Efesor 4:8 - ŊWÀʼ NYÙY

⁸ A dzə̀ mo vé‑eè saŋen jii: «Wù kóʼ e yuv moo wír wo wù kfə́n fo kwaʼ rər, tsəə́ne wír ve wù koon, jav vifá e wíri.»

Efesor 4:8 Referans Kwoze

Nsùyrì Nyùy 68:18

Wù‑uù kóʼ Gwan Sion, tsəə́ne wír ve wù koorin fó kwaʼ rər. Kóʼ bèy, sə́ nshwì fo wíri, wír ve vé‑eè tsə́y kóy wùn áwune. Nyùy Tàr, wun woo Nyùy kù wíy a dzə a dzə̀ fó.

Kolosia 2:15

Wù yiì bèy, e nèn màʼ anyùy wùn à vitú vév vé saʼ vi. Mo Kristu kpuun é kintam, kí nèn a dzə ji Nyùy wày ne áwune é njoy, a toʼnín wáy shó moo wír ve á koon fó kwaʼ rər, a wìy, a binsí mbeeteé.

1 Samuel 30:26

Davir meé é Tsiklag, e nèn tsə̀nsí vifá vímóʼ ví e ŋkar sə́ sí, se yì‑iì dzəə̀n kfə́m sé wìr veé Juda. Wù wáa tsə́nsi bèy, a suuy jii, «Fómo won və̀ne, a dzə̀ vifá ve m faàsìn fo aŋgàa vibǎn Nyùy Tàrí.»

Esta 2:18

Fòn nèn kàʼ ŋkàʼ wo kuʼùné bìʼ Esta, e bì atǎr ntoʼ və́ wùn à nsheèlav sə́ sí. Wù kfən fò sáʼ ji kishiíy kee shooy ki kù dzə̀ á kishiíy ké bam e wun wòŋ, ke á kú a lèm virə́ʼ vidzə̀m. Fòn kfən jàvtì ambùʼmé e kishiíy fóo fèy, e kù jàvtì, mo liì woó ntoʼ yii dzə́.

Atǎr Nsaʼ 5:12

Debora, ŋáʼáy, ŋáʼáy é yuv. Ku ŋàʼáy, e lì mbìy, a màʼ luŋe. Barak, túmnín, e dù e kwaʼ rər. Wan Abinoam, ku tùmnín, e koòrí wíri, e wìy sho.

Ŋgàn 30:4

Yì‑iì kòʼ ne la é yuv, e dù sə̀y? Yì‑iì bàʼtí ne la shwér, e kfə̀vtí e wun mvə̀m kiwo? Yì‑iì kùr ne la wuú é mbàʼ mo wìr kùr kifá e ndzə̀y? Yì‑iì tùúy ne la vitóŋtóŋ vé ndzə? Yír ŋgaàŋe dzə̀ ji la, yé wan ji la? Suúy e mò, aà fèn kì.

Efesor 4:11

Mo wù kfənen, e nèn jàv ambùʼmé e wíri é kitu kitu. Wù bùʼ ámóʼó, á wáa dzə aŋgàa ntum və́, ámóʼó wáa yu kinyo fo Nyùy, a tiisí e wíri, ámóʼó wáa fìʼtì kinyo kfə́ e wír ve bó á yòʼ kiìn Nyùyi, ámóʼó wáa leéy fo kintatì ke wìr Nyùy ki, ámóʼó wáa yeʼéy kintatì.