Efesor 3:1 - ŊWÀʼ NYÙY

¹ Mo Nyùy liìn ne ven sá ji və́ vee wír, m nén a bùnrì fo vèn ghán sidzə̀m. A dzə̀ mo woo Por wo m lim sháŋ, bìʼ fo m fiʼtì kinyo ke Jesus Kristu a dzə̀ e vèn ve bó yòʼ dzəə̀n wír veé Isray.

Efesor 3:1 Referans Kwoze

Kolosia 1:24

Yii bèy, á wày ne mo é ŋgeʼ lèn, bìʼ fo m fiʼtì kinyo kee shooy e vèn. A m shéʼri kee shooy shéʼrín, bìʼ fo m yén ŋgeʼ a dzə̀ fo kintatì ke dzəə̀n wún Kristu ki. Wù‑uù yèn ŋgeʼ sigháʼán, e bóo kèʼ kintatì kìn. M nén a yen kém ŋgeʼ lèn ji m maysi kinyo ke wù‑uù kèʼèn, é kintatì ki fíʼ tuúy.

Efesor 4:1

Mo woo Por wo m lim sháŋ bìʼ kinyo ke Tàr wòsən Jesus Kristu nén a lon jii, vèn kú a ker dzəʼə̀m a dzə̀ yé wìr Nyùy mo wù‑uù liìn ven ji vèn wáa dzə.

2 Timoti 1:8

Kí nén a dzə jii, lá à yòʼ a woomé fó kù a fìʼtì a ji kù dzə̀ vèn à Taàtá wòsən Jesus Kristu. A bó yòʼ dzə̀ sá, à wàa woomé fo mò wo m lim sháŋ bìʼ wun woo Kristu. Ku lì kitú ké ki ji dzə̀ à kù tàtí vèsən, e yèn sá ŋgeʼ mo Nyùy fó wò vitaáví ve dzə̀ à wàa yen sho, é sáʼka və wo juŋ fíʼ a sàmèr.

Efesor 6:20

Kristu‑uù lì mo ji ŋkùvtu və ji m wáa fìʼtì sáʼka wo juŋ və̀n, a m lim sháŋ lèn a dzə̀ bìʼ sáʼka woo shooy. Vèn ku nèn a bùnrì ji m ku yòʼ a fìʼtì tèéter, là fan, mo dzə̀ m kù a fìʼtì.

Filemon 1:9

Yii bèy, mo m kiìn ji à koŋ wír Nyùy e ŋàŋ, m nén a lon lonén ji à ku yiì a kinyo kee shoon a dzə̀ bìʼ koŋ yé. Áà wáa kiíy ji lón a mo woo Por wo m súŋnin moo ŋgàywìr e Jesus Kristu kinyò, a m kfə̀n lim sháŋ bìʼ wun.

Filipi 1:7

A dzə̀ m wàa kuumé ven bey, bìʼ fo vèn dzəə̀n tím yém, a vèsən tíy e kinyò kimòʼón, a dzə̀ ke Nyùy bùʼùn vèsən shó wír adzə̀m. Vèsən tíy sho lèn wo m dzəə̀n é sháŋ, a kù‑uù tíy vèsən é ghan se mò‑oò dzəə́ ghán, binèr fo sáʼka Nyùy wo juŋ, naarì mo wù dzəə̀n.

Filemon 1:1

Ŋwàʼ və̀ne sàŋ mo woo Por wo m lim sháŋ bìʼ kinyo ke Jesus Kristu. A sàŋ vèr fər wòsən Timoti fo wò woo Filemon. À dzə̀ ŋkar yer féyì, a vèsən tàtí, a lìm kinyo ke Jesus Kristu amòʼón.

Lim Aŋgàa Ntum 23:18

Wù nèn lì, e dù sho fo, e sùúy jii, «Por woo ŋgaà sháŋ sùúy ji m li wán və̀n, e wìy sho, é wù fer á kinyo e wò.»

Ŋwàʼ Luk 21:12

Vèn wáa kiíy ji bo vinyo vee shooy vi wáa koóy, á wíy a koorí ven, a nyàvrì sho, bìʼ fo vèn dzəə̀n wír vém. Á wíy a saʼ nsaʼ sén é ŋgày se bùnrì, a way ven é sháŋ. Kfə́n wíy lo, aá wáa tiír ven áàfone wùn à vitú ve bàràʼ ví si.

Filemon 1:23

Epafar wo vèr áwune dzəə̀n é sháŋ fen bìʼ kinyo ke Jesus Kristu shaʼtì wò.

Lim Aŋgàa Ntum 26:29

Por bìnèr jii, «Kìn mbìʼ dàr, kìn wù tsə̀mér, bo m lón kém fo Nyùy ji Fòn wùn à wìr dzə̀m wo wù yú kinyo ke m suuy lán wáa dzə moo mo. Yii bèy, é la á yòʼ kùr ŋgaàŋ aàsháŋé mo á kúr mo ben.»

2 Timoti 1:16

Yii bèy, Onesiforur yòʼ‑oò lo woòmé, e màʼày mo ji bìʼ fo m siìn é sháŋ. Nyùy ku laàmé wùn à kfə́ə rəə́ bìʼ kee shooy. Wù‑uù rə́si yii akàŋ anín, a m shéʼri.

Kolosia 4:18

Mo woo Por nén a saŋ lèn e kiwó kém kí, a shàʼtì ven, a suúy ji la vèn yòʼ a làysìn a ji m dzə̀ é sháŋ. M ku nèn a way ven a dzə̀ e Nyùy kiwo ji wù kú a kòŋ ven, a leéy a fo vèn.

Kolosia 4:3

Vèn kfə́n a bùnrì sa fo vèr, a lon ji Nyùy ku fò ver kintóʼ ke juŋ ki, é vèr wáa fìʼtì a kinyo kee kùm Jesus Kristu ke kí‑iì dzəə̀n é kilìr. A m dzə̀ é sháŋ lèn bèn a dzə̀ bìʼ sáʼka woo shooy.

2 Korin 11:23

A dzə̀ aŋgàa ntum Kristu, bo m dzə̀ wo mbìy, aá fə̀m yén ji m baá baán. M lìm ne kinyo ke Kristu, e shaà wír vìn adzə̀m, e kfə̀n lìm sháŋ fó fo akàŋ anín, e shaà áwune. Á tàm ne mo kàŋ là tóʼ, m méʼ kpú akàŋ anín.

2 Korin 10:1

Mo woo Por, m kì ji wír ámóʼó lo, á wàa suúy a jii, m lóo saŋ kinyo, a m dzə̀ fó səné, m wàa ghàŋtì shuu, mee fo si, m wàa boòrì a lám. Mo woo shooy, m nén a boòrì ven ji weè, mo Kristu kù yii boorì, a suúy jii,

Lim Aŋgàa Ntum 21:33

Kitú ke vé rər kiy ki dù, e ghàr Por, e sùúy ji á kúr á asháŋ abaà, e dzə̀r e wíri jii, sà dzə̀ la woo shoon a? Wù sà yèe le á?

Ŋgaà Yen 2:10

Vèn wáa kiíy ji ŋgeʼ símóʼ sí kù dzəə́ yiì a koóy a ven. Yii bèy, sí lóo koóy, lá vèn yòʼ a fàn. Satan sí yiì a mùm ven, aá wáa koorí wír ámóʼó fo věn mvəm, a way e sháŋ. A vèn wíy yen ŋgeʼ see shooy bèy, e meé kishiíy e ghvə̀m. M nén a tir ven jii, vèn kú a yu a dzə̀ fo mò, a fə̀m dzə̀ kpú, é m wìy nə̀ŋsí ven e dzəʼə̀m yee là mayi.

Efesor 3:13

M nén a suúy e vèn ji lá vèn yòʼ a leéy ŋgeʼ se m yén e sháŋ, bìʼ fo m fiʼtì kinyo ke Jesus e vèn, a weèy fo kinyò ke wù liìn ven shó. Mo m biimen ŋgeʼ sìn a dzə̀ bìʼ ven, vèn kú a sheʼrí mo shéʼrín.

Galatia 5:11

Afə̀r vem, a dzə̀ ji mò‑oò dzəə́ tíy e kinyò kee ji á kér fó saŋ mbèʼ se wìr, é bo wù gheén Nyùy, bo wír ve á suuy bèyi kù rə́si ron wúu yém lèn fo gha? Bo bó kinyo ke m fiʼtì ji vé‑eè yùyrí Kristu e kintam bìʼ ajay wíri kí yòʼ kfə̀n kì nyár wír.

Galatia 5:2

Vèn yuúrí ke mo woo Por suuy lèn ki. A vèn biìmé ji á kér fó a saŋ *mbèʼ sén, é bo vèn fíʼ a gheén fo Nyùy, bo dzə̀ ji kinyo ke Kristu‑uù yiìn kí lày ne a kisáŋ fo vèn.

Lim Aŋgàa Ntum 9:15

Taàtá Jesus bìnèr sho jii, «Ku dù fo. M shòʼ ne wír woo shooy ji ŋgaà wom lìm, é wù wáa fìʼtì kinyo kém e wír ve bó yòʼ dzəə̀n veé Israyi, e kfə̀n a fìʼtì aàfon véví, a fìʼtì sa e wír veé Israyi.

2 Korin 1:6

Aá nyavrì e vèr vee aŋgàa lìm Nyùyi ben, a biìmé wun woo Nyùy ji vèr fíʼ a sə ven, a rəə̀r melív men. Mo wù kù rəər melív mer, bo wù rəər a dzə̀ méen, bìʼ fo vèr kiiyin ne lèn mo dzə̀ vèr sə̀ sá ven fó ŋgeʼ se vèn yén réŋréŋ mo vèr yéné.

Galatia 5:24

Vèn wáa kiíy jii, wír ve dzəə̀n vé Jesus Kristùu kì kév á ji á kpù ne fo vinyò ve mensə́ mev mè kér shií shó ji áwune wáa yiì réŋréŋ mo Kristu‑uù kpuun é kintam.

Efesor 3:8

Wù‑uù fò lim yee shoon a dzə̀ e mò və̀n, mo wo m dzəə̀n bám fo wír vəə́ adzə̀m. Wù‑uù tùm mo ji m wáa ghan fo wír ve bó yòʼ dzəə̀n veé Israyi, a fìʼtì a nyanyày vijùŋ wo Nyùy fó e wír ve á tatin wùn à Jesus Kristùu adzə̀m.

Efesor 3:11

Aá yén lèn a dzə̀ mo Nyùy‑iì sìysìn fó ŋgùʼ ji Tàr wòsən Jesus Kristu wíy wìy, é wù yii, é vinyo vìn vi koóy vidzə̀m.