Filipi 1:17 - ŊWÀʼ NYÙY

¹⁷ A vé kighèʼe fiʼtì kév a dzə̀ fó shuù cáʼcáʼ ji á fiʼ kòóy wíri aáwuné mbìv, aá taʼ ji á wáa dzə̀sì a ŋgeʼ se m yén e lav sháŋ fen.

Filipi 1:17 Referans Kwoze

Filipi 2:3

Lá vèn yòʼ a dzə, é wìr wáa dìy a dzə̀ kitú kfə́. Lá vèn yòʼ a sùmrì wún. Vèn wáa lì vitú vén shishàr, é wìr wáa yen wùmòʼ, a shaà kfə́ kee kitú.

Filipi 1:7

A dzə̀ m wàa kuumé ven bey, bìʼ fo vèn dzəə̀n tím yém, a vèsən tíy e kinyò kimòʼón, a dzə̀ ke Nyùy bùʼùn vèsən shó wír adzə̀m. Vèsən tíy sho lèn wo m dzəə̀n é sháŋ, a kù‑uù tíy vèsən é ghan se mò‑oò dzəə́ ghán, binèr fo sáʼka Nyùy wo juŋ, naarì mo wù dzəə̀n.

2 Timoti 4:16

Kee bìʼ nsaʼ yem kí nén a dzə jii, yì‑iì dzə̀ fó kàŋ mbìy wo mò‑oò koʼon é kibàʼ ke nsaʼ ji m túner kitú kém, wìr yòʼ‑oò dzə̀ shó wo wù‑uù tíy e mǒ mbìv gheéy. Wìr dzə̀m‑eè nyéŋ mo nyéŋén. Yii bèy, Nyùy ku làysìn kee shooy.

1 Timoti 2:7

Jesus Kristu nèn lì mo ji ŋgaà ntum və ji m wáa fìʼtì a dzə̀ kinyo kee shoon. Wù‑uù lo lì mo rú, a bó m yòʼ bóʼti. A wù‑uù lì jii, m wáa yeʼéy wír ve bó yòʼ dzəə̀n veé Isray kinyo ke dzəə̀n ke ru kí, aáwune wáy shilív e wun woo Kristu wùn.

Lim Aŋgàa Ntum 26:24

Por kú a tunér kitú kfə́ bey, Fetur nèn lò, e waàmé jii, «Por, à baá baán. À yèʼéy ne vinyo e ŋàŋ, ví baár wò.»

Lim Aŋgàa Ntum 26:1

Agripa yuúrí, e yòŋ Por jii, «Dzə̀ kirə́ʼ ké lèn fó tunér kitú ké.» Por nèn a màʼ wó, a tunér kitú kfə́, a suúy jii,

Lim Aŋgàa Ntum 22:1

«Atàr vém wùn aàfə́r vémé, vèn yuúrí mo m túner kitú kém e věn si.»

Ŋwàʼ Luk 21:14

Vèn ku nèn wày wáyín ji vèn wíy tiim e kibàʼ ke nsaʼ, lá vèn yòʼ a rə̀m a ji á sà suuy ji kaá.

Ŋwàʼ woó Rom 2:8

Lóo dzə wír wo wù‑uù rə́si kfə́, táv a dzə̀ kitú, ŋwáy kinyo ke dzəə̀n ke ru kí, tíy a dzə̀ e vé kisaŋ vi, é Nyùy nèn dìn mo wù shwiiy kilòŋ fó vinyò foo fèy, e fò ké ŋgaàŋ a dzə̀ lòn wo biibií.

Filipi 1:18

Kee shooy ki yòʼ nyár mo é gha? Mo á kù fiʼtì a dzə̀ kinyo ke Jesus Kristu, m kù shéʼri kém shéʼrín, kìn á fiʼtì a dzə̀ e shilív she juŋ shi, kìn á fiʼtì e she bi shí.

2 Timoti 2:9

Aá kùr mo áàsháŋé, m wáa yen ŋgeʼ moo ŋgaà jay bèn, a dzə̀ bìʼ sáʼka Nyùy woo shooy. Yii bèy, a bó yòʼ dzə̀ á kùr sáʼka Nyùy, e shèm fo wù wáa sàmèr.