Filipi 1:18 - ŊWÀʼ NYÙY

¹⁸ Kee shooy ki yòʼ nyár mo é gha? Mo á kù fiʼtì a dzə̀ kinyo ke Jesus Kristu, m kù shéʼri kém shéʼrín, kìn á fiʼtì a dzə̀ e shilív she juŋ shi, kìn á fiʼtì e she bi shí.

Filipi 1:18 Referans Kwoze

Ŋwàʼ Luk 9:50

Jesus bìnèr jii, «Lá vèn yòʼ wìy a shèm wír woo bey. A wìr dzə̀ là fó a kìnèn kinyo kén, bo wù tómri tòmrín.»

1 Korin 15:11

Vèr áwune nen tàtí adzə̀m, a fìʼtì kinyo ke Kristu, vèn wàa yu sa, a biimé. A bó kí yòʼ kér kinyo kímóʼ kí, kìn vèn‑eè yù a dzə̀ fo mò, kìn fo áwune.

1 Korin 14:15

Mo kí dzəə̀n ben, bo m yíi yèe le? M yíi lò, é m maʼti, é shilív shém shí wáa bùnrì mo Kiyoy ke Nyùy ki bánri mo. M lo sa, é m bunri fo mǒ vifii. M lo, é m maʼti, é shilív shém shí yov luŋ, yií lo, é m yov sá fo mǒ vifii.

Maak 12:40

A kù kfə̀n dzə̀ áwune vin ve á lo, á wàa kùvrì vikǐy ŋkfə, a faàsì lav sév, a ghan, a rèr bunrì ji á fíʼ a laàrì sí wírí shó. Aá yii bèy, káv a dzə̀ lòn, e wìy nəə́ e ŋgeʼ ye biibí.»

Matio 23:13

«Yìiy, wír ve á duŋrì nsər Nyùy wùn à wír Farasi, abìnbìnteʼnsə́m, ŋgeʼ dzə̀ yéen. Vèn yoŋ sáʼ Nyùy ji yén, nèn sə́ti dzə́ə fo wír ámóʼó nəə́. A bó ven vitú vén yòʼ wíy nəə́ sho. Vèn yii bèy, téʼtin a dzə̀ dzə́ə fo wír ve á koŋ fó nəə́ shoo nəə́. [

1 Korin 10:19

A dzə̀ vèn kìíy kinyo ke m fiʼsìn kìn a? Dzə̀ ji m suuy ji vifá ve wíri cu anyùy vév shó vi kér kinyo kímóʼ kí a? Kìn ji anyùy vee shooyi dzə̀ Nyùy rú à?

Ŋwàʼ woó Rom 6:15

Mo wù liìn ne vèsən líin ji wír ve á gheenen fo wun, bo dzə̀ lèn, vèsən wàa yiì vinyo ve bi ví ji bó á yòʼ dzəə́ fan nsər à? Bó yòʼ dzə̀ vèsən wàa yiì bèy.

Ŋwàʼ woó Rom 3:9

Mo Nyùy kù wíy a saʼ sa ver vee wír veé Juda fo věr ajay, bo vèr ghèén fo Nyùy e gha, e shaà wír ve bó yòʼ dzəə̀n veé Juda? Bó yòʼ dzə̀ vèr ghèén gheéy. A dzə̀ mo m kì dìnèn ne e vèn jii, kìn wìr dzə̀ wír woó Juda, kìn bó yòʼ dzə̀ wír woó Juda, bo melív mev mè kù sí tíy a dzə̀ é vinyò ve bi ví, a bó yòʼ dzə̀ á bùʼ, e sòr fo fo.

Ŋwàʼ Luk 9:45

Wù suúy bey, la áwune yòʼ kìíy. Kifá ki‑iì sə̀tí vifií vév fo á kiíy, á nèn kfə̀n a fàn fó dzər sho.

Filipi 1:19

A dzə̀ mo m kù wíy a sheʼrí bèy, bìʼ fo m kiìn jii, mo vèn bunrì fo mò, a Kiyoy ke Jesus Kristu ki kfə̀n sə́ mo, bo vinyo vìn vidzə̀m vi wíy bòŋ e mǒ mbìv.