Filemon 1:14 - ŊWÀʼ NYÙY

¹⁴ Yii bèy, m nèn yèn ji bó yòʼ dzə̀ m lèm wan wò fèn, a bó à yòʼ kì á fo fo, bìʼ fo m yòʼ taʼ, a kàn wò kánen ji à wáa sə mo. Ke m koŋ ki dzə̀ jii, à wáa sə mo a dzə̀ á mo kwàʼàn wò fo wò kitu.

Filemon 1:14 Referans Kwoze

2 Korin 9:7

Yii bèy, wìr lóo fo, wù wàa fo mo wù wayin fo wùn shiliv. La wù yòʼ a fo, a ŋònkìr, kìn wù fó mo á kàn wun kánen. Vèn wáa kiíy jii, ŋgaà fómo wo Nyùy shéʼri dzə̀ wo wù fó, ŋwaŋè.

1 Wòŋ 29:17

Nyùy wom, m kì ji à yii tar melív me wíri, yén she shí tíy tìítiy, à wàa yu vijuŋ. M fò vifá vìn e wò là kiloʼ, a m fò vèr à shilív she juŋ shi. M kfə̀n yèn sá mo wír vé ve á baʼtin fene fó vifá e wò e shilív she juŋ shi, shéʼri.

2 Korin 9:5

Á kinyo ke kí yiìn, bo m shoŋri afə́r vesən vin ji á ku wìy fo mbìy, e bàʼtí fómo wo vèn‑eè kàʼàn və̀n, m wíy lóo wìy, a wù sì é kiwo ji fómo won, fo kí wáa dzə mo á kàn ven kánen.

2 Korin 8:12

A wìr kòŋ ji wù fó kifá mo wù kérí, Nyùy kù səə̀sí kifá kee shooy. A bó yòʼ dzə̀ wù wàa leéy ji wìr fó kifá ke bó yòʼ dzəə̀n vitaáví və́.

2 Korin 1:24

Vèr kì ji vèn wày shilív e Nyùy wùn kitávín, a bó vèr yòʼ taʼ ji á wiy, a kàn ven kánen é kinyò kímóʼ kí gheéy. Ke vèr koŋ ki dzə̀ jii, a vèr wìy, vèr yiì kinyo a dzə̀ á ke vèn maysi, a sheʼrí sheʼrín.

1 Korin 9:17

A dzə̀ ji kwàʼtì mo, e bó a yiì lim rə̀n, bo m kì taʼ vilaámé. Yii bèy, a bó yòʼ‑oò sìysì mo, kù‑uù wày Nyùy wáyín e mǒ kiwo.

Nsùyrì Nyùy 110:3

À wíy fəə rə́r é kishiíy fó, é wír vée wiy, a fo vitú vév. Awàʼ vée wíy wìy, e tom wò, a kaarí aàgwan ve dzəə̀n vé Nyùy moo ŋweʼ ye yí gbu kijàvndzə.

1 Korin 9:7

Dzə̀ ji wìr lóo tiy e shùu rər, kfə̀n a tàʼ wun vifá və́ vé yi à? A wìr lim súm, la wù yòʼ a yi vifá veé sum fóo fèy à? A wìr shiy nyám, la wù yòʼ a kam sa vín, a no à?