Efesor 2:2 - ŊWÀʼ NYÙY

² Vèn‑eè yú kinyo a dzə̀ ké fòn *anyùy, nèn yii kinyo a dzə̀ keé ndzə ye kér wun rə̀n. A dzə̀ wun wo wù sáʼ vifá ve ví ghán e shwer ji anyùy vidzə̀m, a ghán wun lèn, danèr wír ve á méŋ Nyùy adzə̀m, aá yii vinyo ve bi ví.

Efesor 2:2 Referans Kwoze

Efesor 6:12

Vèn wáa kiíy ji bó vèsən yòʼ maʼ rə́r a dzə̀ á vèsən à wìr msòŋ. Á maʼ a dzə̀ vèsən à vifá ve bi ví vidzə̀m ve ví ghán e shwer, yii vinyo e ndzə fèn. Vèsən funèn a dzə̀ *anyùy wùn à vitú vév vé saʼ vi. A kù dzə̀ áwune vin ve á sáʼ ndzə yee lèn ye yì sə́n dzə̀v rə̀n.

1 Joon 5:19

Vèsən kì sá ji vèsən dzə̀ á wón Nyùy, yii bèy, a wír ve dzəə̀n veé ndzə fèn adzə̀me dzə̀ kév e ŋgaà vinyò ve bi ví və̀y kiwo.

Efesor 2:3

A kù dzə̀ mo vèsən adzə̀m‑eè dzəə̀n. Vèsən‑eè yú a dzə̀ mo mensə́ mè lim e vèsə́n wùn, a mè ŋáʼar melív mèsən, a vèsən kwaʼtì vinyo ve bi ví, yii mo ví gheenen vèsən. A vèsən‑eè yii bèy, li a dzə̀ lǒn Nyùy mo wír adzə̀me‑eè li.

Joon 12:31

Á lèn wo wír veé ndzə fène yíi lì lòn, aá baʼ Fon wo wù sáʼ ndzə yee shoon fo kàvàʼ.

Efesor 5:6

Vèn wáa yen fo wìr wiy, a kìnèn ji vinyo vìn vi yòʼ dzə̀ ve bi ví, e boʼtí ven. Dzə̀ kfə́ə vinyò vìn ve ví yii, a Nyùy shwiiy kilòŋ fo wír ve á méŋ wune, a wù wíy màʼ ŋgeʼ sho.

Joon 8:44

Tàr won dzə̀ Satan, a vèn nèn wáy vifií a dzə̀ é vinyò ve koŋ wóon woo tàr. Wù kù‑uù sì rim kèʼ fo ŋgùʼ, ban kinyo ke ru kí bánen, bìʼ fo wù yòʼ kér kinyo ke ru kí e wùn shiliv gheéy shishàr, e bó a dor. Wù lóo boʼtí kinyo, bo kù dzə̀ nóliì və, bìʼ fo wù dzəə̀n kfə́ ji ŋgaà kimboʼtì, a yì‑iì kèʼ wun kimboʼtì kidzə̀m.

Efesor 4:22

Vèn maʼti ri liì wo vèn‑eè kér fo mbìy. Wù‑uù bìvír ven bívírín, bìʼ fo vèn‑eè wáy vifií a dzə̀ é vinyò ve mensə́ men mè lim, dom ven, a vèn yii.

1 Korin 6:11

Yì‑iì dzə̀ fó mbìy, a ven ámóʼó yii vinyo vee shoon. Nyùy nèn wìy sù vinyo vee shoon fo věn wùn, e lì ven ji və́ vee wír. A wù lèéy ne ji vèn sì á wír vee là njò, bìʼ kinyo ke Tàr wòsən Jesus Kristu wùn Kiyoy ke wun woo Nyùy ki‑iì yiìn fo vèn.

2 Korin 4:4

Ké wír vìn ki dzə̀, a sə̀tí Satan woo nyùy wo wù kér ndzə rə̀n lèn vifií vév fo á biíme sáʼka Nyùy wo juŋ. A bó yòʼ dzə̀ áwune yèn rán ye sáʼka Nyùy wìyìn shó, a kiíy mo Kristu dzəə̀n. Kristu, wo wùn Nyùy dzəə̀n kikúv kimòʼón.

1 Joon 5:4

bìʼ fo wír ve dzəə̀n wón Nyùy adzə̀me shaàn ne vitaáví vé vinyò veé ndzə fèn. Aá sò ne ndzə, bìʼ fo á wayin shilív e Jesus wùn.

1 Joon 3:10

Kinyo ke kí din jeéyjeéy fo wón Nyùy wùn à vé Satan ki dzə̀ jii, wír ve bó á yòʼ yii kinyo ke ru kí, a bó á yòʼ koŋ afə́r véví yòʼ dzə̀ á wón Nyùy gheéy. Vee shooyi dzə̀ vé Satan.

1 Pita 1:14

Vèn kú a yu a dzə̀ fo wun woo Nyùy, e làa yòʼ dzə́ə a yu a dzə̀ mo mensə́ mè lim e věn wùn, a yiì mo vèn‑eè rə́si yii, a bó á yóʼ ne kìíy Nyùy.

Ŋgaà Yen 20:2

Wù wìy, e koò kigàgǎʼsòŋ ke dzəə̀n yó ye yì‑iì siìn fó mbìy rə̀y, a yír rəə́ dzə̀ ji Satan, a dzə̀ Tavmènàŋ, e kùr e sháŋ və̀y kiyá nsə̀kì.

1 Joon 4:4

Wòn vem, vèn dzə̀ kén wón Nyùy, a vèn shaà ne aŋgàa kimboʼtì vìy, bìʼ fo Kiyoy ke Nyùy ke kí dzəə̀n e věn meliv kí shaàn Satan wo wù ghán e ndzə fèn.

1 Pita 4:3

A dzə̀ vèn wàa yiì bèy lèn, a kuumé jii, vèn‑eè jìvír ne ghán fó mbìy sinín, a rəsí, a yiì vinyo a dzə̀ vé wìr ve bó á yòʼ kiìn Nyùy. Vèn‑eè yii liì kisaŋ, à vilum, à vikìy, a dzə̀ mo mensə́ men mè limè. Vèn‑eè nó meluʼ, baákirì, yí vitú vén, ghán, yor e lav se melùʼ, kfə̀n maysì cu anyùy kisaŋe, a Nyùy‑iì shàʼnín ne.

Kolosia 1:21

A kù dzə̀ mo kén kí dzəə̀n. Vèn à Nyùy‑iì jàvsìn, bìʼ fo vèn‑eè méŋ wun méŋén, yii a dzə̀ vinyo ve bi ví.

Galatia 1:4

A Jesus Kristu və̀n‑eè lo biìmé kinyo ke Nyùy woo Tàr wòsən‑eè sìysìn. Wù‑uù fò kitú kfə́, bìʼ vinyo vesən ve bi ví ji wun fíʼ taŋrí vèsən, aá boy fó ndzə yee lèn ye dzəə̀n ye vinyò ve bi ví.

Ŋwàʼ woó Rom 12:2

Vèn wáa yen fo ndzə bóʼtí ven, é vèn wáa yiì vinyo ve wír veé ndzə fène yii. Vèn kú a yu a dzə̀ fo Nyùy, é wù sheŋri melív men, é vèn wáa kwàʼtì a dzə̀ vinyo və́. Vèn lóo yiì bèy, lóo yiì vinyo ve vèn yii vidzə̀m, é vèn nèn a kiíy mo Nyùy taʼ ji vèn wáa yiì. A dzə̀ ve ví dzəə̀n vijuŋ, e kfə̀n a dzə ve ru ví, a bòŋ wun.

Jeem 4:4

Vèn màʼày ne Nyùy, e kfə̀n moo wiíy wo wù ghán viŋkar. Bó vèn yòʼ kì jii, a wìr koò viŋkar wùn à vinyo veé ndzə fèn vi, bo wù sí ban Nyùy bánen a? Kí nén a dzə jii, wìr wo wù koŋ, a dzə ŋkar vinyò veé ndzə fèn, ŋgaàŋ lì ne kitú kfə́ á ji ŋgaà vibàn Nyùy.

1 Korin 5:10

Mò‑oò suuy bèy, a bó yòʼ dzə̀ ji vèn wáa nyeŋ a wír ve bó á yòʼ kiìn Nyùy, ve á yii kfə́ə vinyò vee bey, kìn ŋgaàŋ jaŋ kinjàŋ, kìn wù taʼ a dzə̀ kifàʼ, kìn wù shóŋ vishóŋ, kìn dzə̀ ji wù ghvə́m anyùy kisaŋe. A kí lò, a dzə bèy, vèn kù màʼtì ndzə rə̀n máʼtin.

Lim Aŋgàa Ntum 5:3

Pita nèn dzə̀r shó jii, «Ananiar, à biìmé, Satan nəə́ e wò shiliv, à wíy, a boʼtí Kiyoy ke Ranén kí ji ka?

Joon 15:19

A vèn kì dzə̀ wír veé ndzə fèn, bo wír veé ndzə fène koŋ ven ji vév vee wír. Yii bèy, a bó vèn yòʼ dzə̀ wír veé ndzə fèn. Mò‑oò shòʼ ne ven, e fə̀ə́r fo fo, wír veé ndzə fène nén a bàn ven.

Joon 14:30

A bó m yòʼ dzəə́ yìi rəsí, a suŋnín vèsən, a dù kwaʼda. Fòn wo wù sáʼ ndzə rə̀n sí wiyì. A bó yòʼ dzə̀ ji wù kér vitaáví ve dzə̀ wù yiì kinyo e mò.

Aysaya 30:1

Nyùy Tàr suuy jii, «Lòné dzə̀ wó wìr ve á tsə́y kóy vèr áwune. Áwune bá antaŋ a dzə̀ vév, bó yòʼ dzə̀ vém, gwar *mensaŋ wùn à wíri, a bó yòʼ dzə̀ mo m sìysìn. Á bèy, á nen kù a jay jay e wùmǒʼ kitu.

Ŋwàʼ Jov 1:7

Nyùy Tàr dzə́r e Satan jii, «À kì ghán ké fèé?» Wù bìnèr e Nyùy Tàr jii, «M kì ghán yá woŋ, du e mbìy, kfə́n e bàm, kóʼ e kùy, sə̀y e tsən.»

2 Pita 2:14

Wìr yén wiíy, wù kù a leéy a dzə̀ e sí yímóʼó. Vifií vév ví kù tíy a dzə̀ é vinyò ve bi ví ghán sidzə̀m. Áwune yén wír wo bó wù yòʼ kiìn fo wù dzəə̀n, á nèn bòʼtí, e wày é kinyò ke bi kí. Shií wov kù dzə̀ ji á leeri wír, e kòóy kifá. Á yii bèy, a lǒn Nyùyi koò ne áwune.

Joon 16:11

Mo fòn wo wù sáʼ ndzə rə̀n dzə́ lèn, a wù lí ne lòn, kí nen kfə̀n a dìn sa ji áwune jáy fó a meŋ lǒn vinyò ve bi ví.

Joon 13:27

Mo Judar səən kibán kìy, Satan ku nèn nə̀ə́ e wùn shiliv. Jesus suúy e Judar jii, «Dù ri cér, e yiì kinyo ke à kér fó yiì ki.»

Joon 13:2

Yiì lòo dzə e ŋkuùr wùn áwune yiì dzə̀ʼə̀m, a yikír, a Satan kì ŋàʼár ne shilív shé Judar Iskariyor wo dzəə̀n wan Simon ji wù wáy Jesus aàŋgaà və́ vibàné wo.

Joon 8:23

Wù nèn sùúy aáwune jii, «Vèn lò fo ndzə fèn, m ló kém a dzə̀ fó yuv. Vèn nén a dzə wír veé ndzə fèn, a bó m yòʼ dzə̀ wír woó ndzə fèn.

Joon 7:7

Bó yòʼ dzə̀ wíri wàa bàn ven. A dzə̀ á wàa bàn a dzə̀ mo, bìʼ fo m tóʼti vinyo vév ve bi ví.

Matio 13:38

Súmé dzə̀ ndzə rə̀n, a ŋgoòy ye juŋ rə̀y dzə̀ wír ve á yú sáʼ Nyùy. Ŋgoòy kikwìíy wáa dzə wír ve á yú kév a dzə̀ fo Satan woo ŋgaà vinyò ve bi ví,

Ŋgaà Yen 13:8

Kù dzə̀ mo wír veé kitu ke nsay adzə̀me wíy a ghvəm nyám yee shooy ji Nyùy, a yu fo fo. A kù wíy a ghvəm wír adzə̀m ve bó á yòʼ‑oò lo sàŋ yír sév é ŋwàʼ Wàn Njiì wo vé‑eè yuyrin. A ŋwàʼ və̀ne dzə̀ wo vé‑eè saŋen yír sé wìr ve á kù‑uù wíy lùŋ sho, é bo ndzə wìy a kèʼ.

1 Joon 3:8

Á bèy, wìr wo wù yii a dzə̀ vinyo ve bi ví nén a dzə kfə́ wan Satan, bìʼ fo Satan kù‑uù siìn ŋgaà vinyò ve bi ví, a wù‑uù sí yii, e kèʼ mo vé‑eè bomen ndzə. A Jesus woo Wan Nyùy‑iì wìy é nsay fèn ji wun ndzəər á vinyo ve Satan vee shooy vidzə̀m.

Jeem 1:7

A dzə̀ wír wo wù kér melív mebaà, la wù yòʼ kìíy fo wù tíyí. A bó yòʼ dzə̀ wír woo bey, wù wàa kwàʼtì ji dzə̀ á wun yù kinyo fo Nyùy gheéy.

2 Timoti 4:10

Kú a kiíy ji Demar lò ne, a kòŋ a dzə̀ vijuŋ veé ndzə, e màʼày mo, e dù, a dzə e Tesalonika. A Kiresen dù ghán e wòŋ Galatia, Titur dú kfə́ é Dalmatia.

Lim Aŋgàa Ntum 19:35

Wìr wo wù‑uù sáŋ vinyo ve wòŋ yiì lò, e sə̀r wír vìy, e yòŋ áwune jii, «Ven vee wír veé Efesor, wìr wùmòʼ dzə̀ shó wo wù méŋ ji bó yòʼ kér Efesor və̀n lav nyùy woo Atemer wùn à tíy nyùy ye yí‑iì gbuùn fó yuví a?

Ŋwàʼ Luk 22:31

Jesus nèn lò, e yòŋ Pita jii, «Simon, Simon, kú a kiíy ji Satan sə̀ ne vitaáví ji wun wáa mùm ven adzə̀m réŋréŋ mo wìr fètí sáŋ.

Ŋwàʼ Luk 16:8

Ŋgaà lìm və̀y shwìvrì tàr wov bey, wù wìy yèn, e kù yòʼ bìnsí jii, ‹Jwè və̀n fìír feyì.› » Jesus nèn a màysì jii, «Dzə̀ rú, wír veé ndzə fène fìír e vinyò ve áwune yii, e shaà mo wír Nyùyi fiir e vév vee vinyo vi.

Matio 11:19

Ŋgaà wo yírí dzəə̀n *Wanwìr və̀n wíy kfə́, a yinín, a nonín, á wáa kuù ji ‹Yíbuùkpú›, a yòŋ ji ‹Mfoòkìnó›, e kfə̀n a nyàysì ji ŋkar wìr ve á sov mbàm se *bàràʼ wùn à ŋkar wìr ve bi ámóʼó. Yii bèy, aá kù yòʼ yén ji kinyo kìn ki dzə̀ rú vifií ve dzəə̀n vé Nyùy a dzə̀ fó kinyo ke kí limè.»

Jeremia 23:10

Wír ve á maʼày Nyùyi rùn ne e wòŋàn, aŋgàa ntume dzə́ dzə́ kisaŋe, li kilíŋ kév ké lìm, yii a dzə̀ lím kisaŋe shó. Lǒn Nyùyi shòv ne fó, nsay nén a dìy, yí nyàme yúmkír é virə̀ʼ vé woʼ.

Aysaya 57:4

Vèn kwaʼ ji vèn shéʼ a dzə̀ la? Vèn té lám, nan shuu, dúŋer a dzə̀ e la? Vèn dzə̀ aŋgàa yìi vinyò ve bi ví, a dzə̀ rám vé kimboʼtìi.

Nsùyrì Nyùy 17:14

Éè Nyùy Tàr, nàn kóy wóo, e bòyìr mo fo wír vìne. Ku laàr áwune fó nsay fèn. Sə́ʼsí kilíŋ kév kí, aá lay fó wòŋ. Ké wìr ve à koŋè, à yíi rəə̀r jíŋ yev, é wón véví kú a ker ké a yi, é kí wáa jàmtìn, aá koóy keé lèm sa e wón véví.

Ŋwàʼ Jov 31:7

Wáa dzə ji mò‑oò bìn ne e dzəə ye bi, kìn ji mò‑oò yú a dzə̀ fó kinsiimè ke sí yémé yii, a m siíme, kìn ji mò‑oò wày kiwó e kinyò ke bi kí,

Ŋgaà Yen 16:17

Nshìylav Nyùy ye yì meen ji saàmbà nèn cuùrì kfə́ kee kighín a dzə̀ é shwer. Jì yìmòʼ súŋnín kitávín fó kàvàʼ wo wù dzəə̀n é lav Nyùy yeé yuv jii, «Kí ghèén ne.»

Ŋgaà Yen 13:14

Nyùy ku nèn màʼtì wùn nyàm yee fó mbìy rə̀y wáa ghan, yì wáa yiì viŋgaʼnìn ve vinyò bèy, e bòʼtí wír veé ndzə sho adzə̀m. Yì nèn wìy lò, e bàyrí wíri, á fèr kibámmbó ke kí wáa shwinín nyam mbìy ye vé‑eè lemerin e nyùy, bo yì bónén rə̀y.

Ŋgaà Yen 12:9

A kintìŋ ke kigàgǎʼsòŋ ke vé‑eè jùmèn kin ki dzə̀ yó ye yì‑iì siìn fó ŋgùʼ, a dzə̀ wun wo wù ghán ndzə e dzə̀m, bóʼti wíri, aá yoŋ yír rə́ ji Satan, a dzə̀ ji Tavmènàŋ. A vé‑eè jùm, e màʼ a dzə̀ é nsay wùn à nshèelav sə́ sí sidzə̀m.

Hosea 10:9

Nyùy Tàr suuy e wír veé Israyi jii: «Éè wìr veé Isray, e kèʼ fo ghan se vèn‑eè bùʼùn kinyo e Gibea, vèn kù jáy jay vèsən, dzəsì jay e wùmǒʼ kitu. Vé‑eè tòn wír ve bií e rə́r sí é Gibea bèy, a bó yòʼ‑oò dzə̀ kinyo ke juŋ ki bey à?

Ŋwàʼ Jov 1:19

kinsəm ki sásín, e bvə̀y fó woʼ, e kètì kór se lav see sikweè, lav keésí e wóné kitu, áwune kpúkír, ku jòʼsì mo vèr mòʼón cáʼcáʼ wo m bòyìn, a leʼ ji m fiʼti e wò.»

Ŋwàʼ Jov 1:16

Mo wù kù tíy tiísi, ŋgaà lìm wùmòʼ nèn siì bvə̀y, e sùúy e Jov jii, «Nyùy tsə̀nsí ne kishèv fo yuv, kí dzə́v njiì e dzə̀m, e yùyrí aŋgaà vé lìm adzə̀m, e laàr kifá kidzə̀m láarin, ku bèr mo vèr mòʼón cáʼ wo m leʼen ji m ku wìy, e fìʼtì e wò.»

Matio 13:22

Ŋgoòy ye yì tumkin é mvə̀m kikwìíy dzə̀ wír wo wù yú kinyo ke Nyùy, wù wàa kwàʼtì a dzə̀ dzəʼə̀m yeé ndzə fèn, a tàʼ vikuʼùy. Kí nen yiì, kinyo ke Nyùy ki búŋ kirə́ʼ e wùn shiliv, e lày kisáŋ.

Efesor 1:21

Wù nèn a dzə kitú, a saʼ vifá ve ví dzəə̀n é yuv vidzə̀m, kìn dzə̀ nshèelav se Nyùy, kìn vitú vév, kìn kifá kímóʼ kí ke kí kér vitaáví é yuv. A ntaʼ və shaà antaʼ adzə̀m, kìn dzə̀ woó ndzə yee lèn, kìn woó ndzə ye yì dzəə́ wìy a wìy.

Efesor 2:11

Ven ve bó yòʼ dzəə̀n wír veé Isray, wír veé Israyi yii leey ven ntéŋ ji bó á yoʼ sàŋ *mbèʼ sén ji wír Nyùy. A kù dzə̀ kifá, aá yii a dzə̀ é wùn, e kiwó ki. Ven vin, vèn kuúmé mo vèn‑eè dzə́ fo mbìy.

Efesor 2:13

Yii bèy, mo vèn à Kristu tatin ne, a vèn‑eè dzə́ kwaʼda fo Nyùy, wù lì ne ven sá lèn e wun wùn, bìʼ fo Kristu‑uù cùtìn mensə́ mvə, e kpù fo vèn.

Efesor 4:17

Ke m tír ven shó e Tàr wòsən Kristu yir kí nén a dzə jii, lá vèn yòʼ dzə́ə a dzə, a yiì a moo wír ve bó á yòʼ kiìn Nyùy. Áwune yòʼ kì fo á dzəə̀n.

Efesor 5:8

Vèn yòʼ dzəə́ ghán e ndzə ye sənér moo vee shooy vee wír. Vèn sì kén wír Nyùy, a vèn sí kér rán. Vèn ku nèn a ghan moo wír ve á sí yén rán.

Jeem 1:27

Wìr wo Nyùy yén ji wù yú rú kinyo kfə́ shilív shimòʼón, a bó wù yòʼ kér jay wùmòʼ, dzə̀ wo wù leey fo wón tsə̀ə́ wùn à vikǐy ŋkfəə, sə́ áwune. Kfə́n a dzə wír wo wù kim kitú kfə́, fo vinyo veé ndzə fèn vi bívír wun.

Cù 11:16

à kiŋkfə̀y ke loŋ ki, à kighvəŋ ki, à kilùŋ keé màndzə̀v kí, à nòkìndzəʼ, mo kfə́ə sév sí dzə̀kìn,