Efesor 4:4 - ŊWÀʼ NYÙY

⁴ Vèn wáa kuumé ji kintatì ke wìr Nyùy ki kù jòʼsì kitú kimòʼón, a dzə̀ ji wún Kristu. Kiyoy ke Ranén kí jóʼsí sá kimòʼón, a kù dzə̀ sá mo vèsən adzə̀m shiy kifá kimòʼón, a dzə̀ vijuŋ ve Nyùy‑iì liìn vèsən ji á wìy nə̀ə́ sho.

Efesor 4:4 Referans Kwoze

Efesor 2:18

Vèsən adzə̀m nén a dzə lèn, a dzə̀ á wàa beè Kiyoy ke Ranén kí, a koʼtí e Nyùy woo Tàr wòsə́n si. Aá kù bee a dzə̀ Kiyoy kee shó kimòʼón.

Efesor 4:1

Mo woo Por wo m lim sháŋ bìʼ kinyo ke Tàr wòsən Jesus Kristu nén a lon jii, vèn kú a ker dzəʼə̀m a dzə̀ yé wìr Nyùy mo wù‑uù liìn ven ji vèn wáa dzə.

Efesor 1:18

A kí dzə̀ jii, wù ku ŋàʼár melív men, é mè wáa tiy a dzə̀ é kinyò ke wù‑uù liìn ven shó, é vèn wáa kiíy mo kí dzəə̀n, e kfə̀n a kiíy vijuŋ ve ghaʼán ve wù kàʼàn wír və́ shó adzə̀m,

1 Korin 12:20

Wúné dzə̀ vibar jeéy jeéy, bo ví tátí, a dzə ji wún e mòʼón.

Kolosia 1:5

Vèr kì ji vèn yii vinyo vìn bèn, bìʼ fo vèn tiirin ne vifií a dzə̀ fó mbìy, a shìy vijuŋ ve Nyùy kàʼàn ven shó e yuv. A dzə̀ vijuŋ ve vèn‑eè yuun é ghan se vé‑eè wìyìn, a fìʼtì ven kinyo ke dzəə̀n ke ru kí, ke dzəə̀n sáʼka wo juŋ wo wù lo a dzə̀ fo Nyùy.

Efesor 5:30

bìʼ fo kintatì kìn ki dzəə̀n wún və́, a vèsən dzə̀ vibar ve wùn woo shooy.

1 Joon 3:3

Kí nén a dzə jii, wìr wo wù leey fó mbìy, shiy Jesus, yii baamè vinyo ve bi ví, ji wun fíʼ a dzə là njò, réŋréŋ mo Jesus dzəə̀n.

1 Pita 1:21

Vèn nén a way shilív e Nyùy wùn lèn, a dzə̀ bìʼ Kristu wo wù‑uù tumen, wù wìy, e kpù fo vèn. Wù kfən fə̀ə́r fo kpu, e bùʼ e vikuʼùy və́ ví. Melív men mè nén a tiy lèn a dzə̀ e Nyùy wùn, vèn wáa leéy fó mbìy ji wù li sá ven, e wày e wùn mvə̀m vijùŋ foo fèy.

Titur 2:13

a shìy vijuŋ ve vèsən tiirin vifií shó, ji Jesus Kristu bvə́y, a wù sí kér vikuʼùy a dzə̀ veé yuv. Dzə̀ wun Nyùy wòsən wo ghaʼán wo wù luŋèr vèsən.

Titur 1:2

Aá kfə́n a shìy dzəʼə̀m yee là may ye Nyùy‑iì kàʼàn áwune shó fo ŋgùʼ. Nyùy, wo bó wù yòʼ yii bóʼti kimboʼtì.

2 Tesalonika 2:16

Vèr ku nèn a lon fo wúnwun woo Taàtá wòsən Jesus Kristu wùn Tàr wòsən Nyùy jii, á kú a bayrí melív men, a tavír ven, é vèn wáa suúy, a yiì a dzə̀ vinyo ve juŋ vi. A Nyùy wo vèsən lón fo fo və̀n‑eè lo dìn ji wun koŋ vèsən. Wù‑uù shàm vèsən, e yiì, melív mèsən mè wáa lùm ghán sidzə̀m, e kfə̀n yiì, vèsən wáa shìy a dzə̀ vijuŋ ve wù‑uù kàʼàn vèsən shó.

Kolosia 3:15

Vèn lóo sìysì kinyo, melív men mè kù a yu a dzə̀ fo Kristu, é vinyo vén ví fíʼ a dù ji nyaáŋ. A dzə̀ mo Nyùy‑iì liìn ven, e tàtí amòʼón ji á wáa dzə a ji nyaáŋ. Vèn ku nèn a beèrì wun woo Nyùy ghán sidzə̀m.

Efesor 2:22

Mo vèn à Jesus Kristu tatin ne, Kiyoy ke Ranén kí nen tàtí sa vèn à wír Nyùyi adzə̀m, wáa dzə lav ye wun woo Nyùy shiiy sho.

Efesor 2:16

A bó yòʼ dzə̀ kifá kímóʼ kí kfə̀n jàvsìn vèsən gheéy. Mo wù‑uù kpuun é kintam, wù‑uù màn ne vinyo ve vèsən‑eè jayin fo Nyùy adzə̀m, e tàtí vèsən ji wír Nyùy, aá sì kifá kimòʼón.

Matio 28:19

Vèn du ri, a ghan vitúm vidzə̀m, a yeʼéy wíri, a bìnèr ji wír vém, a way áwune é ndzəv e yír Nyùy Tàr wùn Wàn, à Kiyoy ke Ranén kí.

Jeremia 14:8

Kù jòʼsì wò wo Isray leeyì. A dzə̀ kù lùŋèr wò wun e ghan sé ŋgeʼ. A dzə̀ à yèe, e bó a dzə moo kiŋgwìy e věr nsay, a dzə moo nshaàdzəə̀ woo nəə́ e ŋkuùr, nèn a fəə kijàvndzə?

Titur 3:7

A wù‑uù fó bèy ji wun fiʼ bùʼ vèsən, e lì a ji wír vee là jay, aá wáa kiíy ji á wíy nəə́ e vijùŋ ve wù‑uù lèmèn e wír vəə́, a dzə̀ dzəʼə̀m yee là may.

1 Timoti 1:1

Ŋwàʼ və̀ne sàŋ mo woo Por wo dzəə̀n ŋgaà ntum Jesus Kristu. A m lò ntum rə̀n a dzə̀ mo Nyùy wùn Jesus Kristu‑uù suuyin. A dzə̀ wun woo Nyùy wo wù‑uù fəərin vèsən fó lòn ji á fiʼ wìy lùŋ. Kristu nén a dzə kfə́ wír wo vèsən tiir vifií é wùn wó ji wù wìy lì vèsən, e wày é vijùŋ ve Nyùy kàʼàn vèsən shó.

1 Korin 10:17

Mo vèsən ve á yí kibán kìne fə̀m dzəə̀n wír anín, a kibán ki dzə̀ ntuʼ e mòʼón, kí nén a dìn ji vèsən sì á wír amòʼón.

2 Korin 11:4

M suuy bèn, bìʼ fo m yén ji vèn kù sí biíme vinyo vidzə̀m a biímén. Kìn wìr wìy, a fìʼtì Jesus wùmòʼ jeéy, a bó yòʼ dzə̀ wo vèr‑iì fìʼtìn e vèn, kìn wìr fiʼtì kifá kímóʼ kí ji Kiyoy ke Nyùy, a bó yòʼ dzə̀ ke Nyùy foon e vèn, kìn ŋgaàŋ neèr kfə́ kinyo ke sən kí ji sáʼka Nyùy wo juŋ, vèn kù biìmé biimén.

Lim Aŋgàa Ntum 15:11

Ke vèsən biíme ki dzə̀ ji Nyùy luŋèr vèsən, a dzə̀ bìʼ koŋ ye Tàr wòsən Jesus‑eè kòŋèn vèsən, a wù kù luŋèr sa vee shooy vee wír réŋréŋ bey.»

Jeremia 17:7

«Yii bèy, kisəəvì kí kù dzə̀ ké wìr wo wù wayin shilív e Nyùy Tǎr wùn, wo vifií və́ ví tíy a dzə̀ e Nyùy Tǎr wùn.

Ŋwàʼ woó Rom 11:29

A kí dzə̀ bey bìʼ fo Nyùy yii li wír, la wù yòʼ kfə̀n màʼày. Wù kaʼ wír e kinyò, wù kù yiì kíwun.

Nsùyrì Nyùy 122:8

Bìʼ koŋ ye m kér fo afə́r vémé wùn aàŋgaà vém ŋgoo, m wáa bùnrì ji nyaáŋ kú a dzə e vèn veé Jerusalemé mvəm.