Filemon 1:24 - ŊWÀʼ NYÙY

²⁴ Maak wùn à Aritakur, à Demar, à Luk ve vèr áwune tatin, a lìm kinyo ke Jesus Kristùu shaʼtì sa wò.

Filemon 1:24 Referans Kwoze

Kolosia 4:14

Luk woo ŋgaà shìv wo vèsən koŋ adzə̀m wùn Demar shaʼtì sa ven.

Kolosia 4:10

Aritakur wo vèr wun lim sháŋ fen, shaʼtì ven, a Maak shaʼtì sa. Dzə̀ wun wo dzəə̀n wan jèmèr Banabar wo mò‑oò saŋen fo vèn ji a wù fen wìy, vèn kù keèrì a kijuŋ.

Lim Aŋgàa Ntum 19:29

Ntèʼ nèn lò, e bvəə̀rí e dzə̀m. Wíri báʼtí, e bàm Gayur wùn Aritakur ve vé‑eè ghán wùn à Por, a dzə̀ wír veé Masedonia, a sə̀ŋ, a dù sho e kirə̀ʼ ké kileèy.

Lim Aŋgàa Ntum 12:12

Mo Pita kiiyin kinyo ke kí kooyin wun, e nèn dù e Maria woo yìy à Joon Maak lav, a wíri kì bàʼtí fó anín, a bùnrì.

Lim Aŋgàa Ntum 27:2

Vèr áwune nèn nə̀ə́ e kikoŋ fo Adamitum, a kí sí du e shuù se ndzəv seé wòŋ woo Asia. Aritakur woo wír woó Tesalonika e wòŋ Masedonia wáa dù sa vèr áwune. Á nèn a dù.

Lim Aŋgàa Ntum 12:25

Mo vé‑eè tumen Banabar wùn Saul e Jerusalem, á màysì fo fo, e nèn a kfən e Antiyok. Á lòo kfən, e lì sa Joon Maak.

3 Joon 1:8

Kí nen ghèén ji vèsən ve dzəə̀n wír Nyùyi kú a sə áwune, é vèsən áwune tátí, a yiì lim ye áwune lim bìʼ kinyo ke Nyùy ke ru kí amòʼón.

Filipi 4:3

M nen kfə̀n a suúy e wò woo ŋgaà wom ŋgoo feyì ji à ku sə̀ á vikìy vee shooy, aá mán vinyo vév. Dzə̀ wír ve vèr áwune‑eè katìr, fiʼtì sáʼka Nyùy wo juŋ, a yì‑iì fiʼtì vèr à Kilemon, aàŋgaà vém ŋgoo ámóʼó sá. A wír vìn adzə̀me dzə̀, a Nyùy sàŋ ne yír sév é ŋwàʼ wo á sáŋ yír sé wìr ve á wíy lùŋ sho.

Filipi 2:25

A m kfə̀n yén sa ji bo m kì tsə̀nsí á fə́r wòsən Epafraditur fo vèn. Dzə̀ taà lav wom, a vèr wun rə́si funèn e kinyò ke Jesus Kristu. A dzə̀ wun wo vèn‑eè tumen ji wù wiy, a sə a mo.

2 Korin 8:23

Fo ké Titur ki, vèn wáa kiíy ji dzə̀ á ŋgaà wom ŋgoo wo wù sə́ mo, a vèr wun lim fo vèn vee vintatì ve wìr Nyùy. Ké afə́r vesən vee abaà vin ki dzə̀, a tùm vintatì e Titur bàm. Dzə̀ wíri, a lim yéví kóʼor yír Kristu.

Lim Aŋgàa Ntum 13:13

Por wùn aàŋgaà və́ ŋgoo nèn nə̀ə́ e kikoŋ fo Pafor, a ghan e rìbà ndzə̀v, e dù, e fəə̀ é ntèʼ yee Pega, aá sì é wòŋ woo Pamfilia. Joon Maak nèn màʼtì áwune fó, a kfən e Jerusalem.

1 Pita 5:13

Kintatì ke kí dzəə̀n é *Babilon fèn ki shaʼtì ven. Maak woo wán wom shaʼtì sa ven.