Efesor 2:3 - ŊWÀʼ NYÙY

³ A kù dzə̀ mo vèsən adzə̀m‑eè dzəə̀n. Vèsən‑eè yú a dzə̀ mo mensə́ mè lim e vèsə́n wùn, a mè ŋáʼar melív mèsən, a vèsən kwaʼtì vinyo ve bi ví, yii mo ví gheenen vèsən. A vèsən‑eè yii bèy, li a dzə̀ lǒn Nyùy mo wír adzə̀me‑eè li.

Efesor 2:3 Referans Kwoze

Titur 3:3

Kú a kuumé ji vèsən‑eè ló a yiì saa kiyúŋ, a tav kitú, a jay vinyo. Vèsən‑eè fiìnè vitú vesən ji á wáa yiì mo á koó, a yi a dzə̀ kitú. Vèsən kù‑uù rə́si dzə́, kér a dzə̀ melív me bi mè, siíme kinsiimè, a vèsən à wíri bannìnè.

1 Pita 1:14

Vèn kú a yu a dzə̀ fo wun woo Nyùy, e làa yòʼ dzə́ə a yu a dzə̀ mo mensə́ mè lim e věn wùn, a yiì mo vèn‑eè rə́si yii, a bó á yóʼ ne kìíy Nyùy.

Efesor 4:22

Vèn maʼti ri liì wo vèn‑eè kér fo mbìy. Wù‑uù bìvír ven bívírín, bìʼ fo vèn‑eè wáy vifií a dzə̀ é vinyò ve mensə́ men mè lim, dom ven, a vèn yii.

Ŋwàʼ woó Rom 13:14

Vèn wáa yu a dzə̀ fo Tàr wòsən Jesus Kristu. Lá vèn yòʼ a yu a dzə̀ mo mensə́ mè báyri ven, fo mè ŋáʼár melív men, é vèn wáa yiì mo mè taʼà.

Ŋwàʼ woó Rom 6:12

Vèn ku nèn lì rì vitú vén ví bey, é la vèn yòʼ dzəə màʼtì, é vinyo ve bi ví wáa dànèr viŋgà vé wùn wo vèn dzəə́ kér lèn, é vèn wáa yiì vinyo ve mensə́ me mè lim sho mè taʼà.

Nsùyrì Nyùy 51:5

Rúrú, yè wor‑iì bóŋ bvəm yém, a m kù sì ŋgaà vinyò ve bi ví. Á wáa dzəə́ mo, a m kù sì é mvə̀m jay.

1 Joon 2:16

A vinyo veé ndzə vìn vi dzə̀ jii, wíri lo, á wàa yiì vinyo a dzə̀ ve mensə́ mev mè taʼà, yén vifá, á wàa siimé, e kfə̀n a yiì vinyo vímóʼ ví vinín ji á fíʼ a koʼór wún. A bó vinyo vee shoon vi yòʼ lo fo Nyùy gheéy, dzə̀ veé ndzə fèn.

Efesor 2:2

Vèn‑eè yú kinyo a dzə̀ ké fòn *anyùy, nèn yii kinyo a dzə̀ keé ndzə ye kér wun rə̀n. A dzə̀ wun wo wù sáʼ vifá ve ví ghán e shwer ji anyùy vidzə̀m, a ghán wun lèn, danèr wír ve á méŋ Nyùy adzə̀m, aá yii vinyo ve bi ví.

Joon 8:44

Tàr won dzə̀ Satan, a vèn nèn wáy vifií a dzə̀ é vinyò ve koŋ wóon woo tàr. Wù kù‑uù sì rim kèʼ fo ŋgùʼ, ban kinyo ke ru kí bánen, bìʼ fo wù yòʼ kér kinyo ke ru kí e wùn shiliv gheéy shishàr, e bó a dor. Wù lóo boʼtí kinyo, bo kù dzə̀ nóliì və, bìʼ fo wù dzəə̀n kfə́ ji ŋgaà kimboʼtì, a yì‑iì kèʼ wun kimboʼtì kidzə̀m.

2 Korin 7:1

Ŋkar sem, mo Nyùy kàʼàn vèsən é kinyò fèn, vèsən ku nèn a nyeŋ vinyo ve ví kóʼoy fo Nyùy vidzə̀m, kìn dzə̀ ke wìr kwaʼtì fo wùn shiliv, kìn dzə̀ ke wù yii yiìn. Vèsən ku fò vitú vesən a dzə̀ e Nyùy ŋkuuŋkùŋ, a ghvəm wun, a yu a dzə̀ fó fo.

1 Korin 4:7

A bó wò woo wír wo à tíy fo mbìy və̀n yòʼ fə̀m dzə̀ jeéy fo wùmòʼ. Vinyo ve à kiìn vidzə̀m vi yòʼ dzə̀ ve foon Nyùy e wò à? A dzə̀ à yèe, e bóo kfə̀n a ràʼsì wún shó, mo bó á yòʼ fò wò foón?

Ŋwàʼ woó Rom 7:18

A m kì ji mensə́ me mè lim e mǒ wùn mèn mè yòʼ dzə̀ mè wàa kòŋ kinyo ke ru kí gheéy. Shilív shém shí bínsi kinyo ji dzə̀ ke ru kí, m lo ji m yii, mensə́ mem mè shàʼnín.

Kèʼlo 6:5

Nyùy Tàr lòo leéy, e yèn, a liì kisaŋ wìr msòŋ gháʼ ne e kitu ke nsay, a wù kù sí kér a dzə̀ kwaʼtì kisaŋe e wun shiliv ghán sidzə̀m,

Ŋwàʼ woó Rom 11:30

Vèn‑eè dzə́ fo ŋgùʼ, táv kitú fo Nyùy. A vèn kòóy kilíŋ lèn, wù wáa sham ven, bìʼ fo wír veé Israyi loòn ne, e màʼày wun.

Ŋwàʼ woó Rom 9:22

Kù dzə̀ réŋréŋ sá mo Nyùy yii yii e wíri. Wù‑uù sìysì ne ji wun kù wíy dìn mo dzə̀ wun shwìíy kilòŋ fó vinyò ve wíri yii, aá yén mo wun kér vitaáví. Yii bèy, wù ku yòʼ kfə̀mén, a dzə, a leéy wír ve dzə̀ wù kù laàr vìy ji nyaáŋ.

Joon 1:13

A bó á yòʼ dzə̀ wón Nyùy ji vé‑eè dzə̀ə́ áwune bey mo wíri yii lóo dzə, á dzə̀ə́ wán. A bó yòʼ dzə̀ sá ji yì‑iì sìysì wír. Á dzə̀, bìʼ fo wúnwun woo Nyùy siìn Tàr wov.

Aysaya 53:6

Vèsən adzə̀me‑eè dzə́ fo mbìy, ján janén moo njiì wo wù jayin dzə́ə. Vèsən‑eè shwèy ne dzə́ə Nyùy, wìr wáa bìn e rə́ə yee dzə́ə. Yii bèy, Nyùy Tàr lí vinyo vesən ve bi ví vidzə̀m, e siìr e wìr və lìm və̀n kitu.

Ŋwàʼ Jov 25:4

A dzə̀ wìr msòŋ ghàn é le, e bó a dzə là jay e Nyùy si? Wír fo wìr, é bo wù wáa dzə là shilóm.

Ŋwàʼ Jov 14:4

A dzə̀ fə̀ə́r la kifá kee là *kifàn fo ké kifàn kí mvəm? Bó wìr yòʼ dzə̀ shó.

Kèʼlo 8:21

Kirəm ke cù ki rə́ʼtín, e ghèén Nyùy Tàr, wù suúy fo wun bvə̀m jii, «Bó m yòʼ dzəə́ wìy màʼ ŋgeʼ e kitu ke nsay bìʼ wir msòŋ. Kwaʼtì wìr msòŋ e dzə̀me kù sì yé kisaŋe, e kèʼ fo meterí. Bó m yòʼ dzəə́ wìy laàr kifá ke ŋeʼèn kí fó kitu ke nsay mo mò‑oò laàrìn.»

2 Pita 2:18

Aáwune kù wíy nəə́ fo bèy, bìʼ fo á ghaŋtì shuu, din vifií, a kù dzə̀ vé vinyò ve kisaŋ vi. Aá yéʼey bèy, nèn lévti wír ve á kù dzəə́ fəə́ fəə́n fo wír ve bó á yòʼ kiìn kinyo ke dzəə̀n ke ru kií mvəm, siir fo, bóʼti áwune ji dzə̀ á wàa yiì a vinyo ve mensə́ mev mè kér shií shó vidzə̀m.

2 Pita 2:14

Wìr yén wiíy, wù kù a leéy a dzə̀ e sí yímóʼó. Vifií vév ví kù tíy a dzə̀ é vinyò ve bi ví ghán sidzə̀m. Áwune yén wír wo bó wù yòʼ kiìn fo wù dzəə̀n, á nèn bòʼtí, e wày é kinyò ke bi kí. Shií wov kù dzə̀ ji á leeri wír, e kòóy kifá. Á yii bèy, a lǒn Nyùyi koò ne áwune.

1 Timoti 6:9

Yii bèy, a wíri lò, a tàʼ kév a dzə̀ vikuʼùy, bo á kù yíi to e kinyò. Á lo, á nèn shèm bám vinyò ve kisaŋ vi ve ví wáa bivír liì wov. A dzə̀ kitám ke mbàm mo á liìn shó, e bìvír vitú vév, e lày kisáŋ.

Galatia 3:22

Yii bèy, ke Ŋwàʼ Nyùyi din ki dzə̀ jii, wìr dzə̀m sí reŋ a vikwàn fó vinyò ve bi ví. A wú din bèy ji wíri fiʼ kìíy a ji kù mày wír ve á wáy shilív e Jesus Kristu wùn ve á wíy a ker ŋkàʼmé wo Nyùy‑iì kàʼàn, bìʼ fo wù‑uù kàʼàn a dzə̀ wír vee bey sho.

Ŋwàʼ woó Rom 1:24

Nyùy yén bey, e nèn màʼtì áwune, á wáa yiì joonè e dzə̀m wo melív mev mè tíy sho. A wìr yii wùn wùmòʼ woo wír, shoor vitú sho.

1 Joon 2:8

A Jesus‑eè ló a lèm nsər yee shoon, á wáa yen e fíy. Aá kfə̀n sí yén sa lèn mo vèn lemè. A dzə̀ yìwun ye m sáŋ fo vèn, a yì yénsin e fíy, bìʼ fo ndzə ye sənér sí shaa, a ye ranén wiyì.

Lim Aŋgàa Ntum 14:16

Wù‑uù màʼtì wíri fó ŋgùʼ, á wáa yiì mo á koŋè.

Kèʼlo 5:3

Adam meé kiyá kishóv mtaár e wiì (130), e dzə̀ə́ wán lumèn e wùn nshwìnín, wù wáa dzə rú moo wun, e shù yír ji Set.

Ŋwàʼ woó Rom 2:14

Wír ve bó yòʼ dzəə̀n veé Judàa dzə́, a bó á yòʼ fə̀m kì *Nsər Mooser, yii bèy, á lo, á kù yòʼ a yiì vinyo ve á yén ji ve ru ví a dzə̀ fo áwuné vitu, a kù dzə̀ víwun ve nsər suuy ji wíri wáa yiì. Mo á yii bèy, bo áwune sí lem sa nsər see shooy, a bó á yoʼ kìíy a dzə̀ fó ŋwàʼ.

Ŋwàʼ woó Rom 5:9

A wù lì ne vèsən lèn ji wír vee là jay, bìʼ fo Kristu‑uù foon kitú kfə́, e kpù fo vèsən. Vèsən nén a kiíy sa jii, mo Kristu‑uù yiìn kee shooy, bo wù kù wíy tin vèsən sáa fo ŋgeʼ ye Nyùy wíy màʼ e wírí kitu bìʼ vinyo vév ve bi ví.

Ŋwàʼ woó Rom 5:10

Kí kfə́n a dzə jii, vèsən‑eè dzə́, yii vinyo ve bi ví, ban Nyùy bánen. Mo wù‑uù yiìn, Wan və kpú, e màn vinyo vee shooy, vèsən wáa dzə ŋkar sə́ lèn, bo dzə̀ vèsən wàa kiíy sa jii, mo Wan və fəən ne fo kpu, a wù kù yíi a dzə sho, bo wù kù wíy yiì sa, é vèsən luŋ, a dzə a vèsən à Nyùy.

Kolosia 1:21

A kù dzə̀ mo kén kí dzəə̀n. Vèn à Nyùy‑iì jàvsìn, bìʼ fo vèn‑eè méŋ wun méŋén, yii a dzə̀ vinyo ve bi ví.

1 Tesalonika 4:13

Afə̀r ver, vèr kfə́n a tàʼ ji vèn kiíy rúrú mo kinyo ke wìr ve á kpukin ne ki dzəə̀n. Vèn kiiy bèy, é la vèn yòʼ dzə́ə a rə̀m moo wír ve bó á yòʼ leey fó mbìy, shiy kifá fo Nyùy.

1 Tesalonika 5:6

lá vèsən yòʼ a buuné moo wír vee shooy. Vèsən wáa kìʼ, a way vifií.