Efesor 4:1 - ŊWÀʼ NYÙY

¹ Mo woo Por wo m lim sháŋ bìʼ kinyo ke Tàr wòsən Jesus Kristu nén a lon jii, vèn kú a ker dzəʼə̀m a dzə̀ yé wìr Nyùy mo wù‑uù liìn ven ji vèn wáa dzə.

Efesor 4:1 Referans Kwoze

Kolosia 1:10

Vèn kiiyì, é vèn nèn a dzə mo dzə̀ wír Nyùyi wàa dzə, a yiì kinyo a dzə̀ ke kí wáa bòŋ wún Nyùy. Vèn yíi a yiì vinyo ve juŋ vi vidzə̀m, e kfə̀n màysì a kiíy mo wun woo Nyùy dzəə̀n, a dù duùn fó mbìy.

Filipi 1:27

Á bèy lèn, kinyo ke vèn wáa yiì ki dzə̀ jii, vèn wáa ker liì a dzə̀ á wo wìr ve á jumrì rú kinyo ke Jesus Kristu. A ke m taʼ ki dzə̀ jii, kìn m wìy fo vèn, kìn bó m yoʼ wìy, m kù a yu a ji vèn tíy kitávín, kér shilív shimòʼón, e kfə̀n a yu ji vèn wày vifií, a fùnèn kinyo kimòʼón cáʼ ji sáʼka Nyùy wo juŋ wáa dù fo mbìy, é wíri wáa biimé.

1 Tesalonika 2:12

vèn wáa ker a liì wo wù gheenen Nyùy. A dzə̀ wun woo Nyùy wo wù liìn ven ji vèn wáa dzə e wùn mvə̀m saʼ, e nəə́ sa e wùn mvə̀m vijùŋ.

2 Pita 1:3

Dzə̀ Taàtá wòsən və̀n wo wù‑uù yiìn, é bo vèsən kiíy Nyùy wo wù‑uù liìn vèsən ji wír və́, aá fiʼ nə̀ə́ e wùn mvə̀m vijùŋ, a ker liì a dzə̀ və́ə. Mo vèsən kiiyin ne wun, wù nen fò vitaáví və́ ve ghaʼán ví e vèsən, á kiíy mo dzə̀ á wàa tiír kiwuú dzə́ə sidzə̀m, a ghan moo wír və́.

2 Timoti 1:9

Wù‑uù tìn vèsən fó lòn, á lùŋ, wù lì vèsən ji və́ vee wír. A bó wù yòʼ‑oò li bìʼ kinyo kímóʼ kí ke vèsən‑eè yiìn. Wù‑uù lì a dzə̀ mo kù‑uù sìysìn wun fo yàŋgùʼ ji wun wíy tatí vèsən à Jesus Kristu, e bùʼ ji wír və́.

1 Korin 4:16

M nén a lon ji vèn kú a tiír sa kiwuú kén á mo m tiir kém.

2 Tesalonika 1:11

Vèr lóo kuumé kinyo ke kí wíy koóy e kishiíy fóo fèy, vèr nèn a bùnrì ghán sidzə̀m, a lon jii, Nyùy wòsən ku yiì, é vèn gheén á fó a dzə wír və́ vé ruú mo wù‑uù liìn ven ji vèn wáa dzə. Vèr kfə́n a lon ji wù fó ven vitaáví, é vèn maysi, e yiì a vinyo ve juŋ vi ve vèn taʼ, e yiì vidzə̀m, e kfə̀n màysì lim ye vèn wayin shilív e Nyùy wùn, a yiì rə̀n.

Efesor 4:17

Ke m tír ven shó e Tàr wòsən Kristu yir kí nén a dzə jii, lá vèn yòʼ dzə́ə a dzə, a yiì a moo wír ve bó á yòʼ kiìn Nyùy. Áwune yòʼ kì fo á dzəə̀n.

Kèʼlo 17:1

Abram meé kiyá nshòv bvə̀ʼə̀ e mbvə̀ʼə̀ (99), Nyùy Tàr wìy fo wun wùn, e sùúy sho jii, «M dzə̀ Nyùy woo Ŋgaà Vitaàví Vidzə̀m. Á yunín mo, a yiì vinyo vee tìítiy vi, a dzə là nsem,

Ŋwàʼ woó Rom 12:1

Afə̀r vem, mo Nyùy rə́si shám vèsən é ŋàŋ ben, m nén a lon feyì jii, vèn ku tàtí vitú vén adzə̀m, e fò e Nyùy, a dzə, a yu a dzə̀ fo wun. Vèn ku yiì bèy ji vèn wáa dzə a moo kifá ke á liìn, e cù Nyùy sho, wù wáa yu vijuŋ. Á dzə́ə yee réŋ ye dzə̀ vèn fò melív men e Nyùy, a bùnrì fo fo.

Kolosia 2:6

Mo vèn biimen ne ji Tàr won sì Jesus Kristu, vèn ku nèn a yiì vinyo a dzə̀ vé wìr ve dzəə̀n və́.

1 Pita 3:9

Wìr fə́m yii kinyo ke bi kí e wìr, lá ŋgaàŋ yòʼ siìr kinyo kee shooy. Wìr kuu wír, lá ŋgaàŋ yòʼ siìr. Kinyo ke dzə̀ vèn wàa yiì ki dzə̀ jii, wìr kuu wír, wù kù a lon cáʼ ji Nyùy shám ŋgaàŋ. Vèn wáa kuumé ji Nyùy‑iì lì ven ji və́ vee wír bèy, ji wun fiʼ shàm ven.

2 Korin 6:1

Vèr nén a boòrì ven moo wír ve vèr à Nyùy tatin wó, a lìm lim rə́ jii, lá vèn yòʼ màʼày kilíŋ ke wù bùʼùn ven shó kìn, é kí lay á kisáŋ.

2 Joon 1:5

Kii wò Yìy à Wíri, m nén a lon ji vèn à wóné ku nèn a lèm a nsər ye yì dzəə̀n ji vèsən wáa kòŋnìn. A bó yòʼ dzə̀ nsər ye fíy yìmòʼ, kù dzə̀ yìwun ye vèsən‑eè sí yú, e kèʼ mo vèsən‑eè yuun kinyo ke Nyùy.

1 Pita 5:10

Vèn wáa kiíy ji vèn kù yén ŋgeʼ rə̀n a dzə̀ fó shintàm, é Nyùy wo wù rə́si shám ven ku nèn fə̀ə́r ven fó fo. Wù‑uù lì ven, e tàtí vèn à Kristu ji vèn fíʼ wìy nə̀ə́ e wùn mvə̀m vijùŋ vee là may, a wù kù wíy a leéy fo vèn, a tom ven, é vèn wáa tiy kitávín, é la wìr yòʼ a sə̀ʼ.

1 Pita 2:11

Ŋkàr sem, vèn wáa kuumé ji vèn dzə̀ viŋgwìy, a vèn bee beèn é ndzə fèn. M nén a lon jii, lá vèn yòʼ a yu fo věn mensə me mè tíy a dzə̀ é vinyò veé ndzə fèn, funèn melív men me vèn tiirin e Nyùy wùn.

Hibru 13:21

Nyùy ku fò ven vifá ve juŋ vi vidzə̀m, é vèn wáa yiì vinyo və́ shó. Wù ku yiì, é Jesus Kristu wáa sə ven, é vèn wáa yiì a dzə̀ vinyo ve ví boŋ wun woo Nyùy. Á kú a burí Kristu ghán sidzə̀m, là may. Amen.

Filipi 3:14

M nén a leʼ tìítiy, a dù a dzə̀ fo á du, e seéy, e fíʼ so vinə́ŋsí ve Nyùy kàʼàn vèsən shó, a dzə̀ dzəʼə̀m ye wù wíy fo vèsən é yuv bìʼ kinyo ke Jesus Kristu‑uù yiìn fo vèsən.

Efesor 5:2

Vèn lóo yiì vinyo vidzə̀m, á kù a tiír a dzə̀ koŋ fo mbìy réŋréŋ mo Kristu‑uù kòŋèn vèsən, e fò kitú kfə́ ji wun fíʼ taŋrí vèsən, Nyùy biímé ntàŋrí woo shooy.

Efesor 4:4

Vèn wáa kuumé ji kintatì ke wìr Nyùy ki kù jòʼsì kitú kimòʼón, a dzə̀ ji wún Kristu. Kiyoy ke Ranén kí jóʼsí sá kimòʼón, a kù dzə̀ sá mo vèsən adzə̀m shiy kifá kimòʼón, a dzə̀ vijuŋ ve Nyùy‑iì liìn vèsən ji á wìy nə̀ə́ sho.

Efesor 3:1

Mo Nyùy liìn ne ven sá ji və́ vee wír, m nén a bùnrì fo vèn ghán sidzə̀m. A dzə̀ mo woo Por wo m lim sháŋ, bìʼ fo m fiʼtì kinyo ke Jesus Kristu a dzə̀ e vèn ve bó yòʼ dzəə̀n wír veé Isray.

Galatia 4:12

Afə̀r vem, kii vèn, vèn ku bìʼnìn a dzə̀ mo, e yiì mo mò‑oò yiìn, e kfə̀n mo vèn‑eè dzə́ fo mbìy, a bó vèn yòʼ sí tíy e nsər ji á fíʼ gheén fo Nyùy. Bó vèn yòʼ‑oò yiì ne yiì kinyo ke kí nyár mo moo kin gheéy.

Kèʼlo 5:24

Mo wù‑uù yúnin Nyùy, ghán e wun mbòv bey, wù nèn sàsìn, e lày làyìn, a lí Nyùy wun.

Hibru 3:1

Afə̀r vem, mo vèn siìn wír Nyùy, a lì wun ven ji və́ vee wír, vèn kú a kuumé wír wo dzəə̀n Jesus. Dzə̀ wun wo Nyùy‑iì tumen, wù wáa dzə taà cù wòsən wo kuʼùn fó kinyò ke Nyùy ke vèsən tíy sho.

2 Korin 10:1

Mo woo Por, m kì ji wír ámóʼó lo, á wàa suúy a jii, m lóo saŋ kinyo, a m dzə̀ fó səné, m wàa ghàŋtì shuu, mee fo si, m wàa boòrì a lám. Mo woo shooy, m nén a boòrì ven ji weè, mo Kristu kù yii boorì, a suúy jii,

Jeremia 38:20

Jeremia bìnèr jii, «Á yòʼ wíy way a fon e wír vee shooyí wo. Kí dzə̀ á ji fòn ku yùnín a dzə̀ á kinyo ke Nyùy Tàr ke m tiisin á e wun, é vinyo ve fòn vi nèn wìy a ghan a kijuŋ, é dzəʼə̀m fòne wáa dzə a e kiŋsìn.

Titur 2:10

e làa yòʼ a shwìvìr kifá. Áwune kú a yiì vinyo tìítiy, a dìn ji áwune dzə̀ á wír vee réŋ. Á lóo yiì bèy, é wíri nèn a yen duŋrì ye vèsən duŋrì kùm Nyùy wo wù luŋèr vèsən ji kinyo.

Kolosia 4:12

Epafar wo dzəə̀n wír woo věn kintatì, shaʼtì sa ven. Wù lim sa kitávín fo Jesus Kristu. A wù yii kuúme ven ghán sidzə̀m, bunrì ji Nyùy ku yiì, é vèn wáa tiy kitávín vèn à Nyùy, e màysì a dzə ji wír və́, a kiíy kinyo ke wù taʼ ji vèn wáa yiì, a tiy a dzə̀ shó.

2 Korin 5:20

Vèr nén a ghan ji ŋkùvtu wun woo Kristu, wáa dzə mo jaŋ Nyùy ven. A vèr boorì ven e Kristu yir jii, vèn ku wìy, é Nyùy mán á ajay vén, é vèn áwune kfə́n kijuŋ.

Lim Aŋgàa Ntum 9:31

Wáa dzə e ghan sin, a vintatì ve wìr Jesus vi sí yoyrì fo ŋgeʼ e wòŋ woo Juda, wùn à woo Galeli, à woo Samaria. Vintatì vi nèn màysì, e tùúy, a ghvəm Nyùy, a yu a dzə̀ fó fo, Kiyoy ke Ranén kí wáa lùmèr melív me wíri, kintatì ki wáa kuy.

Ŋwàʼ woó Rom 11:29

A kí dzə̀ bey bìʼ fo Nyùy yii li wír, la wù yòʼ kfə̀n màʼày. Wù kaʼ wír e kinyò, wù kù yiì kíwun.

Efesor 2:10

Ke kí dzəə̀n kí dzə̀ jii, yì‑iì tàtí Nyùy vèsən à Kristu ji vèsən wáa dzə, a yiì a vinyo ve juŋ vi. A vinyo vìn vi dzə̀ ve wù‑uù yiìn ne sìysì fo ŋgùʼ ji vèsən wíy lòo dzə, aá wáa yiì.