Filemon 1:20 - ŊWÀʼ NYÙY

²⁰ Fər wom, ku yiì kinyo ke m lón kìn ki, bìʼ fo wòsò tatin ji wír Jesus Kristu. Ku yiì rì bìʼ kintatì kee shooy, é shilív shém shí rəsin.

Filemon 1:20 Referans Kwoze

3 Joon 1:4

Kinyo ke dzə̀ m shèʼrí é ŋàŋén kí yòʼ dzə̀, e shaà ke m yú ji ven vee wón vémé kù tíy e kinyò ke dzəə̀n ké ru kí.

Filemon 1:7

M suuy bèn fər wom, bìʼ fo m lóo kuumé mo à koŋ wír Nyùy e ŋàŋ, yii, a melív mev mè lum ghán sidzə̀m, m wàa ker kishéʼrì ke ghaʼán kí, shém shee shilív shí wàa lùm sa.

Filemon 1:12

M nén a siìr wun lèn fo wò wùn, áà wáa kiíy ji dzə̀ á tím yém féyì feyì.

1 Joon 3:17

Yii bèy, a wìr kér kifá, e yèn fə́r və, e tèn fó sə wun, bo bó wù yòʼ koŋ wíri mo Nyùy koŋè.

Hibru 13:17

Vèn wáa yu vilìmbìy vén ví, a yiì mo áwune suuyì. Lèm Nyùy áwune, á wáa shìy melív men fo wìr jáy dzə́ə, a kù kíyri Nyùy lim yév. Vèn kú a yiì, aáwune wáa yiì lim yév, a wàrkìr. Aá lim, rəm ntéŋ, bo bó yòʼ dzə̀ kí sə̀ ven gheéy.

Filipi 4:1

Á bèy lèn afə̀r vem, m koŋ ven féyì, a jìŋ yen yár mo é ŋàŋ. Dzə̀ ven vin ve á yii, a m kér kishéʼrì. A m kfə̀n kwá ŋgúʼ a dzə̀ bìʼ ven. Ŋkar sem, vèn ku nèn a tiy kitávín a dzə̀ vèn à Tàr wòsən Kristu mo m kì suuyin ne.

Filipi 1:8

M suuy bèn, a Nyùy kì sá ji m kér rú á shií fo vèn, koŋ ven shilív shidzə̀m réŋréŋ mo Jesus Kristu koŋè.

2 Korin 7:13

Mo vèn yenen ne lèn bèy, shilív shér shí nen neèm. Vèr kfən yèn mo Titur wìyìn, a sheʼrí e ŋàŋ, a bó wù yòʼ dzəə́ fan kinyo kímóʼ kí kùm ven, vèr nen màysì, a yu vijuŋ.

2 Korin 2:2

Dzə̀ ven vin ve dzə̀ á shèʼér mo. A m kfə̀n lò, e yiì, vèn wáa yu nyár, kfə̀n a sheʼér la mo?

1 Korin 16:18

Shilív shém shí nen rə̀sìn, réŋréŋ mo wír vìne lo, á wàa rəə̀r méen mee melív. A kí bòŋ ji vèn wáa ghvəm a wír vee ben.