Efesor 2:5 - ŊWÀʼ NYÙY

⁵ Mo vèsən fə̀m‑eè kpuun fo wùn mbìv, bìʼ fo vé‑eè méŋ wun, wù ku yòʼ tàtí vèsən à Jesus Kristu, e fə̀ə́r fo kpu. A bó yòʼ‑oò dzə̀ vèsən lùŋ. Wù‑uù bùʼ vèsən búʼun.

Efesor 2:5 Referans Kwoze

Ŋwàʼ woó Rom 3:24

Yii bèy, mo Jesus Kristu wìyìn ne, e tìn wíri fó lǒn vinyò ve bi ví, a dzə̀ Nyùy lì áwune lèn adzə̀m ji wír vee là jay, é wáa dzə fómo wo wù buʼ áwune shó kisáŋ.

Efesor 2:8

Vèn ku nèn a kiíy ji Nyùy lùŋèr ne ven, ve vèn wayin shilív e Kristu wùn, a dzə̀ bìʼ fo wù shamen ven shámén. Bó yòʼ yiì ven gheéy. Wù bùʼ ven búʼun.

Ŋwàʼ woó Rom 5:10

Kí kfə́n a dzə jii, vèsən‑eè dzə́, yii vinyo ve bi ví, ban Nyùy bánen. Mo wù‑uù yiìn, Wan və kpú, e màn vinyo vee shooy, vèsən wáa dzə ŋkar sə́ lèn, bo dzə̀ vèsən wàa kiíy sa jii, mo Wan və fəən ne fo kpu, a wù kù yíi a dzə sho, bo wù kù wíy yiì sa, é vèsən luŋ, a dzə a vèsən à Nyùy.

Ŋwàʼ woó Rom 5:8

Mo Nyùy‑iì tumen Jesus Kristu, wù kpú a dzə̀ fo vèsən vee aŋgàa vinyò ve bi ví, kí nén a dìn mo wù koŋ vèsən é ŋàŋ.

Lim Aŋgàa Ntum 15:11

Ke vèsən biíme ki dzə̀ ji Nyùy luŋèr vèsən, a dzə̀ bìʼ koŋ ye Tàr wòsən Jesus‑eè kòŋèn vèsən, a wù kù luŋèr sa vee shooy vee wír réŋréŋ bey.»

Efesor 2:1

Yì‑iì dzə̀ fó mbìy, a vèn kpú ne fo Nyùy mbìv, bìʼ fo vèn‑eè dzə́, méŋ Nyùy, yii a dzə̀ vinyo ve bi ví.

Ŋwàʼ woó Rom 8:2

Mo m tatin vèr Jesus Kristu, Kiyoy ke kí fó dzəʼə̀m yee là may ki sí lim e mǒ wùn, a m sí yú lèn a dzə̀ fo rə́ə yee nsər. M bòy ne fo nsər ye yì‑iì lim e mǒ mensə, ŋáʼar vinyo ve bi ví, wáy mo wáyín é kpu.

Titur 2:11

Dzə̀ mo dzə̀ wír Nyùyi kù a yiì, bìʼ fo Nyùy dìnèn ne mo wù koŋ wíri, shám áwune, aá fíʼ lùŋ adzə̀m.

Efesor 5:14

Á kinyo ke kí‑iì yiìn, é bo á yoŋ kinyo kímóʼ kí jii: «Wò woo ŋgaà mbuùné, yìmène. Fəə́ fó sày ye à néŋ sho, é Kristu fó wò rán.»

Ŋwàʼ woó Rom 4:16

Kinyo ke kí yii, bo Nyùy wáa kàʼ wír e kifa a dzə̀ wo wù wáy shilív e wun wùn, kí dzə̀ jii, wun din á ji ŋkàʼmé və kù dzə̀ mbùʼmé, a wun buʼ wír sho kisáŋ, e kfə̀n a dìn sa jii, wù dzə̀ á fo wìr dzə̀m wo wù wáy shilív e wun wùn réŋréŋ mo Abraham‑eè wayin. A bó yòʼ dzə̀ fo wír ve á kér nsər se Mooseri cáʼcáʼ. A dzə̀ wun woo Abraham wo dzəə̀n tàr wòsən vee wír Nyùy adzə̀m

2 Korin 13:14

M nén a lon jii, Tàr wòsən Jesus Kristu kú a leéy fo vèn, é Nyùy wáa kòŋ ven, é Kiyoy ke Ranén kí tátí ven, aá wáa dzə amòʼón.

Titur 3:5

e tìn vèsən fó lòn, á lùŋ. A bó wù yòʼ‑oò luŋèr bèy ji vèsən‑eè yii a vinyo ve ví wáa gheén wun. Wù‑uù lùŋèr vèsən cáʼ bìʼ və́ə woo nshámmé. Wù‑uù sù vinyo vesən ve bi ví, e fò Kiyoy kfə́ ke Ranén kí, kí yiì, vèsən kfə́n ji wír ve á siìn afíy, a ker dzəʼə̀m ye fíyi.

Ŋwàʼ woó Rom 5:6

A kí dzə̀ jii, vèsən‑eè dzə́, aá kér lòn, a bó yòʼ dzə̀ vèsən sə̀ vitú vesən fó lòn foo fèy. Nyùy nèn sìysì, ghán sí gheén, wù túm Jesus Kristu, wù wìy, e kpù fo vèsən vee aŋgàa vinyò ve bi ví.

Ŋwàʼ woó Rom 16:20

Vèn lóo yiì bèy, é Nyùy wo wù yii, a melív mèsən mè dzə́ nyaáŋ, ku nèn màʼ Satan, é vèn kóʼ é kitu wo. M nén a shàʼtì ven, a lon jii, Tàr wòsən Jesus Kristu kú a kòŋ ven, a leéy a fo vèn.

Joon 6:63

Vèn wáa kiíy jii, kù yii fó Kiyoy ke Nyùy dzəʼə̀m yee là may e wìr, a bó yòʼ dzə̀ wìr wàa ker fo wùn vitaaví. A jí se m súŋnin e vèn sin si lo fo Kiyoy kee shooy ki, nén a dzə síwun se sí fó dzəʼə̀m yee là may.

Joon 5:21

Mo Tàr wov fəər wíri fó kpu, aá kfə́n atin, dzə̀ sá réŋréŋ mo Wàn luŋèr wír wo wù koŋè.

Ŋgaà Yen 22:21

Wun woo Tàr wòsən Jesus kú a kòŋ wír Nyùy adzə̀m, a leéy fo áwune.

Ŋwàʼ Luk 15:24

Mò‑oò kí ji wan və̀n kpù ne, wù kfə́n lèn, a wù dzə̀ e tin. Wù‑uù lày ne, bo m kfən yèn.› Wù suúy bey, á nèn kèʼ vinyo, a yikír, a dzən kidzə́n.

Kolosia 2:13

Yì‑iì dzə̀ fó mbìy, a vèn kpú ne fo Nyùy mbìv, bìʼ fo melív men mè kù‑uù yú a dzə̀ fo mensə́ men mè, e làa yòʼ a yu ké Nyùy gheéy. Wáa dzə lèn, a vèsən à Kristu tátí ne, Nyùy nen làysìn ajay vesən, e lì vèsən, e wày é dzə̀ʼə̀m ye fíyi.