Filipi 1:19 - ŊWÀʼ NYÙY

¹⁹ A dzə̀ mo m kù wíy a sheʼrí bèy, bìʼ fo m kiìn jii, mo vèn bunrì fo mò, a Kiyoy ke Jesus Kristu ki kfə̀n sə́ mo, bo vinyo vìn vidzə̀m vi wíy bòŋ e mǒ mbìv.

Filipi 1:19 Referans Kwoze

Ŋwàʼ woó Rom 8:28

A vèsən kì jii, Nyùy yii sə́ vèsən ve á koŋ wun, yii, a vinyo ve ví kooy vèsən vidzə̀m vi binkìr fo vèsən ji ve juŋ vi. Dzə̀ vèsən vin ve Nyùy liìn ji wír və́, á wáa yiì vinyo ve wù‑uù sìysìn vidzə̀m.

Lim Aŋgàa Ntum 16:7

Á lòo meesín e wòŋ Misia, a tàʼ ji bo á kì dù dzə́ə á fo wòŋ woo Bitinia, Kiyoy ke Jesus ki kfən shàʼnín.

Galatia 4:6

Mo wù liìn vèsən ji wón və́, e nèn tùm Kiyoy ke Wan və və̀n, kí wíy, e nə̀ə́ e vèsə́n meliv, a yiì, vèsən wáa yòŋrì Nyùy ji Tàr, Tàr.

Ŋwàʼ woó Rom 8:9

Yii bèy, kén kí yòʼ dzə̀ bey. Vèn yòʼ dzəə́ dzə́, yú a dzə̀ mo mensə́ mè lim e věn wùn. Vèn sí yú a dzə̀ fo Kiyoy ke Nyùy ki, a kí bèn dzə̀ rú e věn meliv mo m kiìn. Vèn wáa kuumé jii, a Kiyoy ke Kristu kìn ki bùŋ fo wìr shiliv, bo bó ŋgaàŋ yòʼ dzə̀ wir Kristu gheéy.

1 Korin 4:17

Á kinyo ke kí yiìn, bo m túm Timoti və̀n ji wù wiy, e yèn á ven. Dzə̀ wán wom bìʼ kinyo ke Jesus Kristu, a wù tíy sa e kinyò foo fèn shilív shimòʼón, a m koŋ wun feyì. Wù yíi wìy, é wù kfən màysì, e naàrì ven kinyo ke m yéʼey e vintatì ve Kristu vidzə̀m mo dzə̀ wìr wo wù tatin wùn Jesus Kristu wàa tiír kiwuú kfə́, a fìʼ.

1 Pita 1:11

Kiyoy ke Kristu ke kí‑iì dzəə̀n aáwuné meliv kí‑iì rə́si yii, aáwune tiísi ji Kristu kù wíy yen ŋgeʼ, fo bàm, é bo Nyùy kóʼór á wun. Á ku nèn a sòvìr ji á kiíy á ghán se vinyo vìn vi wíy koóy, e kfə̀n kìíy saa mo ví wíy ghan, e bóo koóy.

Galatia 3:5

Dzə̀ ji Nyùy géŋsin e vèn, fó ven Kiyoy kfə́, a kí yii vinyo ve ghaʼtín ví e věn mvəm, bìʼ fo vèn lem nsər sə́, mo dzə̀ bìʼ fo vèn yú kinyo ke Jesus, wáy shilív é wùn wó a?

Filipi 1:18

Kee shooy ki yòʼ nyár mo é gha? Mo á kù fiʼtì a dzə̀ kinyo ke Jesus Kristu, m kù shéʼri kém shéʼrín, kìn á fiʼtì a dzə̀ e shilív she juŋ shi, kìn á fiʼtì e she bi shí.