Efesor 3:4 - ŊWÀʼ NYÙY

⁴ A vèn yíi lòo yòŋ ŋwàʼ və̀n, é vèn nèn yù réŋréŋ mo m kiìn kilìtì ke kinyò ke Nyùy‑iì sìysìn ji Kristu wíy yiì kìn, e dù, e meé.

Efesor 3:4 Referans Kwoze

Kolosia 4:3

Vèn kfə́n a bùnrì sa fo vèr, a lon ji Nyùy ku fò ver kintóʼ ke juŋ ki, é vèr wáa fìʼtì a kinyo kee kùm Jesus Kristu ke kí‑iì dzəə̀n é kilìr. A m dzə̀ é sháŋ lèn bèn a dzə̀ bìʼ sáʼka woo shooy.

1 Korin 4:1

Vèn kú a yen ver ve á yéʼey ven ji aŋgàa lìm Jesus Kristu ve Nyùy wayin vinyo və́ ve ví‑iì dzəə̀n é kilìr e věr kiwo.

2 Korin 11:6

A vèn fə̀m yén ji bó m yòʼ kì kisúŋnìn, bo m kì kijuŋ feyì mo kinyo ke m fiʼtì ki dzəə̀n. A m kì ji vèn kù rə́si yén saa bèy.

1 Timoti 3:16

A dzə̀ vèsən wàa binsí ji kinyo ke toʼon Nyùy, é bo vèsən kiíy mo dzə̀ á ghvə̀m wun kìn kí dzə̀ rú kinəə́nén. A kí dzə̀ jii: Kristu‑uù wìy, e lì mbom wìr, Kiyoy ke Ranén kí bínsí wun, nshèelav se Nyùy si kfən yèn wun. Á wáa fìʼtì woŋ sidzə̀m mo wù dzəə̀n, wíri wáa way shilív é wùn wó virə́ʼ vidzə̀m. Nyùy kfən lì wun, e kòʼór e wùn ghaŋ.

Kolosia 2:2

A m ghitìr bèy ji Nyùy wáa tavír melív men, a yiì, é vèn maysi, e suùsín, a dzə a kitú kimòʼón. A m taʼ ji vèn gwarir kinyo kidzə̀m ke Nyùy‑iì sìysìn, e tìír e Kristu wùn, kí wáa fəəsín a dzə̀ lèn. Vèn kiiy kijuŋ mo kí dzəə̀n, é la vèn yòʼ dzə́ə a meŋnín kímóʼ kí gheéy.

Efesor 6:19

Vèn kfə́n a lon sa fo mò jii, m lóo fìʼtì kinyo ke Nyùy, m kù a ker kiliímé ke juŋ ki, a fìʼtì sáʼka və wo juŋ tèéter, aá wáa yu, a kiíy kinyo ke sáʼka woo shooy wìyìn shó, a bó wìr yòʼ‑oò kì fó mbìy.

Efesor 5:32

Vé‑eè sáŋ bèy, a kinyo ki dzə̀ é bàm wó ke bó á yòʼ‑oò kiìn, a m yén ji kí fiʼsìn kinyo ke Kristu wùn à kintatì kfə́ kí.

Efesor 1:9

Wù yiì ne lèn, vèsən kiíy kinyo ke wù‑uù yiìn ne sìysì fo ŋgùʼ, e tìír e Kristu wùn kin, a kí‑iì dzə̀ é kilìtì, la wìr yòʼ a kiíy. A wù‑uù ghàn a dzə̀ é dzəə̀ vifiì, e bóo dìn, é vèsən kiíy, bìʼ fo wù kiìn mo vifií vé wìr vi dzəə̀n.

Ŋwàʼ Luk 8:10

Wù suúy aáwune jii, «Dzə̀ ven vin ve Nyùy yiìn ne, vèn kiíy vinyo ve saʼ rə́ ye yí dzəə̀n é kilìr. Yii bèy, a wír ámóʼó yú kév cáʼcáʼ ji ŋgàn. A kí dzə̀ bey ji kí fíʼ a dzə mo kí‑iì dzəə̀n jii, ‹Áwune lóo leéy, é la á yòʼ a yen kinyo ke kí dzəə̀n, lóo yuurí, é la á yòʼ a yu nsàv.› »

1 Timoti 3:9

Á kù kér fó a tiy shilív shimòʼón e kinyò ke ru kí ke fəərin Nyùy, bo vèsən kiíy.

1 Korin 13:2

A Nyùy fə̀m bùʼ mo ji m wáa yu kinyo fo wùn shuù, a tiisí e wíri, a kiíy vinyo vidzə̀m, e kfə̀n a kiíy ve ví‑iì dzəə̀n é kilìr, a way shilív ji dzə̀ Nyùy yiì, m wàa shàʼàr agwan, a bó m yòʼ koŋ wíri, bo m lày kisáŋ.

Matio 13:11

Wù bìnèr jii, «Dzə̀ ven vin ve Nyùy yiìn ne, vèn kiíy vinyo ve saʼ rə́ ye yí‑iì dzəə̀n é kilìtì, a bó vísə vee wíri yòʼ kì.

Ŋwàʼ woó Rom 11:25

Afə̀r vem, m nén a tàʼ ji vèn kiíy á kilìtì ke kinyò ke kí dzəə̀n é bǎm kinyò fèn. Vèn kiiyì, é la á yòʼ a sùmrì wún ji vèn kòóy kilíŋ bèn, a sì á vifií. A kí dzə̀ jii, kùʼùn wìr veé Israyi tàv kitú, tèn kinyo ke Kristu lèn, a bó á yòʼ waà wíy ten ŋkuuŋkùŋ. Ghán sí wíy gheén, a wír ve Nyùy‑iì shoʼon fo vèn ve bó yòʼ dzəə̀n veé Israyi biímé ne adzə̀m, aáwune vee wír veé Israyi nèn gbù sa sho.

Ŋwàʼ woó Rom 16:25

M nén a way ven a dzə̀ e Nyùy kiwo. Dzə̀ wun wo dzə̀ wù yiì, vèn wàa tiy kitávín, e màysì, e wày shilív e wun wùn. A dzə̀ mo sáʼka Nyùy wo m fiʼtì wùn à vinyo ve á fiʼtì kùm Jesus Kristu vidzə̀m vi limè. Nsàv kinyò ke Kristu rə̀n‑eè dzə̀ é kilìr, e kèʼ fo yàŋgùʼ.

Efesor 3:3

Kinyo kee shooy ki‑iì dzə̀ é kilìtì, la wìr yòʼ a kiíy gheéy. Nèn ghèmrí wúnwun woo Nyùy kinyo kìn e mò, bo m kiíy réŋréŋ mo m kì shòyìn, e naàrì, e mèé fèn.

Efesor 3:9

Kí kfə́n a dzə jii, m naari kinyo kìn, é wìr dzə̀m kiíy á ji Nyùy sí li wír ve bó yòʼ dzəə̀n veé Isray sa lèn ji və́ vee wír. Kù‑uù sìysì wun woo Nyùy wo wù‑uù bomen vifá vidzə̀m kinyo kìn fo ŋgùʼ, e lìtì, la wìr yòʼ kìíy, e shem lèn.

Kolosia 1:26

Yì‑iì dzə̀ fó mbìy, a kinyo ke m fiʼtì kìn ki dzə̀ é kilìr, la wìr yòʼ a kiíy, e shem lèn, a Nyùy yiì ne, vèsən vee wír vəə́ kiíy lèn.