Efesor 2:1 - ŊWÀʼ NYÙY

¹ Yì‑iì dzə̀ fó mbìy, a vèn kpú ne fo Nyùy mbìv, bìʼ fo vèn‑eè dzə́, méŋ Nyùy, yii a dzə̀ vinyo ve bi ví.

Efesor 2:1 Referans Kwoze

Kolosia 2:13

Yì‑iì dzə̀ fó mbìy, a vèn kpú ne fo Nyùy mbìv, bìʼ fo melív men mè kù‑uù yú a dzə̀ fo mensə́ men mè, e làa yòʼ a yu ké Nyùy gheéy. Wáa dzə lèn, a vèsən à Kristu tátí ne, Nyùy nen làysìn ajay vesən, e lì vèsən, e wày é dzə̀ʼə̀m ye fíyi.

Ŋwàʼ woó Rom 8:2

Mo m tatin vèr Jesus Kristu, Kiyoy ke kí fó dzəʼə̀m yee là may ki sí lim e mǒ wùn, a m sí yú lèn a dzə̀ fo rə́ə yee nsər. M bòy ne fo nsər ye yì‑iì lim e mǒ mensə, ŋáʼar vinyo ve bi ví, wáy mo wáyín é kpu.

Efesor 4:18

Vifíi vév ví dzə̀ visə́nér. Mo á tenen fó a yuurí kinyo ke Nyùy, e nèn mèŋ wun, e ràn dzəʼə̀m ye yí lo fo wun.

Joon 5:21

Mo Tàr wov fəər wíri fó kpu, aá kfə́n atin, dzə̀ sá réŋréŋ mo Wàn luŋèr wír wo wù koŋè.

1 Joon 3:14

Á ban bèy, a vèsən kì ji vèsən bòy ne fo kpu, aá sí kér dzəʼə̀m yee là may. Vèsən kìíy bèy, bìʼ fo vèsən sí koŋ afə́r vesən. Yii bèy, wìr wo bó wù yòʼ koŋ fə́r və yòʼ dzə̀ wù bòy fó kpu gheéy.

Joon 14:6

Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.

Efesor 5:14

Á kinyo ke kí‑iì yiìn, é bo á yoŋ kinyo kímóʼ kí jii: «Wò woo ŋgaà mbuùné, yìmène. Fəə́ fó sày ye à néŋ sho, é Kristu fó wò rán.»

1 Timoti 5:6

Yii bèy, a wiíy ŋkfə lò, a ghan kfə́ ghanén, a yi woŋ, bo dzə̀ ji mo wù fə̀m ŋeʼè, wù kù kpù ne a fo Nyùy mbìv.

Joon 5:25

Vèn kfə́n a kiíy rú jii, ghán sí wíy gheén, a sí sì é kiwo, é wír ve á kpukin nee yú mo jì Wàn Nyùy yoŋ áwune, é wír ve á yuun adzə̀me luŋ.

1 Korin 15:45

Vé‑eè sàŋ é Ŋwàʼ Nyùy jii, «Nyùy‑iì bòm Adam, wo dzəə̀n wir mbìy, e fò kiyoy sho, wù wáa yòy, a dzə e tin.» Yii bèy, ké Jesus Kristu wo dzəə̀n Adam wo wù jòʼsìn bám kí nén a dzə jii, wù dzə̀ kfə́ Kiyoy ke kí yii, bo wíri wáa lùŋ.

Joon 10:10

A ké shòŋ kí dzə̀ jii, wù wìy kfə́ ji wun shóŋ njiì, e yùyrí, e laàr. M nen wìy kém ji m yii, é wíri wáa ker dzəʼə̀m yee là may, a ker feyì nyanyày.

Ŋgaà Yen 3:1

Wìr wo mò‑oò yenen və̀y nèn kfə̀n sùúy e mò jii, «Sáŋ ŋwàʼa lèn a dzə̀ wó ŋgaà ntum woó kintatì keé Sardis. A wú dzə̀ jii: «Kinyo kìn ki sùúy mo wo kiyoy kee saàmbàwìr wo dzəə̀n wo Nyùy wùn à shijiy shee saàmbà shi dzəə̀n e mǒ kiwo. M kì vinyo ve vèn rə́si yii vidzə̀m, a ví yénsin ji vèn dzə̀ atin fo Nyùy mbìv. Yii bèy, a vèn kpù ne kpuún fó fo.

Ŋwàʼ Luk 15:32

Yii bèy, a dzə̀ wòsò kù a sheʼrí ké fər wò kìn. Vé‑eè kí ji wù kpù ne, wù wíy, a wù dzə̀ e tin. Wù‑uù lày ne, wòsò kfən yèn lèn.› »

Ŋwàʼ Luk 15:24

Mò‑oò kí ji wan və̀n kpù ne, wù kfə́n lèn, a wù dzə̀ e tin. Wù‑uù lày ne, bo m kfən yèn.› Wù suúy bey, á nèn kèʼ vinyo, a yikír, a dzən kidzə́n.

Matio 8:22

Jesus bìnèr e woo shooy jii, «Kú a wìy wìyìn, e màʼtì, é wír ve á siìn ji aŋkfəə wìy a dzəə̀mè aŋkfə vév.»

2 Korin 5:14

Kér kí kù dzə̀ jii, mo Jesus Kristu koŋ ver, vèr kú a yu a dzə̀ á fo fo. A vèr kì ji mo wù‑uù kpuun fo wíri, wù tàtí ne áwune adzə̀m e mvə̀m kpu yee shooy, e tìn fó ŋgeʼ.

Kèʼlo 8:21

Kirəm ke cù ki rə́ʼtín, e ghèén Nyùy Tàr, wù suúy fo wun bvə̀m jii, «Bó m yòʼ dzəə́ wìy màʼ ŋgeʼ e kitu ke nsay bìʼ wir msòŋ. Kwaʼtì wìr msòŋ e dzə̀me kù sì yé kisaŋe, e kèʼ fo meterí. Bó m yòʼ dzəə́ wìy laàr kifá ke ŋeʼèn kí fó kitu ke nsay mo mò‑oò laàrìn.»