Filipi 1:15 - ŊWÀʼ NYÙY

¹⁵ M kì ji ámóʼó fiʼtì kév, aá gheʼ mo ghéʼen, táŋ lim yém. Yii bèy, aámóʼó fiʼtì e shilív she juŋ shi,

Filipi 1:15 Referans Kwoze

Filipi 2:3

Lá vèn yòʼ a dzə, é wìr wáa dìy a dzə̀ kitú kfə́. Lá vèn yòʼ a sùmrì wún. Vèn wáa lì vitú vén shishàr, é wìr wáa yen wùmòʼ, a shaà kfə́ kee kitú.

2 Korin 11:13

Vee shooyi yòʼ dzə̀ aŋgàa ntum Kristu gheéy. Á bóʼti ven bóʼtín. Áwune dzə̀ kév wír ve á ghán, lévti wíri lévtín, nèn binkìr ji aŋgàa ntum Kristu.

2 Korin 4:5

Vèr kù fiʼtì kér jii, á wáa ghvəm a Jesus Kristu ji Taà Vitu, a bó yòʼ dzə̀ vèr wàa suúy a dzə̀ vitú vér. Vèr li vitú vér cáʼ ji aŋgàa lìm vén bìʼ wun woo Jesus.

2 Korin 1:19

A kí dzə̀ bey, bìʼ fo Jesus Kristu woo Wan Nyùy wo vèr à Timoti, à Silvanur fiʼtì e vèn yòʼ yii binbìnè. Wù kù yii tíy a dzə̀ e wùn jì.

Matio 23:5

Vinyo ve wír vìne yii vidzə̀m vi kù dzə̀ ji wíri fíʼ a yen áwune ji wír Nyùy ve tavkíné. Áwune lo, á nèn sàŋ jí se Nyùy, e kùtír, e sə̀ŋrí e koy, e bàrír símóʼ sí é yírvishi. A kù dzə̀ sá mo áwune li ndzə̀y sé bùnrì, á màʼ, a ghan, a kar sho.

1 Timoti 3:16

A dzə̀ vèsən wàa binsí ji kinyo ke toʼon Nyùy, é bo vèsən kiíy mo dzə̀ á ghvə̀m wun kìn kí dzə̀ rú kinəə́nén. A kí dzə̀ jii: Kristu‑uù wìy, e lì mbom wìr, Kiyoy ke Ranén kí bínsí wun, nshèelav se Nyùy si kfən yèn wun. Á wáa fìʼtì woŋ sidzə̀m mo wù dzəə̀n, wíri wáa way shilív é wùn wó virə́ʼ vidzə̀m. Nyùy kfən lì wun, e kòʼór e wùn ghaŋ.

Galatia 2:4

A là fo wír ámóʼó ve vé‑eè wóvri ji á tíy e kinyò ke Jesus Kristùu woóné, e nə̀ə́ fo věr dzə̀ʼə̀m foo fèy, bo bó á yòʼ fə̀m‑eè ló a gwàrìr kinyo kee bey. A vé‑eè nəə cáʼ ji á shwéʼ á jii, mo vèsən tíy e kinyò ke Jesus Kristu, vèsən sà bòy fo liì woó Juda moó le á, aá fíʼ kiíy mo dzə̀ á rə̀ʼə́y vèsən e liì woo shooy.

2 Korin 12:20

Kinyo ke m fan ki dzə̀ jii, ghanmóʼ, é m wìy wìy, e yèn kinyo ke kí wáa nyar mo, é m nèn a nyarnín sa. A m fan fó wìy wìy, e yen, a vèn seʼnìn, gheʼnìnè. Kìn vèn shwiiy a dzə̀ kilòŋ, kìn wìr diy a dzə̀ və́ woo shuu. Kìn dzə̀ ji vèn duú viduú, súʼ kinsuʼ. Kìn ámóʼó kóʼor wún, a wíri dzə́ jeéy jeéy.

1 Korin 13:3

A fə̀m dzə̀ ji m javti kéŋ yém e dzə̀m e vé ŋgeʼe, e kfə̀n fò kitú kém ji á ton bìʼ kinyo ke Nyùy, a bó m yòʼ koŋ wíri, bo kù dzə̀ kisáŋ, a bó yòʼ dzə̀ kí sə̀ mo gheéy.

1 Korin 1:23

A kér ke vèr fiʼtì ki kù dzə̀ cáʼ jii, Jesus Kristu‑uù kpù é kintam bìʼ ajay wíri, a kí nèn nyár wír veé Juda nyárín, a vitúm vímóʼ ví yoŋ kév ji vinjeenjèm ve vinyò.

Lim Aŋgàa Ntum 11:20

Aŋgàa biimé ámóʼó nèn dù wìy sa e Antiyok, a dzə̀ wír veé Saypur, ámóʼó veé Serina. Wír vìne nèn a ghan sa wír ve bó yòʼ dzəə̀n veé Juda, a fìʼtì sáʼka woo kùm Jesus aáwune.

Lim Aŋgàa Ntum 10:36

Vèn kù‑uù lo yù sá ntum ye Nyùy‑iì tsənsin fo wír veé Israyi ye yì dzəə̀n ji Jesus Kristu‑uù wìy ji wíri fiʼ kòóy nyaáŋ wùn à Nyùy. A Jesus Kristu və̀n dzə̀ Tàr à wíri adzə̀m.

Lim Aŋgàa Ntum 9:20

e kù nèn a ghan e ŋgày se bùnrì se wìr veé Juda see fó, a fìʼtì kinyo ke Jesus, a suúy feyì jii, «Jesus dzə̀ á Wan Nyùy.»

Lim Aŋgàa Ntum 8:35

Filiv nèn kèʼ fo kinyò ke ŋwàʼ fèy, a naàrì sáʼka wo juŋ woo kùm Jesus sho.

Lim Aŋgàa Ntum 5:42

Áwune dù bèy, e kù nèn a yeʼéy wíri vishiíy vidzə̀m e lav cù, e kfə̀n a yeʼéy e melaʼ, a fìʼtì sáʼka wo juŋ ji Jesus dzə̀ á *Mfə̀ə́r.

Lim Aŋgàa Ntum 8:5

Filiv dù kfə́ a dzə̀ é mvə̀mlaʼ Samaria, a fìʼtì kinyo kee kùm *Mfə̀ə́r wo Nyùy‑iì kàʼàn fó.

Ŋwàʼ woó Rom 2:8

Lóo dzə wír wo wù‑uù rə́si kfə́, táv a dzə̀ kitú, ŋwáy kinyo ke dzəə̀n ke ru kí, tíy a dzə̀ e vé kisaŋ vi, é Nyùy nèn dìn mo wù shwiiy kilòŋ fó vinyò foo fèy, e fò ké ŋgaàŋ a dzə̀ lòn wo biibií.