Efesor 3:5 - ŊWÀʼ NYÙY

⁵ Yì‑iì dzə̀ fó mbìy, a bó Nyùy yòʼ‑oò lo dìn kinyo ke wù‑uù sìysìn kin ji wíri kiíy. A wù tùm ne Kiyoy kfə́ lèn, kí dín a dzə̀ áàŋgàa ntum Kristu ve wù shavin jeéy, á wáa yu kinyo fo wun woo Nyùy shùu.

Efesor 3:5 Referans Kwoze

Ŋwàʼ Jud 1:17

Ŋkàr sem, vèn kú a kuumé a dzə̀ vinyo ve aŋgàa ntum Taàtá wòsən Jesus Kristùu‑uù suuy fo ghan ji ví wíy koóy vi.

2 Pita 3:2

A m taʼ ji vèn wáa kuumé a vinyo ve aŋgàa ntum Nyùyi‑iì suuy fo ŋgùʼ ji ví wíy a koóy vidzə̀m, e kfə̀n a kuumé kinyo ke aŋgàa ntum Jesuse‑eè fiʼtì e vèn ji Taàtá wòsən wo wù‑uù tinen vèsən fó lòn‑eè suuy ji vèsən wáa yiì.

Efesor 2:20

A kfəə́ rə̀ne dzə̀ sá lav wun woo Nyùy ye wù bóm e kinsə̀ŋ ke aŋgàa ntum Kristu ve á yú fo Nyùy shùu wayin. A kù dzə̀ Jesus Kristu tíy ye yí tóm kinsə̀ŋ kìn.

Efesor 3:9

Kí kfə́n a dzə jii, m naari kinyo kìn, é wìr dzə̀m kiíy á ji Nyùy sí li wír ve bó yòʼ dzəə̀n veé Isray sa lèn ji və́ vee wír. Kù‑uù sìysì wun woo Nyùy wo wù‑uù bomen vifá vidzə̀m kinyo kìn fo ŋgùʼ, e lìtì, la wìr yòʼ kìíy, e shem lèn.

Lim Aŋgàa Ntum 10:28

wù suúy aáwune jii, «Vèn kì sá kijuŋ ji dzə̀ nsər fo wìr woó Juda tátí wùn wìr kitum ke sən kí, bo taaka ji wù nəə́ e ŋgaàŋ lav. Yii bèy, a Nyùy dìn ne e mò ji lá m yòʼ a nyaŋsí wír wùmòʼ ji ŋgaà *kifàn.

Ŋwàʼ Luk 10:24

Vèn wáa kiíy jii, *aŋgàa ntum Nyùy anín wùn aàfone‑eè sí diy feyì ji á yén vinyo ve vèn yén vìn, e kfə̀n yù ve vèn yú, e làa yòʼ a ker dzə́ə.»

Joon 14:26

Yii bèy, Tàr wor wíy tum Ŋgaà Sə wo dzəə̀n Kiyoy kfə́ fo vèn e mǒ yir, é wù wáa naàrì ven vinyo vidzə̀m, a yiì, é vèn wáa kuumé vinyo ve mò‑oò suuy e vèn vidzə̀m.

Matio 13:17

Vèn wáa kiíy rúrú jii, *aŋgàa ntum Nyùy wùn à wír Nyùy ámóʼó aníne‑eè sí diy feyì ji á yén vinyo ve vèn yén lèn vìn, e kfə̀n yù ve vèn yú, e làa yòʼ a ker dzə́ə.

Ŋwàʼ woó Rom 16:25

M nén a way ven a dzə̀ e Nyùy kiwo. Dzə̀ wun wo dzə̀ wù yiì, vèn wàa tiy kitávín, e màysì, e wày shilív e wun wùn. A dzə̀ mo sáʼka Nyùy wo m fiʼtì wùn à vinyo ve á fiʼtì kùm Jesus Kristu vidzə̀m vi limè. Nsàv kinyò ke Kristu rə̀n‑eè dzə̀ é kilìr, e kèʼ fo yàŋgùʼ.

Joon 16:13

Wun woo Kiyoy ke Ranén kí wíy wìy, é wù yii, é vèn kiíy vinyo ve dzəə̀n ve ru ví vidzə̀m, bìʼ fo kù yii din wun kinyo ke dzəə̀n ke ru kí. A bó wù yòʼ wíy a suúy kinyo ji suuy wun. Wù kù wíy a tiisí a dzə̀ kinyo ke wù yú, a fèr ven vinyo ve ví dzəə́ wìy a koóy.

Matio 23:34

«Vèn yuúrí, m wíy tum wír ve á wáa yu kinyo fo Nyùy, a fìʼtì e vèn, e kfə̀n tum ve dzə̀ á dùŋrì kijuŋ, e tum sa wír ve Nyùy foon vifií aáwune. Aá wíy wìy, é vèn wáa ta ámóʼó é vintam, a yuyrí ámóʼó yuyrín, a koo ámóʼó é ŋgày se bùnrì, a buʼ, a ròn wuú wìr vìn ntèʼ sidzə̀m.

Ŋwàʼ Luk 11:49

Á kinyo ke kí‑iì yiìn, bo Nyùy woo Taà Vifiì suúy jii, ‹M wíy tum aŋgàa ntum vém fo áwune, aá yúyrí ámóʼó, a nə̀ʼsì ámóʼó.›

Aysaya 52:15

Mo vé‑eè méŋnin wun, kù dzə̀ mo vitúm vinín vi wíy a leéy wun lèn, a ker gháʼ. Afone wíy a leéy wun, é shúu wáa ma áwune. Kí dzə̀ jii, kinyo ke á yòʼ‑oò yiì ne fìʼtì aáwune, aá yén mo kí dzəə̀n, é ke áwune yòʼ‑oò yiì ne yù, aá kiíy mo kí dzəə̀n.»

1 Korin 2:10

Nyùy nèn yiì, Kiyoy kfə́ kí wáa dìn kinyo kee shooy a dzə̀ e vèsən. A kù dzə̀ Kiyoy kfə́ kin ke kí yii tar vinyo vidzə̀m, a fə̀m dzə̀ kinyo ke kí dzəə̀n e Nyùy sar bvə̀m.

Matio 20:7

Á bìnèr jii, ‹Bó wìr yoʼ lò fò ver lim ye vèr wáa lìm.› Wù nèn sùúy e wír vìyi jii, ‹Vèn du ri, a lìm sa e mǒ sum.›