Filipi 1:11 - ŊWÀʼ NYÙY

¹¹ A vèn wíy a wàrkìr, bìʼ fo vèn à Jesus Kristu tatin ne, wù wáa yiì, vèn wáa ker liì wo dzəə̀n wo wìr Nyùy, a wù din a dzə̀ vikuʼùy vé wun woo Nyùy, kóʼor yír rə́.

Filipi 1:11 Referans Kwoze

Hibru 12:11

Dzə̀ rú, á lóo màʼ ŋgeʼ e wìr ji á fíʼ sə̀r wun, wù wàa yu a dzə̀ nyár e ghan see shooy, e làa yòʼ a sheʼrí gheéy. Yii bèy, lóo yìi dzə fo bàm, wìr wo á sə̀rìn ne, wù sə́ʼə́m, nèn a yiì vinyo a dzə̀ ve juŋ vi, a ker dzəʼə̀m yee nyaáŋ.

Joon 15:8

Vèn lóo dzə moo tám wo wú koom kijuŋ, bo vèn kóʼor a dzə̀ yír Tàr wor, din ji vèn dzə̀ rú wír vém.

Kolosia 1:10

Vèn kiiyì, é vèn nèn a dzə mo dzə̀ wír Nyùyi wàa dzə, a yiì kinyo a dzə̀ ke kí wáa bòŋ wún Nyùy. Vèn yíi a yiì vinyo ve juŋ vi vidzə̀m, e kfə̀n màysì a kiíy mo wun woo Nyùy dzəə̀n, a dù duùn fó mbìy.

Filipi 4:17

A bó m yòʼ suuy bèn ji m shéʼri a dzə̀ vifá ve vèn‑eè fó e mò. M shéʼri a dzə̀ vilaámé ve Nyùy wíy laamé ven shó bìʼ kinyo ke vèn yii e mò kin.

Kolosia 1:6

Sáʼka və̀n sí ghán lèn virə́ʼ vidzə̀m, du duùn fó mbìy, yii, a wíri yú vijuŋ anín. A kù dzə̀ mo sáʼka woo shooy yii e věn mvəm, e kèʼ fo kishiíy ké mbìy ki ke vé‑eè wìyìn, e fìʼtì e vèn. Vèn‑eè yù mo Nyùy koŋ ven, shám ven, vèn nèn kìíy ji dzə̀ á kinyo ke ru kí.

Ŋwàʼ woó Rom 6:22

Vèn dzə́ lèn, a Nyùy tín ne ven fó vikwàn vé vinyò ve bi ví. Vèn sì akwàn a dzə̀ vé wun woo Nyùy. Séʼ won woo lèn nén a dzə wo Nyùy sə́ ven, a vèn kér liì a dzə̀ wo wìr və́, du, e nəə́ e dzə̀ʼə̀m yee là may.

Aysaya 61:11

Kù mo tíŋ kifaa lo, wú fəə̀ fó nsay, a kuy, bo kù dzə̀ mo Nyùy Tàr woo Taà Ndzə wíy bòyìr wír və́, é vitúm vidzə̀m vi yén, a burí wun.

1 Pita 2:9

Yii bèy, fo kén kí, vèn dzə̀ kén rám, a shòʼ Nyùy ven. A vèn dzə̀ atàá cù, lim a dzə̀ fo wun woo Fon. Wù‑uù nàŋsín ven ji kitúm kee jeéy kí, vèn wáa dzə və́ vee wír ji vèn wáa fìʼtì vijuŋ ve vinyò ve wù rə́si yii e vèn, ven ve wù‑uù fəərin fó ndzə vitsə̀ʼ, e wày e wùn mvə̀m ran ye ghaʼáné.

2 Tesalonika 1:12

Nyùy wòsən wùn Taàtá wòsən Jesus Kristu ku sə̀, é vèn wáa yiì vinyo vìn vidzə̀m, a ghvəm Jesus, a sùyrì wun e dzəə fóo fèn. Vèn lóo yiì bèy, é wíri kfə́n a burí sa ven bìʼ wun woo Taàtá wòsən Jesus.

Efesor 5:9

A kí dzə̀ jii, vèn lóo ghan e mvə̀m ran ye Nyùy fó e vèn rən, é vèn nèn a yiì a dzə̀ vinyo ve ru ví ve ví wáa dzə kijuŋ, là kiloʼ.

Efesor 1:14

kfə́n a dzə ji sàʼ vijùŋ ve wù wíy fo e vèsən vee wón və́ vidzə̀m e ghan se wù wíy màysì, e lùŋèr vèsən ŋkuuŋkùŋ. Wù‑uù sìysì vinyo vìn vidzə̀m bèn ji wíri wáa yen mo wun woo Nyùy dzəə̀n e gháʼán, a burí wun.

1 Korin 10:31

M nén a suúy kém jii, a wìr fə̀m yí kifá ke yiín kí, kìn wù nó a dzə̀ ke noón kí, vèn kù a yiì vinyo vee shoon vidzə̀m ji wíri wáa yen, a burí a dzə̀ á Nyùy.

Matio 5:16

Kù dzə̀ sá mo vèn wáa fo rán e wíri. Vèn wáa dìn wíri a dzə̀ vinyo ve ru ví, á lóo yen, aá wáa burí Tàr won wo wù dzəə̀n é yuv.

1 Pita 4:14

Kí nén a dzə jii, a wíri lò, a suúy vinyo e věn bàm kisáŋ ji bìʼ fo vèn dzəə̀n wír Kristu, vèn kù lì ji bòŋ a vishí vén, bìʼ fo ghán see shooy si dzəə̀n se vèn yú mo Kiyoy ke Nyùy ke kí kér vitaáví ve ghaʼán kí lim e věn wùn.

1 Pita 2:12

Vèn lóo dzə vèn à wír ve bó á yòʼ kiìn Nyùyi, vèn kù a dìn a dzə̀ liì wo juŋ. Aá fə̀m lór ven, aá kú a yen a dzə̀ vinyo vén ve ru ví, wíy lóo dzə e kishiíy ke Nyùy taʼ, e sham áwune, wù jaŋè, aá nèn màʼtì liì wov wo bi və̀y, e bìnkìr, a ghvəm a dzə̀ wun.

1 Pita 2:5

Vèn wiy ri fo Nyùy, é wù li sá ven ji tíy, e bòm lav rə ye Kiyoy kfə́ kí wáa dzə sho, é vèn wáa dzə atàá cù wun woo Nyùy, a yu a dzə̀ fo Jesus Kristu, a lìm fo Nyùy shilív shidzə̀m, é wáa dzə cu ye wù koŋ ji dzə̀ wír vəə́ wàa cù wun sho.

Efesor 2:10

Ke kí dzəə̀n kí dzə̀ jii, yì‑iì tàtí Nyùy vèsən à Kristu ji vèsən wáa dzə, a yiì a vinyo ve juŋ vi. A vinyo vìn vi dzə̀ ve wù‑uù yiìn ne sìysì fo ŋgùʼ ji vèsən wíy lòo dzə, aá wáa yiì.

Efesor 1:12

Vèr nén a dzə wír mbìyi ve vé‑eè tiirin vifií e Jesus Kristu wùn, a shìy. Nyùy‑iì yiì bey ji wíri wáa yen mo wun woo Nyùy dzəə̀n e gháʼán, a burí wun.

2 Korin 9:10

Wun woo Nyùy wo wù fó ŋgoòy se vifa e ŋgaà sùm, a sí kúy, kuʼ, a wù kooy vifá ve yi kijuŋ, kù yíi a dzə̀sì sa vén vee vifá, é ví wáa kùʼ, é vèn wáa jàv, a yiì vinyo ve juŋ vi shó, a dù duùn fó mbìy.

Joon 15:16

Bó yòʼ‑oò shòʼ ven mo. Yì‑iì shòʼ mo ven, e lèm ji vèn du ntum yem, a yiì vinyo ve dzəə̀n ve ru ví vinín ve bó yòʼ dzə̀ ví lày kisáŋ. Vèn lóo yiì bèy, lóo lon kifá ke vèn lón fo Tàr wor e mǒ yir, é wù ku nèn fò kíwun.

Joon 15:2

Wù yén tám wo bó wú yòʼ koomè, wù faà woo shooy. Lóo dzə wo wú koomè, wù nèn nàŋsín, e sə̀r ji wú fíʼ a koóm kijuŋ.

Aysaya 61:3

Rúrú, Nyùy Tàr tùm ne mo ji m sə́mér wír ve á diy e Sion. Wù tùm ne mo ji m sə́ʼsí kibvə́ fo áwuné wùn, e sòv tán vibuùshì aáwuné kitu, e yiì, aáwune wáa yu vijuŋ moo wír wo á bòrìn virə̀ʼtìn ve bìʼ e wùn wó, e làa yòʼ dzə́ə a dìy. Aáwune kú a yòv a dzə̀ lúŋ nsùyrì, e làa yòʼ kfə̀n a sòv kitú. Áwune wíy a dzə moo kicí ke bìyìn wun woo Nyùy Tàr, kí téʼ, e rə̀ŋsìn. Á kù wíy a yiì a dzə̀ vinyo ve ru ví, é wíri wáa koʼór yír Nyùy, bìʼ kinyo ke wù yiìn.

Aysaya 60:21

Wír vén adzə̀m veé Israyi wíy a ghan e Nyùy mbòv. Áwune wíy yòv nsay ji vitsə́ʼ vév ŋkuuŋkùŋ. Áwune wíy a dzə moo kitiír ke m bìyìn. Dzə̀ wír vém féyì feyì, a bòm mo áwune e wó yémé. M yiì bèy ji wíri fíʼ a burí mo.

Nsùyrì Nyùy 1:3

Wù dzə̀ moo kicí ke á bìyìn é ghaa ndzəv, a kí koom ghán sidzə̀m, a vav sə́ sí yòʼ yii sooyì. Kinyo kfə́ kidzə̀m ki kér shintíy she juŋ shi.

Aysaya 5:2

Wù‑uù kóm súm woo shooy, fəər tíy fó fo, e nèn bìy vitiír vé vayin sho, a mbìy sidzə̀m si kù dzə̀ se shavín sí. Wù‑uù bòm kitaàtì ke ŋgaà shìy wáa dzə sho e kintìntìn ke sum, e bùʼ bií é kilan, wo á wáa kòy báŋ se vitiír, a nyèŋ sho. Wù yiì vinyo vìn, a shìy ji vitiír ví koóm á báŋ se juŋ si, yii bèy, ví ló fó fo, e kòóm, a kwayrí kwayrín.

Ŋwàʼ woó Rom 15:28

Kí nén a dzə jii, m wíy dù, wáy mbàm sìn aáwuné kiwo, é m nèn lì dzə́ə, a dù e wòŋ woo Spen. Lóo dù, é m shaa, e ghàn ven.

Titur 3:14

A dzə̀ wír vee vèsə́n kintatìi kù a kiíy ji á wáa yiì lim ye juŋe, a sə vinyo ve ví dzəə̀n é shií. Lá áwune yòʼ a dzə dzəə́n kisáŋ.