Filipi 1:22 - ŊWÀʼ NYÙY

²² Yii bèy, wáa dzə ji m goʼ e tin, bo m kù dzəə́ wìy a yiì lim ye yí wáa sə wíri. Mo dzə́ə see sibaà sin si boŋ sidzə̀m, kí nén a tarír mo ji m sa bìn e rəné á?

Filipi 1:22 Referans Kwoze

1 Pita 4:2

Vèn ku nèn a beʼrí vishiíy ve vèn béʼri e nsay fèn, a way vifií ji vèn wáa yiì a dzə̀ kinyo ke Nyùy koŋè, e làa yòʼ dzə́ə a yiì a dzə̀ mo mensə́ mè lim e věn wùn.

Galatia 2:20

Mo Kristu‑uù kpuun é kintam, sì yém yee kpú. M dzə́ lèn bèn, a bó yòʼ dzəə́ dzə́ mo gheéy, sí dzə́ Kristu e mǒ wùn. A dzə́ ye m dzə́ rə̀n, m dzə́ a dzə̀ bìʼ fo m wáy shilív e wun woo Wan Nyùy wùn, wo wù kòŋèn mo, e lì kitú kfə́, e tàŋrí mo shó.

Filipi 1:24

Yii bèy, a kinyo ke kí dzəə̀n é shií kí dzə̀ ji m ku dzə̀ʼtì e ndzə fèn bìʼ ven.

Lim Aŋgàa Ntum 3:17

«Á bèy lèn, afə̀r vem, m kì ji kinyo ke vèn aàtǎr wòŋ véné‑eè tatin, e yiì e Jesus ki dzə̀, a bó á yòʼ‑oò kì kinyo ke vé‑eè yii.

2 Korin 10:3

Dzə̀ rú, a vèr kù dzə̀ sá wír fo wìr. Yii bèy, a bó vèr yòʼ funèn e věr lìm fèn mo wír veé ndzə fène yii maʼ rə́r a dzə̀ e vitaáví vév ví.

Nsùyrì Nyùy 71:18

Éè Nyùy, lèn mo m dzə̀nèn ne, kitú ki fə́r, lá à yòʼ màʼày mo máʼayin. Kú a dzə wòsò, é m wáa fìʼtì vinyo vé ve ghaʼtín ví, a fìʼtì e ŋgwàʼ se sí wiy fo bàm sí.

Kolosia 2:1

M nén a tàʼ ji vèn kiíy mo m rə́si ghitìr e ven vee wír veé Kolosiàá vinyò, ghitìr fo veé Ladisiàa, kfə̀n ghitìr sa fo wír Nyùy ámóʼó adzə̀m ve bó vèr áwune yóʼ ne yènnín sí.

Ŋwàʼ woó Rom 11:2

Nyùy yoʼ màʼày wír və́ ve wù‑uù yiìn ne shòʼ fó ŋgùʼ gheéy. A kinyo ke kí‑iì kooyin Elija ki dzə̀ mfìʼ kinyò kìn. Vèn kì sá kinyo ke vé‑eè saŋen é Ŋwàʼ Nyùy mo wù‑uù tóŋ, bí Nyùy mo wír veé Israyi lóvti e wun.

Ŋwàʼ Fəə 32:1

Wír veé Israyi yiì lò, e yèn ji Mooser dù ne, e laàtí a e gwan, e làa yòʼ dzə́ə səy, áwune nèn bàʼtí e Aaron ghaŋ, a ghiʼ wun jii, «Shaà, e fèr nyùy, e fò e vèr, é wù wáa dànèr ver. Ké Mooser və̀y wo wù‑uù fəərin ver fó wòŋ Ejiv, bó vèr yòʼ kì kinyo ke kí kooyin wun.»

Kèʼlo 39:8

Joosev sháʼnín, e sùúy sho jii, «Leéy mo tàr wor lìm wayin ne vifá vidzə̀m e mǒ kiwo, a bó wù yòʼ dzəə́ leey fo kifa e laʼàn, kù sí leey mo kifá kfə́ kidzə̀m.

Kèʼlo 21:26

Abimelek suúy jii, «Nyaa mò, bó m yòʼ kì wír wo wù yiìn kinyo kìn. À yòʼ‑oò lo sùúy e mò. M kù yù kém a dzə̀ lán bèn.»

Ŋwàʼ woó Rom 1:13

Afə̀r vem, vèn wáa kiíy jii, m yii wáy e ghan sí, ghan sí ji m wiy, e ghan ven, e fíʼ bìnèr wír ámóʼó fo věn wòŋ, aá wáy shilív e Kristu wùn réŋréŋ mo m binèr sa e vitum vímóʼ ví ve bó yòʼ dzəə̀n veé Juda, kinyo ki kù jìvír.

Filipi 1:23

M sí dzə́n a dzə̀ tùʼtàn, a m sí taʼ lèn feyì ji m ku màʼtì dzəʼə̀m rə̀n, e dù, a dzə a vèr Kristu. Á yee shoon yee dzəʼə̀m ye yí bòŋèn, e shaà.