Efesor 1:9 - ŊWÀʼ NYÙY

⁹ Wù yiì ne lèn, vèsən kiíy kinyo ke wù‑uù yiìn ne sìysì fo ŋgùʼ, e tìír e Kristu wùn kin, a kí‑iì dzə̀ é kilìtì, la wìr yòʼ a kiíy. A wù‑uù ghàn a dzə̀ é dzəə̀ vifiì, e bóo dìn, é vèsən kiíy, bìʼ fo wù kiìn mo vifií vé wìr vi dzəə̀n.

Efesor 1:9 Referans Kwoze

2 Timoti 1:9

Wù‑uù tìn vèsən fó lòn, á lùŋ, wù lì vèsən ji və́ vee wír. A bó wù yòʼ‑oò li bìʼ kinyo kímóʼ kí ke vèsən‑eè yiìn. Wù‑uù lì a dzə̀ mo kù‑uù sìysìn wun fo yàŋgùʼ ji wun wíy tatí vèsən à Jesus Kristu, e bùʼ ji wír və́.

Efesor 1:11

Nyùy‑iì yiì ne shòʼ ver vee wír veé Isray fo ŋgùʼ ji á tátí wùn à Kristu, a dzə wír wun woo Nyùy. A wù‑uù shóʼ a dzə̀ mo wù kiìn réŋréŋ mo wù kù yii siysì vinyo veé ndzə vidzə̀m, a ví kooy mo nsìysì və dzəə̀n.

Efesor 3:11

Aá yén lèn a dzə̀ mo Nyùy‑iì sìysìn fó ŋgùʼ ji Tàr wòsən Jesus Kristu wíy wìy, é wù yii, é vinyo vìn vi koóy vidzə̀m.

Galatia 1:12

bìʼ fo bó yòʼ‑oò tiisin wír kinyo kìn e mò, a bó yòʼ‑oò yèʼéy wír mo shó. Yì‑iì ghèm Jesus Kristu ndzə e mò, bo m kiíy.

1 Timoti 3:16

A dzə̀ vèsən wàa binsí ji kinyo ke toʼon Nyùy, é bo vèsən kiíy mo dzə̀ á ghvə̀m wun kìn kí dzə̀ rú kinəə́nén. A kí dzə̀ jii: Kristu‑uù wìy, e lì mbom wìr, Kiyoy ke Ranén kí bínsí wun, nshèelav se Nyùy si kfən yèn wun. Á wáa fìʼtì woŋ sidzə̀m mo wù dzəə̀n, wíri wáa way shilív é wùn wó virə́ʼ vidzə̀m. Nyùy kfən lì wun, e kòʼór e wùn ghaŋ.

Ŋwàʼ woó Rom 8:28

A vèsən kì jii, Nyùy yii sə́ vèsən ve á koŋ wun, yii, a vinyo ve ví kooy vèsən vidzə̀m vi binkìr fo vèsən ji ve juŋ vi. Dzə̀ vèsən vin ve Nyùy liìn ji wír və́, á wáa yiì vinyo ve wù‑uù sìysìn vidzə̀m.

Galatia 1:16

Wù nèn wìy yiì, m yén Wán və e sí yémé ji m fíʼ a ghan, a fìʼtì kinyo kfə́ e wír ve bó yòʼ dzəə̀n veé Judàa. Mo m yenen Kristu bèy, e làa yòʼ kfə̀n dù ji m yú kinyo a fo wìr.

Lim Aŋgàa Ntum 13:48

Wír ve bó yòʼ dzəə̀n veé Judàa yú kee shooy, e nèn a sheʼrí, a burí Nyùy. Wír aníne nèn biìmé kinyo kee kùm Jesus. A kù‑uù biìmé vee shó ve Nyùy‑iì shoʼon ji á wìy nə̀ə́ e dzə̀ʼə̀m yee là may.

Matio 13:11

Wù bìnèr jii, «Dzə̀ ven vin ve Nyùy yiìn ne, vèn kiíy vinyo ve saʼ rə́ ye yí‑iì dzəə̀n é kilìtì, a bó vísə vee wíri yòʼ kì.

Lim Aŋgàa Ntum 4:28

A vé‑eè táŋ vinyo ve vé‑eè táŋé, a kù dzə̀ ve wò woo Nyùy‑iì sìysìn ne fo ŋgùʼ ji á mo ví wíy koóy.

Lim Aŋgàa Ntum 2:23

Jesus və̀n dzə̀ wo vèn‑eè yuyrin e fó ye vèn‑eè foon e wír ve bií, á tá é kici. A kù‑uù sìysì Nyùy fo ŋgùʼ, kí wáa koóy, a wù kiíy ne.

Jeremia 2:29

«Vèn kfə̀n báshi mo é gha lèn? Bó yòʼ tèn ven sáʼ yém a? Suuy mo woo Nyùy Tàr.

Nsùyrì Nyùy 33:11

Nsìysì Nyùy Tàr kù tíy fo ghán sidzə̀m, a kwaʼtì rəə́ dzə̀ fo ŋgwàʼ si sidzə̀m.

Ŋwàʼ Luk 2:14

«Á wáa burí Nyùy wo wù dzəə̀n é ntoò yùv. Wù fò ne nyaáŋ é nsay fo wír ve wù koŋe adzə̀m.»

Ŋwàʼ Luk 12:32

«Wónen, mo vèn à ŋgoo yen fə̀m dzəə̀n ashàr, lá vèn yòʼ a fàn, bìʼ fo Tàr won Nyùy shoʼon ne ven ji vèn wìy a dzə e wùn mvə̀m saʼ.

Ŋwàʼ woó Rom 11:25

Afə̀r vem, m nén a tàʼ ji vèn kiíy á kilìtì ke kinyò ke kí dzəə̀n é bǎm kinyò fèn. Vèn kiiyì, é la á yòʼ a sùmrì wún ji vèn kòóy kilíŋ bèn, a sì á vifií. A kí dzə̀ jii, kùʼùn wìr veé Israyi tàv kitú, tèn kinyo ke Kristu lèn, a bó á yòʼ waà wíy ten ŋkuuŋkùŋ. Ghán sí wíy gheén, a wír ve Nyùy‑iì shoʼon fo vèn ve bó yòʼ dzəə̀n veé Israyi biímé ne adzə̀m, aáwune vee wír veé Israyi nèn gbù sa sho.

1 Korin 1:21

A bó wun woo Nyùy wo wù kiìn vinyo vidzə̀m yòʼ‑oò lo biìmé ji dzə̀ wíri kìíy wun a dzə̀ fo áwuné vifii. Wù‑uù sìysì ji wun luŋer a dzə̀ á wír ve á biimen kinyo ke vèr fiʼtì, aá shéʼ sheʼén ji vinjeenjèm kìn.

Galatia 1:15

Yii bèy, a Nyùy‑iì shàm ne mo, e shàv, a m dzə̀ə́ e yè wór bvə̀m, e lì mo ji ŋgaà lìm və.

Efesor 1:8

a bó mfìʼ yòʼ dzə̀.