Filipi 1:23 - ŊWÀʼ NYÙY

²³ M sí dzə́n a dzə̀ tùʼtàn, a m sí taʼ lèn feyì ji m ku màʼtì dzəʼə̀m rə̀n, e dù, a dzə a vèr Kristu. Á yee shoon yee dzəʼə̀m ye yí bòŋèn, e shaà.

Filipi 1:23 Referans Kwoze

2 Korin 5:8

Mo vèr kù sí leey a dzə̀ fó mbìy, vèr lo, á nèn a yen ji bo á kì kpù á lèn, e màʼtì vən woo wún, e dù, a dzə vèr à Kristu e wùn laʼ yeé yuv.

Nsùyrì Nyùy 17:15

M dzə̀ kém, a m wíy shov wò e si, bìʼ fo m ghán a dzə̀ e wò mbòv. M wíy lóo yìmèn fo mbuùné, lóo yen wò mo à dzəə̀n, é kí gheén mo féyì.

Ŋgaà Yen 14:13

M yú, a jì yìmòʼ yóŋ mo fó yuv, e sùúy jii, «Sáŋ kinyo kìn ki. Kèʼ fo lèn, bòŋ ké wìr ve á kpú e Nyùy shùu lìm. A dzə̀ mo Kiyoy ke Nyùy ki bínsi ji dzə̀ á rú. Á wíy laamé áwune fó vinyò ve juŋ vi ve áwune‑eè rə́si yii. Kèʼ fo lèn, áwune sí yiì a yu vijuŋ, e meèmè fo áwuné akwiiròn.»

Lim Aŋgàa Ntum 7:59

Á wáa tsəmrí, wù wáa bùnrì jii, «Tàr wor Jesus, ku lì kiyoy kém kí é yuv.»

Ŋwàʼ Luk 23:43

Jesus suúy shó jii, «Kú a kiíy rú ji wòsò yíi a dzə e Nyùy kirə̀ʼ ké vijùŋ lán.»

2 Timoti 4:6

Kee kùm mo kí wáa dzə jii, ghán se m sí yìi màʼtì nsay si sì á fo mentsə̀m. Sì á ghán se á yíi lì mo, e yuyrí bìʼ kinyo ke Nyùy.

Joon 17:24

«Tàr, mo m sí kfə́n fo wò wùn lèn, m koŋ ji wír ve wò‑oò foon e mò víne wáa dzə vèr áwune fo m dzəə̀n, aá fíʼ a yen vikuʼùy ve wò‑oò foon e mò, bìʼ fo wò‑oò sí koŋ mo, é bo ndzə wìy a kèʼ.

Joon 12:26

A wìr taʼ ji wun wáa dzə wán wom lìm, wù kù a ghan vèr wun. M lóo dzə fo m dzə́, é kú a dzə vèr wun. Wìr wáa lìm fo mò, bo Tàr wor wíy bùʼ ŋgaàŋ.»

Nsùyrì Nyùy 49:15

Yii bèy, Nyùy wíy taŋ mo fo kpúu. Rúrú, wù wíy lì mo e wun ghaŋ.

1 Tesalonika 4:17

é bo ve á dzəə̀n shó e ghan see shooyi báʼtí wùn áwune, a koʼ e mvə̀m mbàʼ, é wùn à Taàtá Jesus tárnín é taa yuv. Á mo vèsən wíy koʼ bèn, é vèsən à Taàtá Jesus nèn a dzə ghán sidzə̀m.

Joon 14:3

M yíi dù, náŋsin kirə́ʼ kee shoon, é m nèn kfə̀n, e lì ven, é vèn wáa dzə sa fo m dzə́.

Ŋwàʼ Luk 12:50

Á kér fo wìy way mo é ŋgeʼ mo á yii wáy wír e ndzəv. A dzə̀, a bó kinyo kee shooy ki shaá, la shilív shém shí yòʼ rə̀sìn.

1 Tesalonika 2:13

Kinyo kímóʼ kí ke vèr rə́si beerì Nyùy fo fo ki dzə̀ jii, vèr‑iì fìʼtì kinyo kfə́ e vèn, vèn ku nèn biìmé ji dzə̀ rú á ntum Nyùy, a bó yòʼ dzə̀ ye wìr. Mo vèn biimen, yì nèn a lùm e věn meliv kitávín.

Joon 13:1

Kishiíy ke á kì bvəə́shi, a yi *Ŋkǎʼ Yáʼayshaà ki nèn ghèén, a Jesus kiíy ne ji sì á ghán se wun sí yìi màʼtì ndzə rə̀n, e kfən fo Tàr wóv wùn. Mo wù kù‑uù sí koŋ wír ve yiì dzəə̀n və́ é ndzə fèn, wù ku nèn a kòŋ bèy, e dù, e mày.

Ŋwàʼ Luk 8:38

Wù lòo dù, ŋgaà anyùy və̀y wáa lon ji bo wùn wun kì gháné. Jesus sháʼnín, e sùúy sho jii,

1 Tesalonika 2:1

Afə̀r ver, vèn kì kijuŋ ji bó kiŋgàn ke vèr‑iì wìyìn fo vèn kí yòʼ‑oò lo lày a kisáŋ.

2 Korin 6:12

Bó yòʼ dzə̀ vèr yàr fó dìn ji vèr koŋ ven. A kinyo ki bèn dzə̀ə́ sho ke kí shem fo vèn wáa kòŋ ver, bo kí kù dzə̀ a dzə̀ e vèn.

2 Samuel 24:14

Davir suúy e Gad jii, «M sì é ŋgeʼ ye tavín, Nyùy Tàr yii shám mendzən feyì. Bòŋ é wù yii ke wú‑úù yii e vèr, e shaà ke yii wír.»

Filipi 1:24

Yii bèy, a kinyo ke kí dzəə̀n é shií kí dzə̀ ji m ku dzə̀ʼtì e ndzə fèn bìʼ ven.