa ji vèn wáa yen ŋgeʼ bìʼ kinyo ke wun woo Jesus Kristu,

Filipi 1:29 Referans Kwoze

Jeem 1:2

Afə̀r vem, ŋgeʼ si lóo koóy ven, vèn kù a lì ji bòŋ a vishí vén, a fə̀m dzə̀ kfə́ə ŋgeʼ yee ka.

1 Pita 4:13

A dzə̀ vèn wàa sheʼrí Nyùy shéʼrín ji wù yiì, vèn wáa yen ŋgeʼ bìʼ kinyo kfə́ mo Kristu‑uù yéné, wíy lóo dzə e ghan se Kristu wíy a wìy, a wù sí kér vikuʼùy a dzə̀ vé Nyùy, é vèn nəə́ sá e wùn mvə̀m vijùŋ, a sheʼrí.

Lim Aŋgàa Ntum 5:41

Áwune lò fo vé wòŋé si, a dù, a sheʼrí ji áwune ghèén a e wìr ve dzə̀ á wàa shoór bìʼ Jesus.

Ŋwàʼ woó Rom 5:3

Yii bèy, mo vèsən kù dzəə́ dzə́ lèn, yén ŋgeʼ, vèsən ku yòʼ a sheʼrí sa ŋgeʼ see shoon, bìʼ fo vèsən kiìn ji ŋgeʼ sìn si yii, a vèsən yéʼti a dzə̀ e Nyùy wùn.

Lim Aŋgàa Ntum 14:22

Á wáa ghan bèy, a lùmèr melív me aŋgàa biimé, a tir áwune ji á kú a ghar kinyo ke Jesus kijuŋ, a kiíy a ji wùn áwune kér fó wìy yen ŋgeʼ sinín, e bóo wìy nəə́ e Nyùy mvə̀m saʼ.

Efesor 2:8

Vèn ku nèn a kiíy ji Nyùy lùŋèr ne ven, ve vèn wayin shilív e Kristu wùn, a dzə̀ bìʼ fo wù shamen ven shámén. Bó yòʼ yiì ven gheéy. Wù bùʼ ven búʼun.

Kolosia 2:12

A kí dzə̀ jii, vé‑eè wày ven é ndzəv ji wír Kristu, kí nèn a dzə mo vèn‑eè kpù, á dzəə̀mè vèn à Jesus Kristu. Nyùy kfən fə̀ə́r ven ve vèn à Kristu tatin e kpù vin fo kpu, bìʼ fo vèn‑eè wayin shilív e wun wùn ji dzə̀ wù fə̀ə́r sá ven mo wù‑uù fəərin Kristu fo kpu.

Lim Aŋgàa Ntum 14:27

Á meé fó, e bàʼtí wír veé kintatì, a fìʼtì mo áwune ghán, a Nyùy sə́ áwune, mvəʼtì melív me wìr ve bó yòʼ dzəə̀n veé Juda, aá wáy shilív e Jesus wùn.

Lim Aŋgàa Ntum 13:39

Wìr wo wù wáy shilív e Jesus wùn bòy ne fo wùn vinyò ve bi ví, a bó yòʼ dzə̀ *Nsər Mooser yiì, wìr bòy.

Matio 16:17

Jesus yòŋ jii, «Simon woo wan Jona, vishí vé vi bòŋ feyì. Kú a kiíy jii, yiì Tàr wor wo wù dzəə̀n é yuv, é bo à kiíy kinyo kìn, a bó kí yòʼ lò fo wìr msòŋ.