Filipi 1:20 - ŊWÀʼ NYÙY

²⁰ Kinyo ke m taʼ feyì, e way vifií shó cáʼ ki dzə̀ ji lá kí yòʼ kòóy a ji m yii kinyo ke kí wáa fo mo woómé. M kú a kur shilív, a tiy kitávín ghán sidzə̀m, bo taaka lèn və̀n, kìn dzə̀ ji á yúyri mo, kìn m goʼ e tin, é kinyo ke m yii kidzə̀m ki wáa meér yír a dzə̀ yé Kristu.

Filipi 1:20 Referans Kwoze

1 Pita 4:16

A wìr lò, a yen ŋgeʼ a dzə̀ bìʼ fo wù dzəə̀n wir Kristu, lá ŋgaàŋ yòʼ a woomé bìʼ kee shooy. Mo á yoŋ wun ji wir Kristu, wù wáa beèrì a dzə̀ Nyùy, bìʼ fo á yoŋ bèy, a dzə̀ ji mbàmbà Kristu.

1 Korin 6:20

Wù‑uù yùn ne ven, e tàŋ káv e gháʼán. Vèn ku nèn a lì wún wón, a yiì vinyo sho a dzə̀ ve á wáa burí Nyùy.

Aysaya 54:4

«Lá à yòʼ a fàn, wìr yòʼ kfə̀n dzəə́ wìy yiì kinyo ke à wáa woomé. Lá mbvəərì yòʼ fəə̀ e věn mvəm, bìʼ fo wìr yòʼ dzəə̀n shó wo wù wíy yiì, áà wáa woomé. À wíy làysìn vinyo ve nshoórmé ve wò‑oò yii, aà dzə̀ə́ wánlè ŋgòn. À wíy làysìn shéʼ ye vé‑eè shéʼ wò, aà dzə̀ é kwaʼ kimfəə, shéʼé, kù moo ji à sì wiiy ŋkfə woo là ŋgaà benben.

1 Tesalonika 5:23

Vèr nén a lon jii, wun woo Nyùy wo wù yii, a melív mèsən mè dzə́ nyaáŋ ku yiì, é vèn wáa dzə wír və́ ŋkuuŋkùŋ. A vèr kfə̀n lón sa jii, wù kú a shìy ven, é vèn wáa dzə ajuŋ là nsem, a kwàʼtì a dzə̀ vinyo ve juŋ vi, a ker melív me juŋ mè, é la wìr wùmòʼ yòʼ a ker lóm yìmòʼ e wun wùn gheéy, e dù, e meé e ghan se Tàr wòsən Jesus Kristu wíy a wìy.

1 Joon 2:28

Wòn vem, vèn ku nèn a suusín vèn à Jesus Kristu bèy, wíy lóo dzə e ghan se wù wiyì, é la vèsən yòʼ a woomé, a tàʼ, e laáy, aá fan a dzə̀ fó yen wun.

Filipi 2:17

Mo vèn wayin shilív e Wàn Nyùy wùn, a sheʼrí, bo dzə̀ cu mo vèn cu Nyùy. A wù ben yèn ji á yúyrí mo, e dzə̀sì cu yén shó, bo m kù nəə a dzə̀ e věn mvə̀m kisheʼrì, é vèsən maysi, a yu vijuŋ.

Ŋwàʼ woó Rom 8:19

Vifá ve Nyùy bomen vidzə̀m vi sí shiy, njeʼ feyì jii, á yén á mo Nyùy wíy yiì e wón vəə́ e ghan foo fèy.

2 Korin 10:8

Mo m fə̀m‑eè sévti, shaa mo dzə̀ kí wàa dzə, bó yòʼ dzə̀ kí kòóy ji wìr din á ji bó yòʼ tùm rú Kristu mo. A wù‑uù tùm mo ji m báʼtí ven ji wír və́, wù yòʼ‑oò tùm ji m táʼár taʼarín.

2 Korin 4:10

Vèr ku nèn a ghan, a lì vitú vér ji á kpú á kpú ye Jesus‑eè kpuun, wíri wáa leéy ver, a yen dzəʼə̀m a dzə̀ yé wun woo Jesus mo yí yénsin e věr wùn.

1 Korin 7:34

Wù nén a dzə bèy, a tùʼtìn e vinyò mbìv sibaà. A kù dzə̀ réŋréŋ sá mo kí kooy vikìy. Wiíy wo wù kòŋèn, a dzə kfə́ là lúm, dzə̀ sá wù wày vifií e Tàr wòsən Jesus kinyò, e nèn a kòŋ cáʼ ji wun tátí shilív sə́ wùn à kitú kfə́ kí, e fò a dzə̀ e Nyùy. Wiíy wo wù kér lúm kér fó kù a way vifií a dzə̀ é dzə̀ʼə̀m yeé nsay fèn, a yiì vinyo cáʼ ji wún lum vəə́ fíʼ a bòŋ.

Aysaya 50:7

Mo Nyùy Tàr sə́ mo, wun woo Taà Ndzə, bó yòʼ dzə̀ féyì, kí kòóy ji m shoór kitú. Bìʼ bey, m lì ne sí yém moo sáylúm, a m kì féyì ji bó yòʼ dzə̀ á yiì shòór mo.

Nsùyrì Nyùy 119:116

Tóm mo, kù mo wò‑oò kàʼàn, é m bóo fíʼ a dzə e tin. Lá à yòʼ yiì, é m wáa woomé, a m tiír ne vifií e wò wùn.

Ŋwàʼ woó Rom 5:5

A bó yòʼ dzə̀ kinyo kee shoon ki shaà fó ghaŋ, bìʼ fo Nyùy foon ne kitiír, a dzə̀ Kiyoy ke Ranén kí ke wù wayin e vèsə́n meliv, kí wáa yiì, vèsən wáa kiíy rú mo wù koŋ vèsən.

Aysaya 45:17

Yii bèy, Nyùy Tàr wíy lùŋèr ven vee wír veé Isray, a luŋèr ye wù wíy lùŋèr vené kù wíy a tiy fo, e dù, e jòʼsì. E wìy dù, e mày, vèn yòʼ wíy a woomé, a bó vèn yòʼ wíy a tùʼtìn.

Kolosia 1:24

Yii bèy, á wày ne mo é ŋgeʼ lèn, bìʼ fo m fiʼtì kinyo kee shooy e vèn. A m shéʼri kee shooy shéʼrín, bìʼ fo m yén ŋgeʼ a dzə̀ fo kintatì ke dzəə̀n wún Kristu ki. Wù‑uù yèn ŋgeʼ sigháʼán, e bóo kèʼ kintatì kìn. M nén a yen kém ŋgeʼ lèn ji m maysi kinyo ke wù‑uù kèʼèn, é kintatì ki fíʼ tuúy.

Ŋwàʼ woó Rom 12:1

Afə̀r vem, mo Nyùy rə́si shám vèsən é ŋàŋ ben, m nén a lon feyì jii, vèn ku tàtí vitú vén adzə̀m, e fò e Nyùy, a dzə, a yu a dzə̀ fo wun. Vèn ku yiì bèy ji vèn wáa dzə a moo kifá ke á liìn, e cù Nyùy sho, wù wáa yu vijuŋ. Á dzə́ə yee réŋ ye dzə̀ vèn fò melív men e Nyùy, a bùnrì fo fo.

Filipi 1:14

A sháŋ wo m lim və̀n kfə̀n yiì ne sa, afə́r vesəné máysí, e wày gháŋ e Tàr wòsən Jesus wùn anín, a fìʼtì kinyo kfə́ lèn feyì, là fan.

2 Korin 7:14

A mò‑oò ló a burí ven e wun woo Titur feyì, wù wìy, e yèn ven, la kí yòʼ shaà fo ghaŋ. Kí nèn kòóy ji kinyo ke mò‑oò meer yír yén shó vèr Titur kìn ki dù, a dzə ke ru kí, réŋréŋ mo vinyo ve mò‑oò yiìn ne sùúy e vèn ví kù yii dzə́ ve ru ví.

2 Korin 5:15

A wù‑uù kpù bey ji wír ve á lùŋèn víne wáa dzə lèn, e làa yòʼ dzə́ə a dzə, a yiì a mo koŋ áwune. Aá wáa dzə, a yu a dzə̀ fo wun wo wù‑uù kpuun fo áwuné ajay, bo Nyùy fəə́r wun fo fo.

1 Korin 15:31

Afə̀r vem, m tíy kém é shùu kpu vishiíy vidzə̀m. A m suuy bèn, kan a dzə̀ ven ve m rə́si sévti ji vèsən dzə̀ rú wír Tàr wòsən Jesus Kristu.

Ŋwàʼ woó Rom 9:33

A dzə̀ tíy ye vé‑eè saŋen ji Nyùy suuy a jii: «Vèn yuúrí, m neer tíy é *Sion, a wíri wíy a bàyrìn sho, kilán, a wíri wíy a gbùkìr sho. Yii bèy, wìr wo wù wáy shilív a dzə̀ é wùn wó yòʼ wíy jaáy gheéy.»

Ŋwàʼ woó Rom 6:19

A m fiʼsìn vinyo ve Nyùy yii vìn e ve vèn kiìn ví ben, é ví fíʼ nəə́ e věn vifii. A kí dzə̀ jii, yì‑iì dzə̀ fó mbìy, vèn tátí kitú kén adzə̀m, e bìnèr ji akwǎn vinyò ve bi ví, a yiì kfəə́ se joònè sidzə̀m, a way vifií a dzə̀ shó. Dzə̀ sá réŋréŋ mo vèn ku tàtí kitú kén kidzə̀m lèn, e fò a dzə̀ e Nyùy, e fíʼ a yiì vinyo a dzə̀ ve ví wáa gheén wun.

Ŋwàʼ woó Rom 6:13

A wìr fə̀m yii ka, lá wù yòʼ biìmé, é kinyo ke bi kí nəə́ shó, é vèn binkir ji wír ve á tómri vinyo ve bi ví. Vèn ku tàtí kitú kén kidzə̀m, e fò a dzə̀ e Nyùy ji wír ve á kpuun ne fo mbìv vinyò ve bi ví, wù fəə́r ven fó kpu foo fèy, vèn wáa dzə lèn, a yu a dzə̀ fo Nyùy ji vèn fíʼ a tomrí vinyo a dzə̀ á ve ví gheenen wun woo Nyùy.

Lim Aŋgàa Ntum 21:13

Wù bìnèr jii, «Vèn diy, semèr shilív shém ben ji ka? M dzə̀ kibáʼtín fóo nəə́ e sháŋ é Jerusalem, e kfə̀n a dzə kibáʼtín fóo kpu bìʼ Taàtá Jesus.»

Lim Aŋgàa Ntum 20:24

Yii bèy, a bó m yòʼ yén kitú kém, a kí mee e kifa, e shaà ji m maysi lim ye Tàr wòsən Jesus‑eè wayin e mǒ kiwo ji m wáa fìʼtì sáʼka Nyùy wo juŋ, a naàrì mo wù bùʼùn wíri.

Joon 21:19

A Jesus‑eè suuy kinyo kìn ji wun tóʼtí á kfə́ə kpu ye Pita wíy kpu, e nàn a dzə̀ yír Nyùy. Mo wù suuyin bey, e nèn kfə̀n sùúy sho jii, «Kú a jùmrì a dzə̀ mo.»

Ŋgàn 23:18

Rúrú, kibvəə́shí ké ki tíy fo, a bó yòʼ dzə̀ kifá ki sə̀ʼ kinyo ke à tiirin vifií shó.

Ŋgàn 10:28

À tiir vifií e Nyùy wùn, yúnin wun, à jòʼsì é vijuŋ. À méŋ wun, kinyo ke à tiir vifií shó ki tàʼrí, e lày.

Nsùyrì Nyùy 119:80

Yiì ji m kú a yu sáʼ yé shilív shidzə̀m, é la m yòʼ yiì shòór kitú, a woomé.

Nsùyrì Nyùy 62:5

Mo‑óò kfə́mén, a yuurí a dzə̀ Nyùy. Vifií vém ví kù tíy a dzə̀ e wun wùn cáʼ.

Nsùyrì Nyùy 25:2

Éè Nyùy wom, m kù tiir vifií a dzə̀ e wò wùn. Lá à yòʼ màʼày mo, é m wáa woomé. Lá à yòʼ màʼtì, áàŋgàa vibàn vémé wáa jàʼ mo.

Lim Aŋgàa Ntum 4:31

Áwune lòo màysì bunrì, nsay sə̀ʼ fo áwune kì dzəə̀n. Kiyoy ke Ranén kí rún aáwuné meliv, e yiì, á wáa fìʼtì kinyo ke Nyùy là fan.

2 Korin 3:12

Kér kí nén a dzə jii, vèr kú a fìʼtì kinyo ke Nyùy lèn ghán sidzə̀m, e làa yòʼ a fàn ji kí waà wíy ŋeemé, e lày.

2 Korin 7:4

Vifií vém ví kfə̀n tíy e věn wùn féyì, a m nyavnìn feyì bìʼ ven. Vèn rəər shilív shém ghán sidzə̀m. A m fə̀m yén ŋgeʼ e le, m kù a sheʼrí sheʼrín bìʼ ven.