Efesor 4:10 - ŊWÀʼ NYÙY

¹⁰ A kí dzə̀ jii, wun woo Kristu wo wù‑uù səyin é nsay kù dzə̀ wun woo shó wo wù kfənen é ntoò yùv ji wun fíʼ tatí vinyo vidzə̀m, a lìm sho virə́ʼ vidzə̀m.

Efesor 4:10 Referans Kwoze

Hibru 7:26

Wù nen ghèén feyì e taà cù wo kuʼùn wo dzə̀ vèsən wàa ker, e bóo fíʼ lùŋ. Wù kù dzə̀ kfə́ ji wir Nyùy cáʼ, a bó wù yòʼ kér njò yìmòʼ gheéy, a bó shilóm shi yòʼ dzə̀ é wùn wó gheéy shishàr, e bó a dor. Wù tíy kfə́ jeéy fo wíri adzə̀m, bìʼ fo áwune dzəə̀n aŋgàa jay. Nyùy kfən lì wun, e kòʼór e ntoò yùv.

Hibru 4:14

Vèsən wáa kuumé ji vèsən kér taà cù wo kuʼùn wo wù táti vèsən à Nyùy, a dzə̀ Jesus woo Wan Nyùy wo wù‑uù duùn, e mèé e ntoò yùv fo Nyùy dzəə̀n. Vèsən ku nèn ghàr kinyo kfə́ ke vèsən biimen kitávín,

Kolosia 2:9

Kristu dzə̀ kinyo kidzə̀m ji Nyùy. Mo wù‑uù liìn mbom wìr, vinyo ve Nyùy vi nén a yensín e wun wùn vidzə̀m.

Kolosia 1:19

A yì‑iì sìysì Nyùy bèy, bìʼ fo wù‑uù taʼ ji Wan və kú a dzə réŋréŋ vinyo vidzə̀m ji wun,

Matio 24:34

A m suuy kinyo ke ru kí e vèn jii, bó yòʼ dzə̀ ŋgwàʼ yee lèn rə̀n wìy shaà e dzə̀m, a bó vinyo ve m suuy vìn vi koóy vidzə̀m.

1 Timoti 3:16

A dzə̀ vèsən wàa binsí ji kinyo ke toʼon Nyùy, é bo vèsən kiíy mo dzə̀ á ghvə̀m wun kìn kí dzə̀ rú kinəə́nén. A kí dzə̀ jii: Kristu‑uù wìy, e lì mbom wìr, Kiyoy ke Ranén kí bínsí wun, nshèelav se Nyùy si kfən yèn wun. Á wáa fìʼtì woŋ sidzə̀m mo wù dzəə̀n, wíri wáa way shilív é wùn wó virə́ʼ vidzə̀m. Nyùy kfən lì wun, e kòʼór e wùn ghaŋ.

Efesor 3:19

Á mo m lón ji vèn ku kìíy a mo Jesus Kristu koŋ ven. A bó yòʼ fə̀m dzə̀ wìr kìíy, e dù, e màysì. Vèn kiiyì, é wun woo Nyùy nèn a dzə e věn meliv, a dànèr ven, é vèn wáa yiì vinyo ve wù koŋ vidzə̀m.

Lim Aŋgàa Ntum 1:9

Wù suúy bey, Nyùy ku nèn lì wun e yuv, aáwune yéné. Wù kóʼ, e làynìn e mvə̀m mbàʼ.

Hibru 8:1

Tím kinyò ke vèsən kì fer ki nén a dzə jii, Jesus dzə̀ rú á taà cù wòsən wo kuʼùn wo wù gheenen féyì. A wù sì a dzə̀ é yuv wùn Nyùy, dzə́ e Nyùy ghaa kàvàʼ, e koy yìyí.

Lim Aŋgàa Ntum 3:18

Ke kí dzəə̀n kí dzə̀ jii, mo Nyùy‑iì yiìn, aŋgàa ntum vəə́ wáa fìʼtì fo ghan ji *Mfə̀ə́r kù‑uù wíy yen ŋgeʼ, wù nèn yiì, kinyo kee shooy ki shémsín é dzəə fóo fèy.

Lim Aŋgàa Ntum 2:33

Nyùy nèn kfə̀n kòʼór wun, e dzə̀ʼə̀r e wùn koy yìyí, e fò Kiyoy ke Ranén kí shó mo wù‑uù kàʼàn. A vinyo ve vèn yén lèn, kfə̀n yú vìn vi dzə̀ Kiyoy kee shooy mo Jesus foon sá e wír vəə́.

Lim Aŋgàa Ntum 1:11

Á yòŋ jii, «Wír veé Galeli vìn, vèn tíy, kíy ka fó yuv? Jesus və̀n wo wù màʼtìn ven lán, e kòʼ é yuv kù wíy kfən réŋréŋ mo vèn yenen, a wù kóʼó.»

Joon 19:36

A vinyo vee shooy vi‑iì kooy bèy ji vinyo ve vé‑eè saŋen é Ŋwàʼ Nyùy vi fiʼ ghèén. Vé‑eè sàŋ jii, «Bó á yòʼ wíy beʼ kighvə́r kfə́ kimòʼón gheéy.»

Joon 19:28

Jesus suúy vinyo vìn, e màysì, a wù kiíy ne ji wun màysì ne vinyo və́ lèn a vidzə̀m, wù nèn lò, e sùúy jii, «Kilòŋ kí yúm mo.» A wù suuy bèy ji kinyo kee shooy ke vé‑eè saŋen é Ŋwàʼ Nyùy ki fiʼ ghèén.

Joon 19:24

Á nèn sùŋnín jii, «Lá vèsən yòʼ sàr. Vèsən wáa tsəm a dzə̀ kàŋ sho, a yen wír wo wù yíi yòv.» A kí‑iì kòóy bey ji kinyo ke vé‑eè saŋen é Ŋwàʼ Nyùy ki fiʼ ghèén. Vé‑eè sàŋ jii, «Vé‑eè lì ndzə̀y sém, e jàv, e lì kikúm kém, a tsəm kàŋ sho.» Ku nèn a dzə kíwun ke vé rər víyi‑iì yiìn.

Joon 1:16

Mo ŋgaàŋ wìyìn, vèsən adzə̀m nén a yu vijuŋ, bìʼ fo wù kòŋèn vèsən, e bùʼ e vijuŋ vi, e tòm e mbùʼmé.

Ŋwàʼ Luk 24:44

Wù nèn lò, e sùúy aáwune jii, «Kinyo ke vèn yenen lán kìn ki dzə̀ ke mò‑oò suuy e vèn, a vèsən dzə̀ə́. Mò‑oò suuy jii, vinyo vidzə̀m ve vé‑eè saŋen é Ŋwàʼ Nsər Mooser, e sàŋ é Ŋwàʼ Aŋgàa Ntum Nyùy bìʼ mo, e kfə̀n sàŋ é Ŋwàʼ Nsùyrì Nyùy Nyùy vi kù kér fó wìy gheén.»

2 Korin 12:2

Yì‑iì dzə̀ é bǎm kiya nshòv sikweè e ghvə̀m, Nyùy lì wir Kristu və̀n e ntoò yùv fo wù dzə́. Kìn wù‑uù lì mo wù dzəə̀n ben, kìn wù‑uù lì a dzə̀ kiyoy, bo bó m yòʼ kì. Kù kì wun woo Nyùy.