Efesor 1:5 - ŊWÀʼ NYÙY

⁵ Mo wù‑uù sí koŋ vèsən, wù nèn sìysì ji wun kù wíy yiì a kinyo ke wun wayin kin, e lì vèsən ji wón və́ bìʼ kinyo ke Jesus Kristu‑uù wíy yiì fo vèsən.

Efesor 1:5 Referans Kwoze

Efesor 1:11

Nyùy‑iì yiì ne shòʼ ver vee wír veé Isray fo ŋgùʼ ji á tátí wùn à Kristu, a dzə wír wun woo Nyùy. A wù‑uù shóʼ a dzə̀ mo wù kiìn réŋréŋ mo wù kù yii siysì vinyo veé ndzə vidzə̀m, a ví kooy mo nsìysì və dzəə̀n.

1 Joon 3:1

Vèn ku yèn búʼú mo Nyùy koŋ vèsən, yoŋ ji wón və́. A bó wù yòʼ yoŋ a dzə̀ fó shuù, vèsən dzə̀ rú wón və́. A bó wír veé nsay fène yòʼ kì, bìʼ fo bó á yòʼ kiìn sá Nyùy.

Joon 1:12

Yii bèy, a wír ámóʼó‑oò ló a yen wun feyì, a way shilív é wùn wó. Wù nèn lì vee shooy adzə̀m, e bùʼ ji wáa dzə wón Nyùy.

Ŋwàʼ woó Rom 8:23

A bó yòʼ dzəm vifá vee shooy cáʼcáʼ gheéy. Dzə̀ mo vèsən kù dzəm sa, vèsən vin ve á sí kér Kiyoy ke Nyùy ji sàʼ vijùŋ ve Nyùy lèmèn e wón vəə́, a vèsən kù shiy, njeʼ feyì ji Nyùy maysi, e fèr vèsən ji wón və́, aá koóy wún wo fíyi.

Galatia 3:26

Sí kér Nyùy, bìʼ fo ven ve á wayin shilív e Jesus Kristu wùn adzə̀me siìn wón Nyùy.

2 Korin 6:18

é m wáa dzə Tàr won, é vèn wáa dzə wón vém vee vilum wùn à vee vikìyí. Suuy mo woo Nyùy Tàr woo Ŋgaà Vitaàví Vidzə̀m.»

Ŋgaà Yen 21:7

a sì vitsə́ʼ mo m fó e wìr dzə̀m wo wù só vinyo veé ndzə ye bi. M wíy a dzə Nyùy ŋgaàŋ, é ŋgaàŋ wáa dzə wán wom.

Hosea 1:10

«Yii bèy, wír veé Israyi dzəə́ wìy kùʼ, a dzə moo síy seé rìbà ndzə̀v, a bó á yòʼ wíy yu fó taŋ. A kí dzə̀ jii, e kirə̀ʼ fo vé‑eè yoŋ áwune ji ‹Vèn yòʼ dzə̀ə́ wír vém›, dzə̀ fo á wíy a yòŋ áwune ji ‹Wón Nyùy wo wù gòʼòn kàŋ mòʼón.›

Efesor 1:9

Wù yiì ne lèn, vèsən kiíy kinyo ke wù‑uù yiìn ne sìysì fo ŋgùʼ, e tìír e Kristu wùn kin, a kí‑iì dzə̀ é kilìtì, la wìr yòʼ a kiíy. A wù‑uù ghàn a dzə̀ é dzəə̀ vifiì, e bóo dìn, é vèsən kiíy, bìʼ fo wù kiìn mo vifií vé wìr vi dzəə̀n.

Joon 11:52

A bó kí yòʼ‑oò dzə̀ ji Jesus kpú a dzə̀ fo wír veé wòŋ foo fèyi cáʼcáʼ. Wù‑uù wíy kpu ji wù fiʼ bàʼtí wír ve dzəə̀n vé Nyùy fo kitu ke nsay adzə̀m, aá wáa dzə kintatì kimòʼón.

Jeremia 3:19

«Wír veé Isray, mò‑oò yén jii, m yíi lèm a ven jeéy e wón vém adzə̀mé mvəm, e fo ven nsay ye juŋ, vitsə́ʼ, a ví bòŋ feyì, e shaà ve ví dzəə̀n é vitum vímóʼ ví. M kfə́n a ki ji vèn yíi a yòŋ a mo ji Tàr won, a ghan e mǒ mbòv, e làa yòʼ bìn ndzə̀m e mò.

2 Tesalonika 1:11

Vèr lóo kuumé kinyo ke kí wíy koóy e kishiíy fóo fèy, vèr nèn a bùnrì ghán sidzə̀m, a lon jii, Nyùy wòsən ku yiì, é vèn gheén á fó a dzə wír və́ vé ruú mo wù‑uù liìn ven ji vèn wáa dzə. Vèr kfə́n a lon ji wù fó ven vitaáví, é vèn maysi, e yiì a vinyo ve juŋ vi ve vèn taʼ, e yiì vidzə̀m, e kfə̀n màysì lim ye vèn wayin shilív e Nyùy wùn, a yiì rə̀n.

Ŋwàʼ Luk 10:21

Mo Jesus suuyin vinyo vìn, Kiyoy ke Ranén kí nèn ŋàʼár shilív sə́, wù wáa sheʼrí, e yòŋ Nyùy jii, «Éè Tàr wor, sáʼ wò yúv wùn à nsay. M beerì wò, bìʼ fo wò‑oò lìtìn vinyo vìn fo wír ve á din vifií, e lìtì fo akiíyí, e dìn a dzə̀ áàmbúʼú. Tàr wor, dzə̀ rú, kù‑uù sìysì wò kinyo kee shooy mo wò‑oò kòŋèn.»

1 Korin 1:21

A bó wun woo Nyùy wo wù kiìn vinyo vidzə̀m yòʼ‑oò lo biìmé ji dzə̀ wíri kìíy wun a dzə̀ fo áwuné vifii. Wù‑uù sìysì ji wun luŋer a dzə̀ á wír ve á biimen kinyo ke vèr fiʼtì, aá shéʼ sheʼén ji vinjeenjèm kìn.

Joon 20:17

Jesus suúy shó jii, «Lá à yòʼ a ghar mo, bìʼ fo m yóʼ ne kfə̀n fo Tàr wór wùn. Ku dù duùn, e tiìsí aàfə́r vémé ji m sí kóʼ, e yen a Tàr wor wo dzəə̀n sá Tàr wov. Dzə̀ Nyùy wom, a kfə̀n dzə̀ sá wóov.»

Daniel 4:35

Wìr dzə̀m woó kitu ke nsay kù dzə̀ kifá kisáŋ e Nyùy si. Nyùy kù yii kinyo a dzə̀ ke kí gheen wun, a fə̀m dzə̀ wùn à nsheèlav sə́ sí, kìn wùn à wìr msòŋ woó kitu ke nsay. Wìr yòʼ dzə̀ shó wo a dzə̀ wù sə̀r Nyùy fo kinyò, a bó wìr yòʼ dzə̀ shó wo a dzə̀ wù dzə̀r e wun jii, ‹À yiì kin a dzə̀ ka?›

Matio 11:26

Tàr wor, dzə̀ rú, kù‑uù sìysì wò kinyo kee shooy mo wò‑oò kòŋèn.»

Ŋwàʼ Luk 11:32

A wír veé Ninevèe kfə̀n wíy a roòmè sa ŋgwàʼ yee lèn rə̀n e kishiíy fóo fèy, bìʼ fo áwune‑eè yuun kinyo ke Jona fiʼtì, e bìnèr melív mev. Wìr wùmòʼ wáa dzə fèn lèn, a kfə́ kee kinyo ki shaà ké Jona, a bó á yòʼ yuúri.

Filipi 2:13

Vèn wáa kiíy ji lumèr Nyùy melív men, a vèn koŋ fó a yiì vinyo ve ví wáa bòŋ wun. A kù kfə̀n fó wun vitaáví, a vèn yii vinyo vee shooy sho.

1 Korin 1:1

Sàŋ mo woo Por wo dzəə̀n ŋgaà ntum Jesus Kristu ŋwàʼ və̀n. A kù‑uù lì Nyùy mo mo wù‑uù sìysìn ji m wáa lìm a lim rə̀n. Dzə̀ vèr Sostener woo fər wòsən,

Matio 1:25

Yii bèy, la wùn wun yòʼ a shiíy moo wiíy wùn lum e meé e ghan se wù‑uù dzəən wán woo shooy. Wù dzəə́, Joosev nèn shù yír wan ji Jesus.

Jeremia 3:4

Kfə̀n lò ne wò lèn, a yòŋ mo jii, ‹Tàr wor, à dzə̀ ŋkar yem yee kèʼ fo mǒ ghan sé viŋgòn.

Ŋwàʼ Luk 12:32

«Wónen, mo vèn à ŋgoo yen fə̀m dzəə̀n ashàr, lá vèn yòʼ a fàn, bìʼ fo Tàr won Nyùy shoʼon ne ven ji vèn wìy a dzə e wùn mvə̀m saʼ.

Lim Aŋgàa Ntum 13:48

Wír ve bó yòʼ dzəə̀n veé Judàa yú kee shooy, e nèn a sheʼrí, a burí Nyùy. Wír aníne nèn biìmé kinyo kee kùm Jesus. A kù‑uù biìmé vee shó ve Nyùy‑iì shoʼon ji á wìy nə̀ə́ e dzə̀ʼə̀m yee là may.

Kolosia 1:19

A yì‑iì sìysì Nyùy bèy, bìʼ fo wù‑uù taʼ ji Wan və kú a dzə réŋréŋ vinyo vidzə̀m ji wun,

Hibru 2:4

A Nyùy‑iì lo dìn sa ji vinyo ve áwune fiʼtì vìn vi dzə̀ á rú, bìʼ fo vé‑eè lóo fìʼtì, wù wàa yiì, á wàa yiì viŋgaʼnìn ve vinyò ve dzə̀ ví dìn vitaáví və́, wíri wàa yen, a ker gháʼ. Wù kfən yiì, Kiyoy ke Ranén kí bùʼ wír və́, á wáa yiì vinyo e dzə́ə sí dzə́ə sí, mo wù bùʼùn ŋgaàŋ.