Filemon 1:19 - ŊWÀʼ NYÙY

¹⁹ M sùúy ne bèn, yén ri kilíŋ ke ŋwàʼ kìn ki. Sàŋ mo e kiwó kém kí jii, mo woo Por, m wíy làʼ kaá yee shooy. Mo m fə̀m suuy bèn, bó yòʼ dzə̀ m rə̀sí, a fìʼ mo yé yee kaá ye dzə̀ à làʼ mo shóo dzəə̀n. À kér dzəʼə̀m ye à kér lèn a dzə̀ bìʼ mo.

Filemon 1:19 Referans Kwoze

Galatia 6:11

Vèn yén ri mo sí se ŋwàʼ sìn si kùʼkìn. Sàŋ mo lèn e kiwó kém kí.

Galatia 5:2

Vèn yuúrí ke mo woo Por suuy lèn ki. A vèn biìmé ji á kér fó a saŋ *mbèʼ sén, é bo vèn fíʼ a gheén fo Nyùy, bo dzə̀ ji kinyo ke Kristu‑uù yiìn kí lày ne a kisáŋ fo vèn.

1 Korin 4:15

A vèn fə̀m kér wír wií wií ve á yéʼey ven kinyo ke Jesus Kristu, bo tàr won wo wù‑uù dànèn ven é kinyò foo fèn kù jòʼsì e mòʼón. A dzə̀ mo woo Por wo dzəə̀n tàr won wo wù‑uù dzəən ven é kinyò fèn e ghan se mò‑oò wìyìn, a fìʼtì sáʼka woo kùm Jesus Kristu e vèn.

Titur 1:4

M nén a saŋ ŋwàʼ və̀n a dzə̀ fo wò woo Titur. À dzə̀ wán wom féyì bìʼ kinyo ke Nyùy ke wòsò biimen adzə̀m. A m lón jii, Tàr wòsən Nyùy wùn Jesus Kristu wo wù luŋèr vèsən kú a leéy fo wò, a yiì, é shilív shé shi wáa dzə nyaáŋ.

1 Timoti 1:2

A m sàŋ a dzə̀ fo wò woo Timoti. À dzə̀ wán wom féyì bìʼ kinyo ke Jesus Kristu wo wòsò wayin shilív é wùn wó. M nén a lon jii, Tàr wòsən Nyùy wùn Taàtá wòsən Jesus Kristu kú a kòŋ wò, a sham wò, a leéy fo wò, a yiì, é shilív shé shi kú a dzə nyaáŋ ghán sidzə̀m.

2 Korin 3:2

Dzə̀ ven vin ve vèr wayin e věr meliv ve dzəə̀n wór woo ŋwàʼ. A wìr dzə̀m yén, yoŋ, yú mo wú suuyì,

Kèʼlo 43:9

M kàʼ, e tìír kitú kém ji m kù wíy kfən a e wun. A kinyo ki kòóy wun, à dzə̀r a dzə̀ e mò. A m dzə̀ là fóo wiy wìy, e way wun e wò kiwo, bo njò kù wíy a dzə yéem, e wìy dù, e mày.

Ŋwàʼ woó Rom 16:22

Mo woo Titiyur wo Por shòŋrìn, m sáŋ ŋwàʼ və̀n, shaʼtì sa ven moo fə́r won woo wir Kristu.

2 Korin 9:4

Vèn ku bàʼtí kijuŋ, a tàm wàa wìy vèr à wír veé Masedonia ámóʼó. Á wiy, taʼ kinyè ntéŋ, a mò‑oò sí sévti ji m kì féyì ji dzə̀ vèn yiì kinyo, é m wáa woomé. M lóo woomé, é vèn wáa woomé sa.

2 Korin 10:1

Mo woo Por, m kì ji wír ámóʼó lo, á wàa suúy a jii, m lóo saŋ kinyo, a m dzə̀ fó səné, m wàa ghàŋtì shuu, mee fo si, m wàa boòrì a lám. Mo woo shooy, m nén a boòrì ven ji weè, mo Kristu kù yii boorì, a suúy jii,

Filemon 1:18

A wù fə̀m‑eè jày kinyo e wò, kìn wù‑uù shwìv a dzə̀ kifá ké, à kù siìr vinyo vee shooy e mǒ kitu.