Efesor 4:2 - ŊWÀʼ NYÙY

² Vèn wáa lì vitú vén shishàr, a borkír, a ker wir dzə̀m ji weè, a kòŋ áwune, é la wìr yòʼ a yen jay wìr.

Efesor 4:2 Referans Kwoze

1 Korin 13:7

Wìr wo wù koŋ wíri yòʼ yén ajay wìr. Wù kù wáy kfə́ shilív wáyín e wìr wùn, leey fó mbìy ji wù kù wíy yiì a kijuŋ, kfə́men vinyo vidzə̀m.

Ŋwàʼ woó Rom 15:1

Afə̀r vem, kinyo ke dzə̀ vèsən wàa yiì ki dzə̀ jii, wìr wo wù kiìn ji dzə̀ wun wàa yiì vinyo, la shilív shí yòʼ a saʼ wun fo fo, ku yòʼ màʼtì vinyo vee shooy, e fíʼ sə fə́r və wo bó wù yòʼ kiìn bey. Lá vèsən yòʼ a yiì kinyo ji kí wáa bòŋ a dzə̀ á vèsən.

Matio 11:29

Vèn toór kimbùŋ a dzə̀ kém, a yu a dzə̀ fo mò. M yii géʼ e wíri géʼén, kér shilív shee nyaáŋ. Vèn ku wìy, e meèmè, é meliv men mè rəsin.

1 Timoti 6:11

Ké wò woo Timoti ki nén a dzə, aà dzə̀ ké ji ŋgaà lìm Nyùy. Kú a leʼ vinyo vee shooy vi léʼén vidzə̀m. Ku wày vifií ví cáʼ ji à wáa yiì a dzə̀ á vinyo ve ru ví, a yiì moo wír wo dzəə̀n wo Nyùy, a way shilív é wùn wó, a kòŋ wir dzə̀m, a tiy e Nyùy wùn kitávín, a lì vinyo vidzə̀m ji weè.

Ŋgàn 3:34

Rúrú, Nyùy Tàr méŋ wír ve á shéʼ wun, yén a dzə̀ vitú vév. Wù leey wír ve á néŋ e wun si, shám áwune.

Kintaŋ 12:3

A Mooser‑iì dzə̀ kfə́ wir kiman feyì, a bó wìr kiman wùmòʼ yòʼ kfə̀n‑eè dzə̀ shó e kitu ke nsay moo wun.

Nsùyrì Nyùy 138:6

Fə̀m mo à dzəə̀n é ntoò yùv, à lo, à wàa leéy wír ve á li vitú vév shishàr. Yii bèy, lóo dzə vé kiŋkoʼòrwùné, à wàa leéy áwune kwaʼda kwaʼda.

1 Pita 3:15

Vèn ku tìír melív men a dzə̀ e Kristu wùn moo Taàtá won, a yuurí a dzə̀ fó fo. Vèn kú a yiì bèy, a dzə kibáʼtín ghán sidzə̀m. Wìr dzə́r kinyo ke kí yiìn, bo vèn wáa lì vinyo vén vidzə̀m ji weè, a leéy a dzə̀ fó mbìy, vèn naàrì shó kijuŋ.

2 Timoti 2:25

Wíri lóo kìnèn kinyo kfə́, wù wàa naàrì áwune ji weè, a leéy a dzə̀ ji Nyùy ku shàm wír vee shooy, aá biner vifií vév, e biìmé a kinyo ke dzəə̀n ke ru kí,

Galatia 6:2

Wìr kú a sə fə́r və kibeʼèy ke kí gháʼ wun. Vèn lóo yiì bèy, bo vèn sí lem nsər ye yì lo a dzə̀ fo Kristu.

Efesor 1:4

Bo wù fə́m a bom ndzə, a wù‑uù yiì ne shòʼ vèsən ji á wíy tatí vèsən à Jesus Kristu, a dzə a wír wun woo Nyùy, a tiy e wùn si là shilóm.

Tsəfaniya 2:3

Ven adzə̀m veé wòŋ fèn ve á li vitú vén vitérí, ven ve á yúnin nsər se Nyùy Tàr, vèn kú a yiì vinyo a dzə̀ ve wù taʼà. Vèn kú a neŋ e wun si, a tàm, é wù kim ven e wun kishiíy ké dòʼshwiíy.

Lim Aŋgàa Ntum 20:19

Mò‑oò neèr kitú kém, a lìm fo Nyùy, a səʼə́r mensíy. M kfə́n a yen ŋgeʼ símóʼ sí sinín, bìʼ fo wír veé Judàa‑aà rə́si dzə wúu yém.

Ŋgàn 16:19

Bòŋ, e lì kitú ké shishàr, a dzə vèn à vé ŋgeʼe, e shaà fóo jàv vifá ve kimfaàsì vèn à vé kiŋàʼa.

Maak 9:19

Jesus nèn sùúy e wón vəə́ jii, «Vèn dzə̀ ben, a bó vèn yòʼ lo, vèn wày shilív e Nyùy wùn gheéy. M wíy tsəmrí vinyo vén vin e meé e le? Vèn taʼ ji m wìy dzə̀ʼə̀m vèsən e mèé e le? Vèn wiy e wan woo shooy, e fò shan.»

Sekariya 9:9

Éè wìr veé Sion, vèn wáa sheʼrí e mbòómbòŋ. Éè wìr veé Jerusalem, vèn wáa ndzəʼ. Vèn yén mo fòn won wiyì, wiy e sáʼ yee tìítiyi, séŋ nsiì, e kù yòʼ lì kitú kfə́ shishàr, e kòʼ a dzə̀ kimbèʼbìy, kimbèʼbìy, a dzə̀ kee wán.

Aysaya 57:15

Wun woo Taà Vitu, wo viwìr və́ ví yòʼ kér mfìʼ, a wù kù dzə̀ shó ghán sidzə̀m, e dù, e jòʼsì, a yír rəə́ dzə̀ Ŋgaà wo Ranén, wù suuy jii, «M kù yii dzə́ kém é ntoò yùv, e mǒ kirə̀ʼ ke ranén kí, a m kfə̀n dzə́ sa vèr à wír ve á diy bìʼ ajay vév, néŋ e mǒ sii. M yiì bèy ji áwune fíʼ a ker fo á tiir vifií.

Nsùyrì Nyùy 45:4

Á kóʼ á nyám rə moo fon wo ghaʼán. Á fəə́, e tòn a aŋgaà və́ vibàn. Á tóm á suuyrú, e tòm á kinyo ke á tínen là kiloʼ. Á ku dìn a viŋgaʼnìn və́ vé vinyò, vinyo ve á yii e kóy və́ wo tavíné.

Jeem 1:21

Kí nén a dzə jii, vèn maʼti á liì joònè e dzə̀m, e fəə̀ fó bǎm vinyò ve kisaŋ vi vidzə̀m, a neŋ a dzə̀ e Nyùy si, a yu a dzə̀ fo wùn jì ye wù wayin e věn meliv. Á kinyo ke dzə̀ kí dànèr ven é dzə̀ʼə̀m yee là may.

Ŋgaà Tàrvìnyò 7:8

Kimaysì ké kinyò ki bòŋ, e shaà keʼ, a lòweè bòŋ, e shaà kiŋkoʼòrwùn.

Kolosia 1:11

Vèr kfə́n a lon jii, Nyùy wo vitaáví vidzə̀m vi dzəə̀n və́ kú a tavír ven, é vèn wáa shaà e mvə̀m ŋgeʼ sidzə̀m, a lì vinyo vidzə̀m ji weè, a sheʼrí,

1 Pita 3:8

M nen màysì, a tir wir dzə̀m lèn jii, vèn wáa yòy a kiyoy kén kimòʼón, é wìr wáa sham fə́r və, a way e shiliv. Vèn wáa ker shilív she juŋ shi, é wìr wáa lì kitú kfə́ shishàr.