Filemon 1:23 - ŊWÀʼ NYÙY

²³ Epafar wo vèr áwune dzəə̀n é sháŋ fen bìʼ kinyo ke Jesus Kristu shaʼtì wò.

Filemon 1:23 Referans Kwoze

Kolosia 1:7

A wìr wo wù‑uù tòmbìy fèr kinyo kee shooy e vèn dzə̀ Epafar wo vèr áwune lim kinyo ke Jesus Kristu wír amòʼón, a vèr koŋ wun feyì. Wù nèn lì kirə́ʼ kér, e wìy, a fìʼtì kinyo ke Jesus Kristu e vèn shilív shimòʼón.

Ŋwàʼ woó Rom 16:7

Vèn shaʼti Andonikur wùn Juniar ve dzəə̀n afə́r vém veé Juda ve vèr áwune‑eè lim sháŋ amòʼón. Áwune dzə̀ aŋgàa ntum Jesus Kristu ve á din vitú vév féyì ji á lim a fo Kristu. A vé‑eè biìmé kinyo kfə́, é bo m wìy sìíy, e biìmé.

Kolosia 4:12

Epafar wo dzəə̀n wír woo věn kintatì, shaʼtì sa ven. Wù lim sa kitávín fo Jesus Kristu. A wù yii kuúme ven ghán sidzə̀m, bunrì ji Nyùy ku yiì, é vèn wáa tiy kitávín vèn à Nyùy, e màysì a dzə ji wír və́, a kiíy kinyo ke wù taʼ ji vèn wáa yiì, a tiy a dzə̀ shó.

Kolosia 4:10

Aritakur wo vèr wun lim sháŋ fen, shaʼtì ven, a Maak shaʼtì sa. Dzə̀ wun wo dzəə̀n wan jèmèr Banabar wo mò‑oò saŋen fo vèn ji a wù fen wìy, vèn kù keèrì a kijuŋ.

Filemon 1:1

Ŋwàʼ və̀ne sàŋ mo woo Por wo m lim sháŋ bìʼ kinyo ke Jesus Kristu. A sàŋ vèr fər wòsən Timoti fo wò woo Filemon. À dzə̀ ŋkar yer féyì, a vèsən tàtí, a lìm kinyo ke Jesus Kristu amòʼón.

Filemon 1:9

Yii bèy, mo m kiìn ji à koŋ wír Nyùy e ŋàŋ, m nén a lon lonén ji à ku yiì a kinyo kee shoon a dzə̀ bìʼ koŋ yé. Áà wáa kiíy ji lón a mo woo Por wo m súŋnin moo ŋgàywìr e Jesus Kristu kinyò, a m kfə̀n lim sháŋ bìʼ wun.