Filipi 1:26 - ŊWÀʼ NYÙY

²⁶ A vèn wíy màysì, a wùʼsì Jesus Kristu feyì bìʼ mo é kishiíy ke m kfə̀n wíy wìy, é vèsən yénnín sí.

Filipi 1:26 Referans Kwoze

2 Korin 1:14

A vèn fə̀m dzəə́ méŋnin vinyo ve m yii vímóʼ ví lèn, bo m kù wày vifií e věn wùn ji vèn wíy màysì, e yen a mo vinyo vee shooy vi dzəə̀n. Wíy lóo dzə e kishiíy ke Tàr wòsən Jesus wíy kfən, vèsən lóo tiy e wùn si, é vèn nèn a koʼnín bìʼ mo, réŋréŋ mo m wíy a koʼnín bìʼ ven.

2 Korin 5:12

Vèr suuy bèn, a bó yòʼ dzə̀ ji vèr suuy a dzə̀ á kitú. Vèr suuy cáʼ ji vèn wáa nyàvnìn bìʼ ver, a ker a kinyo ke dzə̀ vèn bìnèr e wír ve á yén wír a dzə̀ fó ntaʼ, e làa yòʼ a kiíy mo shilív shé ŋgaàŋ shi tíy e Nyùy wùn.

Filipi 4:4

A m suuy e vèn adzə̀m jii, vèn wáa sheʼrí dzəʼə̀m ye vèn kér vèn à Tàr wòsən Jesus ghán sidzə̀m. A m suuy, kfə̀n lo li jii, vèn wáa sheʼrí.

Filipi 3:3

Dzə̀ vèsən vin ve Nyùy naŋsin ne rú ji wír və́. Vèsən ghvə́m wun woo Nyùy, a bánri Kiyoy kfə́ vèsən. A vèsən sumrì wún bìʼ fo á dzəə̀n wír Jesus Kristu, a bó vèsən yòʼ wáy vifií é vinyò ve á yii ji bìʼ liì wòŋ gheéy.

Filipi 4:10

M beerì Tàr wòsən Jesus Kristu, shéʼri feyì mo m kfə̀n yén, a vèn leey fo mò mo vèn‑eè leey fo ŋgùʼ. A bó m yòʼ suuy bèn ji vèn‑eè bìn á ndzə̀m fo mò, vèn‑eè tàn a dzə̀ dzə́ə.

Filipi 3:1

Afə̀r vem, m lóo màysì, e nèn a tir ven ji vèn wáa sheʼrí a dzəʼə̀m ye vèn kér vèn à Tàr wòsən Jesus. M nen kfə̀n a suúy kinyo kímóʼ kí, a dzə̀ ke mò‑oò saŋen ne fo vèn. A bó yòʼ dzə̀ m wàa dor fó a remrí kinyo kee shooy, bìʼ fo kí yíi a shìy ven fo vèn tó é kinyò.

2 Korin 7:6

Yii bèy, Nyùy rəə̀r melív mer mo wù kù yii rəər shé wìr wo wù rəm ntéŋ. Wù‑uù yiì, Titur wìy, e kòóy ver fó.

Joon 16:24

Kèʼ mo vèsən‑eè dzəə̀n, e meé lèn, vèn yòʼ‑oò yiì ne lòn kifá fo Nyùy e mǒ yir. M nén a suúy e vèn lèn jii, vèn wáa lon rì bèy, é Nyùy wàá fó, é kishéʼrì ki nèn màysì, e rùn e věn meliv.

Joon 16:22

Dzə̀ sá réŋréŋ mo vèn sov kitú lèn, a vèn wíy a sheʼrí e ghan sé bàm sí, bìʼ fo m du bèn, e dù, e kfən. A bó yòʼ dzə̀ wìr dzəə wìy sə̀ kishéʼrì kee shooy fo vèn.

Yòv Viŋgér 5:1

Shilìv shem, yeè lav wòm, m nə̀ə́ ne e mǒ kiboo, a m sí kéŋ vikwiíy ve rəʼtìn ví. M sí kéŋ *nard wom, kéŋ *mer. M sí lá vilu vém ve ví koon shuu wóm, nyoóŋe gham, a m sí nó meluʼ mem, nyóŋ vín yém. Kweʼfèné, vé kikòŋnìne, vèn ku yì kikoŋnìn kén kí, e yù. Vèn ku nò kikoŋnìn kìn e njà melùʼ, e shaàsìn.

2 Korin 7:4

Vifií vém ví kfə̀n tíy e věn wùn féyì, a m nyavnìn feyì bìʼ ven. Vèn rəər shilív shém ghán sidzə̀m. A m fə̀m yén ŋgeʼ e le, m kù a sheʼrí sheʼrín bìʼ ven.

2 Korin 7:14

A mò‑oò ló a burí ven e wun woo Titur feyì, wù wìy, e yèn ven, la kí yòʼ shaà fo ghaŋ. Kí nèn kòóy ji kinyo ke mò‑oò meer yír yén shó vèr Titur kìn ki dù, a dzə ke ru kí, réŋréŋ mo vinyo ve mò‑oò yiìn ne sùúy e vèn ví kù yii dzə́ ve ru ví.

Galatia 6:4

A dzə̀ wìr kù a sayrí a dzə̀ rə́ yee lim, yén, a yí dzə̀ e juŋ ye dzə̀ wù wàa binsí, wù nèn a binsí, e làa yòʼ a binsí ji bìʼ fo wun fiʼsìn wùn à yé fər vəə́.