Filipi 1:1 - ŊWÀʼ NYÙY

¹ Ŋwàʼ və̀ne sàŋ mo woo Por vèr Timoti ve dzəə̀n aŋgàa lìm Jesus Kristu. Vèr sàŋ a dzə̀ fo vèn vee wír Nyùy ve á dzəə̀n é Filipi adzə̀m ve vèn à Jesus Kristu tatin. A wú dzə̀ fo vèn à vilìmbìy vén ví, à wír ve á lim e věn mvəmé adzə̀m.

Filipi 1:1 Referans Kwoze

2 Korin 1:1

Sàŋ mo woo Por, vèr fər wòsən Timoti ŋwàʼ və̀n. Dzə̀ mo wo dzəə̀n ŋgaà ntum Jesus Kristu mo Nyùy‑iì sìysìn. A ŋwàʼ və̀ne dzə̀ fo vèn vee kintatì ke Nyùy ke kí dzəə̀n é Korin, e kfə̀n a dzə sa fo wír Nyùy ve á dzəə̀n e věn wòŋ woo Akayàa adzə̀m.

Ŋwàʼ woó Rom 1:1

Ŋwàʼ və̀ne sàŋ mo woo Por, a m dzə̀ kém ji ŋgaà lìm Jesus Kristu. Wù‑uù lì mo ji m wáa dzə ŋgaà ntum və, e lèm ji m wáa fìʼtì a sáʼka Nyùy wo juŋ.

Titur 1:1

Ŋwàʼ və̀ne sàŋ mo woo Por wo dzəə̀n ŋgaà lìm Nyùy, e kfə̀n a dzə ŋgaà ntum Jesus Kristu. A lim yémé dzə̀ ji m sə́ á wír ve Nyùy shoʼon ji və́, aá maysi, e wày shilív é wùn wó, e kìíy kinyo kfə́ ke ru kí, a ghan moo wír və́.

1 Timoti 3:8

Ké wìr ve á sə́, yii lim seé kintatì ki nén a dzə sa réŋréŋ bey. Áwune kù kér fó a ker liì wo juŋ, a dzə wír ve dzə̀ á wàa lìm shilív shimòʼón. A bó yòʼ dzə̀ wàa dzə wír ve á wáy vifií é melùʼ, kìn ve á diy a dzə̀ séʼ.

2 Tesalonika 1:1

Ŋwàʼ və̀ne sàŋ mo woo Por vèr à Silar, à Timoti fo kintatì keé Tesalonika ke dzəə̀n ké Nyùy woo Tàr wòsən wùn Taàtá wòsən Jesus Kristu.

1 Tesalonika 1:1

Ŋwàʼ və̀ne sàŋ mo woo Por, vèr à Silar, à Timoti fo kintatì keé Tesalonika ke dzəə̀n ké Nyùy woo Tàr wòsən wùn Taàtá wòsən Jesus Kristu. A vèr lón jii, Nyùy kú a kòŋ ven, a leéy fo vèn, a yiì, é melív men mè wáa dzə nyaáŋ.

Efesor 1:1

Ŋwàʼ və̀ne sàŋ mo woo Por wo dzəə̀n ŋgaà ntum Jesus Kristu. A kù‑uù sìysì Nyùy ji m wáa yiì a lim rə̀n. A m sàŋ a dzə̀ fo vèn vee wír Nyùy ve á dzəə̀n é Efesor, ve vèn gharin ne kinyo ke Jesus Kristu kitávín.

Ŋwàʼ woó Rom 1:7

M nén a saŋ ŋwàʼ və̀n fo vèn adzə̀m ve á dzəə̀n é Rom, ve Nyùy shavin ne ji və́ vee wír, e wày e wùn shiliv. M wáa shàʼtì ven, a lon jii, Nyùy woo Tàr wòsən wùn Taàtá wòsən Jesus Kristu kú a kòŋ ven, a leéy fo vèn, a yiì, é melív men mè wáa dzə nyaáŋ.

2 Pita 1:1

Ŋwàʼ və̀ne sàŋ mo woo Simon Pita. M dzə̀ ŋgaà lìm Jesus Kristu, e kfə̀n a dzə ŋgaà ntum və. A m sàŋ a dzə̀ fo vèn adzə̀m ve á tíy e kinyò kee shó ke ver vee aŋgàa ntume tíy sho. Dzə̀ kinyo feyì feyì, a wày sá Jesus Kristu e věn kiwo, bìʼ fo wù kù yii yii kinyo kfə́ réŋ. Dzə̀ wun Nyùy wòsən, kfə́n a dzə Ŋgaà Lùŋèr wòsən.

Jeem 1:1

Ŋwàʼ və̀ne sàŋ mo woo Jeem wo dzəə̀n ŋgaà lìm Nyùy wùn Taàtá wòsən Jesus Kristu. A m sàŋ, a shàʼtì ven vee wír Nyùy ve á taʼrin, a dzə woŋ dzə̀m.

1 Timoti 1:2

A m sàŋ a dzə̀ fo wò woo Timoti. À dzə̀ wán wom féyì bìʼ kinyo ke Jesus Kristu wo wòsò wayin shilív é wùn wó. M nén a lon jii, Tàr wòsən Nyùy wùn Taàtá wòsən Jesus Kristu kú a kòŋ wò, a sham wò, a leéy fo wò, a yiì, é shilív shé shi kú a dzə nyaáŋ ghán sidzə̀m.

Lim Aŋgàa Ntum 20:28

Vèn siiy, vèn wàa leéy fo věn vitu, e kfə̀n a leéy fo kintatì ke Nyùy ke Kiyoy ke Ranén kí wayin e věn kiwo. Vèn wáa leéy fo fo réŋréŋ mo nshìy lèéy fo wùn njiì, a kuumé ji Nyùy‑iì tìn kintatì kìn a dzə̀ e mensə́ me Wan və Jesus mè ji wáa dzə wír və́.

Ŋgaà Yen 1:1

Kinyo ke kí dzəə̀n é ŋwàʼ fèn ki dzə̀ ke Nyùy‑iì ghemrin ndzə e Jesus Kristu ji wù din e wír vəə́ mo vinyo vi yíi rəʼtí, a koóy. Kristu nèn tùm nshìylav rə, yì wìy, e yèn Joon woo ŋgaà lìm və, e dìn vinyo vee shooy sho.

Ŋwàʼ Jud 1:1

Ŋwàʼ və̀ne sàŋ mo woo Jud wo dzəə̀n ŋgaà lìm Jesus Kristu. A dzə̀ mo woo Jud wo dzəə̀n fər Jeem. A m sàŋ a dzə̀ fo vèn ve Nyùy woo Tàr wòsən‑eè kòŋèn, e lì ji wír və́, e wày e Jesus Kristu kiwo.

1 Pita 2:25

Vèn‑eè dzə́ fo mbìy, ján janén moo njiì wo wù jayin dzə́ə, a vèn kfə̀n ne lèn fo Nshìy won wo wù danèr ven, shiy melív men.

Titur 1:7

Mo lèmèn Nyùy ŋgaàŋ ji kilìmbìy ke wìr və́, kí yoʼ ghèén ji wù wáa ker nsem e dzəə yìmòʼ. Kìn dzə̀ ji wù wáa koʼnín, e kfə̀n a nyarnín, a no meluʼ e ŋàŋ, a tàʼ melaà, a dìy a dzə̀ shuu və́.

Hibru 13:23

A m kfə̀n taʼ, e yiì, é vèn kiíy ji fər wòsən Timoti fəə̀ ne a fo sháŋ. A wù ben tàv wìy, e yèn mo, bo wiy vèr wun, e yen ven.

2 Tesalonika 1:10

Wír və́ adzə̀me wíy yen vikuʼùy və́ ve ghaʼán vin vi é kishiíy fóo fèy, e jaáy, a sùyrì wun. A vèn wíy a dzə sa e ŋgoo foo fèy, bìʼ fo vèn‑eè biimen kinyo ke vèr‑iì fiʼtì e vèn.

1 Tesalonika 2:2

Vèn kì sá mo wíri‑iì nəʼsì ver, kfə̀n shoor ver é Filipi, a Nyùy kù távir melív mer, vèr ku yòʼ wìy, a fìʼtì sáʼka və wo juŋ e vèn, a wíri fə̀m‑eè kinèn e le.

Efesor 1:15

M nén a sheʼrí wun woo Nyùy mo m yú ji vèn kù wáy shilív e Tàr wòsən Jesus Kristu wùn kitávín, koŋ wír Nyùy adzə̀m.

1 Korin 16:10

Timoti wíy wìy sa, e ghan ven. Kii vèn, vèn ku keèrí wun kijuŋ. Wù lim sa lim a dzə̀ yé Tàr wòsən Jesus réŋréŋ mo m limè.

Ŋgaà Yen 19:10

M nèn lò, e gbù e si wo ji m ghvə́m á wun, wù sháʼnín jii, «Màʼtì kee shooy ki. M kù dzə̀ kém sá ji ŋgaà lìm Nyùy mo vèn aàfə́r vé ve á tíy e kinyò ke Jesuse dzəə̀n. A kinyo ke Jesus kìn ki kù dzə̀ kíwun ke kí bánri wír ve á tiísi ntum Nyùy adzə̀m. Kú a ghvəm a dzə̀ Nyùy.»

Lim Aŋgàa Ntum 9:13

Ananiar nèn sùúy jii, «Tàr, mò‑oò sí yú léŋ wìr və̀n fo wíri anín mo wù‑uù nyavrì e wír vée é Jerusalem.

Joon 12:26

A wìr taʼ ji wun wáa dzə wán wom lìm, wù kù a ghan vèr wun. M lóo dzə fo m dzə́, é kú a dzə vèr wun. Wìr wáa lìm fo mò, bo Tàr wor wíy bùʼ ŋgaàŋ.»

Maak 13:34

Kinyo keé ghan see shooy ki wíy koóy moo ké wìr wo wù‑uù lóo dù ghán, e jàv lim e və́ vé lìme, wír e rəə́, wír e rəə́, e kfə̀n sùúy e wìr wo wù‑uù shiy lav ji wù siiy, wù wàa shìy a kijuŋ.

Ŋgaà Yen 22:9

Wù nèn shàʼnín jii, m maʼti á kee shooy. Wun kù dzə̀ kfə́ cáʼ ji ŋgaà lìm Nyùy réŋréŋ mo vèr aàfə́r vém ve á tiísi ntum Nyùy, à wír ve á yú kinyo ke kí dzəə̀n é ŋwàʼ fèn adzə̀me dzəə̀n. M kú a ghvəm a dzə̀ á Nyùy.

Ŋgaà Yen 2:12

Wù nèn kfə̀n sùúy e mò jii, «Sáŋ ŋwàʼa lèn a dzə̀ wó ŋgaà ntum woó kintatì keé Pegamum. A wú dzə̀ jii: «Kinyo kìn ki sùúy mo wo m kér nyùy ye á baàyìn mbìv sidzə̀m.

Ŋgaà Yen 2:8

Wù nèn kfə̀n sùúy e mò jii, «Sáŋ ŋwàʼa lèn a dzə̀ wó ŋgaà ntum woó kintatì keé Simeena. A wú dzə̀ jii: «Kinyo kìn ki suuy mo wo m dzəə̀n Keʼ, e kfə̀n a dzə Kinjòʼsì. A dzə̀ mo wo mò‑oò kpuun, e kfə̀n fəə̀, a dzə e tin.

Ŋgaà Yen 1:20

Ku yuùrí nsàv se vimfìʼìr vìn si. Mejiy mee saàmbà me à kì yenen e mǒ kiwo ke yìy kí mè tíy fo aŋgàa ntum ve á tiísi kinyo kém é vintatì vee saàmbà. Vitiir ve làm vee saàmbà vi wáa tiy fo vintatì vee saàmbà vee shooy vi.»

Lim Aŋgàa Ntum 1:20

Pita kfə́n a suúy jii, «Ke Fòn Davir‑iì saŋen é Ŋwàʼ Nsùyrì Nyùy Nyùy ki dzə̀ jii: « ‹Lav rə kú a tiy e vifə̀m, é la wìr yòʼ a shiíy sho.› Wù kfən sàŋ jii: ‹Wìr wùmòʼ kér fó lì kirə́ʼ kfə́ ké lìm.›

Galatia 1:10

Mo m suuy bèn, vèn yén sa ji bó m yòʼ suuy kinyo a ji wún wìri fíʼ a bòŋ. M suuy kém ji kí wáa bòŋ a dzə̀ á Nyùy. A m lò, a tàʼ ji m wáa sheʼér a dzə̀ wíri, bo bó m yòʼ dzə̀ rú ŋgaà lìm Jesus Kristu.

Galatia 3:26

Sí kér Nyùy, bìʼ fo ven ve á wayin shilív e Jesus Kristu wùn adzə̀me siìn wón Nyùy.

Galatia 3:28

A bó wìr wùmòʼ yòʼ dzə̀ə́ jeéy ji woó Juda kìn wir kitum. A bó wùmòʼ yòʼ dzə̀ə́ ji kwàn, bo wùmòʼ wáa dzə ji wan wòŋ. A bó á yòʼ fə̀m dzəə́ leey wùmòʼ ji lumèn kìn wiíy. Áwune tàtí ne adzə̀m wùn à Jesus Kristu, e nèn a dzə kifá kimòʼón.

Efesor 6:24

Kfə̀n lón ji Nyùy kú a kòŋ ven, a leéy fo vèn adzə̀m, ven ve á wayin Tàr wòsən Jesus Kristu e shiliv, e kpù shó.

Filipi 2:5

Vèn kú a lì vinyo vén réŋréŋ mo Jesus Kristu‑uù dìnèn e vèsən.

Filipi 2:19

A Tàr wòsən Jesus biìmé, bo bèr shishàr, é m túm Timoti fo vèn. Wù dú wiy, fiʼtì mo vèn dzəə̀n, é shilív shém shí rəsin.

Filipi 3:3

Dzə̀ vèsən vin ve Nyùy naŋsin ne rú ji wír və́. Vèsən ghvə́m wun woo Nyùy, a bánri Kiyoy kfə́ vèsən. A vèsən sumrì wún bìʼ fo á dzəə̀n wír Jesus Kristu, a bó vèsən yòʼ wáy vifií é vinyò ve á yii ji bìʼ liì wòŋ gheéy.

Filipi 3:8

A bó yòʼ jòʼsì kee shooy cáʼcáʼ. M sí yén vifá vidzə̀m ji kilày ji m fíʼ a ker ke kuʼùn kí, a dzə̀ á ji m maysi, e nəə̀nín vèr Tàr wòsən Jesus Kristu, e kìíy wun kijuŋ. M nen màʼày vinyo vìn vidzə̀m a dzə̀ bìʼ wun woo Kristu, a yen lèn, ví wáa koʼóy koʼoyín ji m fíʼ a tiy a dzə̀ á vèr wun,

Filipi 3:12

A bó m yòʼ suuy bèn ji m sí yii a vinyo ve m shóvti sí, leey vìn vidzə̀m, kìn ji m ràn ne a fo vinyò foo fèn. Yii bèy, m kù tùytí sí, a leéy fó mbìy ji m ghár á vinyo vee shooy e mǒ kiwo, bìʼ fo Kristu‑uù liìn mo ji wír və ji m wáa yiì vinyo vee shooy.

Filemon 1:1

Ŋwàʼ və̀ne sàŋ mo woo Por wo m lim sháŋ bìʼ kinyo ke Jesus Kristu. A sàŋ vèr fər wòsən Timoti fo wò woo Filemon. À dzə̀ ŋkar yer féyì, a vèsən tàtí, a lìm kinyo ke Jesus Kristu amòʼón.