Efesor 1:4 - ŊWÀʼ NYÙY

⁴ Bo wù fə́m a bom ndzə, a wù‑uù yiì ne shòʼ vèsən ji á wíy tatí vèsən à Jesus Kristu, a dzə a wír wun woo Nyùy, a tiy e wùn si là shilóm.

Efesor 1:4 Referans Kwoze

2 Timoti 1:9

Wù‑uù tìn vèsən fó lòn, á lùŋ, wù lì vèsən ji və́ vee wír. A bó wù yòʼ‑oò li bìʼ kinyo kímóʼ kí ke vèsən‑eè yiìn. Wù‑uù lì a dzə̀ mo kù‑uù sìysìn wun fo yàŋgùʼ ji wun wíy tatí vèsən à Jesus Kristu, e bùʼ ji wír və́.

Efesor 2:10

Ke kí dzəə̀n kí dzə̀ jii, yì‑iì tàtí Nyùy vèsən à Kristu ji vèsən wáa dzə, a yiì a vinyo ve juŋ vi. A vinyo vìn vi dzə̀ ve wù‑uù yiìn ne sìysì fo ŋgùʼ ji vèsən wíy lòo dzə, aá wáa yiì.

Matio 25:34

«Wù javsìnè, é wun woo Fon nèn sùúy e veé koy yìyí jii, ‹Ven ve Tàr wor bùʼùn ne, vèn wiy, e nə̀ə́ e wùn mvə̀m saʼ, a yi vijuŋ ve wù‑uù naŋsin fó ŋgùʼ, é bo ndzə wìy a kèʼ, e lèm e vèn.

Jeem 2:5

Afə̀r vem, vèn yuúrí, e yù. Wír ve Nyùy‑iì shoʼon ji á wáy shilív e Jesus Kristu wùn, a ker ghay wùn à Nyùyi kù dzə̀ wír ve á tan e ndzə fèn. A dzə̀ áwune ve á wíy nəə́ e wùn mvə̀m saʼ, a yu vijuŋ ve wù‑uù kàʼàn wír ve á koŋ wun sho.

1 Pita 2:9

Yii bèy, fo kén kí, vèn dzə̀ kén rám, a shòʼ Nyùy ven. A vèn dzə̀ atàá cù, lim a dzə̀ fo wun woo Fon. Wù‑uù nàŋsín ven ji kitúm kee jeéy kí, vèn wáa dzə və́ vee wír ji vèn wáa fìʼtì vijuŋ ve vinyò ve wù rə́si yii e vèn, ven ve wù‑uù fəərin fó ndzə vitsə̀ʼ, e wày e wùn mvə̀m ran ye ghaʼáné.

Ŋgaà Yen 13:8

Kù dzə̀ mo wír veé kitu ke nsay adzə̀me wíy a ghvəm nyám yee shooy ji Nyùy, a yu fo fo. A kù wíy a ghvəm wír adzə̀m ve bó á yòʼ‑oò lo sàŋ yír sév é ŋwàʼ Wàn Njiì wo vé‑eè yuyrin. A ŋwàʼ və̀ne dzə̀ wo vé‑eè saŋen yír sé wìr ve á kù‑uù wíy lùŋ sho, é bo ndzə wìy a kèʼ.

Joon 15:16

Bó yòʼ‑oò shòʼ ven mo. Yì‑iì shòʼ mo ven, e lèm ji vèn du ntum yem, a yiì vinyo ve dzəə̀n ve ru ví vinín ve bó yòʼ dzə̀ ví lày kisáŋ. Vèn lóo yiì bèy, lóo lon kifá ke vèn lón fo Tàr wor e mǒ yir, é wù ku nèn fò kíwun.

1 Pita 1:2

Nyùy woo Tàr wòsən‑eè shòʼ ven a dzə̀ mo wù‑uù sìysìn ne fo ŋgùʼ. Wù nèn wìy tùm Kiyoy kfə́, kí wìy, e nàŋsín ven ji və́ vee wír. A wù‑uù yiì bey, ji vèn wáa dzə, a yu a dzə̀ á fo Jesus Kristu, é mensə́ mvə mè táŋrí ven, é vèn boy fó njò. M nén a lon jii, Nyùy kú a shaà fo mbìy, a leéy fo vèn, a yiì, é melív men mè wáa dzə nyaáŋ.

1 Pita 1:20

A Nyùy‑iì yiì ne shòʼ wun, é bo ndzə wìy a kèʼ ji wù ghàn tìn wíri fó lòn. Wù nen tùm a dzə̀ lèn wo ndzə sí du, e dù, e jòʼsì və̀n, é vèn fíʼ kiíy wun.

Kolosia 3:12

Mo Nyùy shoʼon ne ven, e nàŋsín ji və́ vee wír, a rəsí, a kòŋ ven ghán sidzə̀m, vèn ku nèn a ker liì a dzə̀ və́ə. Wìr wáa sham fə́r və, a yiì kinyo ke juŋ ki shó. Wìr kú a lì kitú kfə́ shishàr, a ker wir dzə̀m ji weè, a lò ji nyaáŋ,

Kolosia 1:22

A wù lì ne ven lèn ji ŋkar sə́ bìʼ Wán və wo wù‑uù wìyìn, e lì mbom wìr, e kpù fo věn vinyò ve bi ví. Vèn nén a tiy e wun woo Nyùy si lèn ji wír və́ aránén, là njò.

Efesor 5:27

A Kristu‑uù nàŋsín áwune bey ji wáa dzə ji kfə́ kee kintatì, a bòŋkìr, a njàʼkìr mo kifá ke Nyùy ki yii dzə́. A dzə̀ jii, kí wáa dzə a là shilóm, e làa yòʼ a ker nsem yìmòʼ gheéy, a dzə bèn là jay.

Ŋgaà Yen 17:8

Nyàm ye à yén rə̀n dzə̀ ben, a yì‑iì kpù ne. Yì‑iì ló a dzə e tin, e bóo kpu. A yì kfə̀n wíy fəə fo biíntùr, a ŋèʼ. A yì fəə́ bèy ji yì ku nə̀ə́ lèn, a dzə̀ é lòn woo là may. Wír veé kitu ke nsay adzə̀me wíy a leéy nyám rə̀n, a ker gháʼ, bìʼ fo yì‑iì ló a dzə fo mbìy, e nèn lò, e kpù, e bóo kfə̀n a dzə sho lèn, a ŋèʼ. A kí kù wíy a ghaʼ a dzə̀ wír ve bó yír sév sí yòʼ dzəə̀n é ŋwàʼ wo vé‑eè saŋen yír sé wìr ve á kù‑uù wíy lùŋ sho é bo ndzə wìy a kèʼ.»

Lim Aŋgàa Ntum 13:48

Wír ve bó yòʼ dzəə̀n veé Judàa yú kee shooy, e nèn a sheʼrí, a burí Nyùy. Wír aníne nèn biìmé kinyo kee kùm Jesus. A kù‑uù biìmé vee shó ve Nyùy‑iì shoʼon ji á wìy nə̀ə́ e dzə̀ʼə̀m yee là may.

Aysaya 42:1

Nyùy Tàr suuy jii: «Vèn yén, ŋgaà wom lìm və̀ne, wun wo m tómé. Dzə̀ wun wo m shoʼon, a shilív shém shí tíy a dzə̀ é wùn wó. M fò ne Kiyoy kém, kí wáa shìy wun, a wù wíy dànèr vitúm, aá wáa ker sáʼ yee réŋ.

Joon 17:24

«Tàr, mo m sí kfə́n fo wò wùn lèn, m koŋ ji wír ve wò‑oò foon e mò víne wáa dzə vèr áwune fo m dzəə̀n, aá fíʼ a yen vikuʼùy ve wò‑oò foon e mò, bìʼ fo wò‑oò sí koŋ mo, é bo ndzə wìy a kèʼ.

1 Tesalonika 4:7

Bó Nyùy yòʼ‑oò lo shòʼ vèsən ji á wáa yiì liì joònè və̀n. Wù‑uù shòʼ ji á wáa ker liì a dzə̀ wo wìr ve dzəə̀n və́.

Filipi 2:15

é vèn nèn a dzə e wírí si là njò, e làa yòʼ a ker nsem yìmòʼ gheéy. Vèn lóo yiì bèy, é vèn nèn a dzə wír Nyùy ŋkuuŋkùŋ, là jay e ndzə ye wíri yii joonè shó, kér melív me bi mè rə̀n. A vèn yíi a njàʼkìr e wír vee shooyí mvəm moo mejiy,

2 Timoti 2:19

Yii bèy, a bó yòʼ dzə̀ kifá ki sə̀ʼ kinsə̀ŋ ke Nyùy wayin gheéy, aá sàŋ shó jii, «Nyùy kì wír ve dzəə̀n ji və́,» e kfə̀n sàŋ jii, «Wìr dzə̀m wo wù suuy ji wun dzə̀ wir Nyùy, kù kér fó a màʼtì vinyo ve kisaŋ vi.»

Lim Aŋgàa Ntum 18:10

M leey fo wò, a bó yòʼ dzə̀ wìr lèmér wò. M dzəə́ kér wír anín e ntèʼ fen ve dzəə̀n vém.»

Nsùyrì Nyùy 135:4

Nyùy Tàr shòʼ ne rám Jakov ji wír və́, wír veé Israyi wáa dzə ji wír və́ vee jeéyí.

2 Timoti 2:10

M nen sə̀ ŋgeʼ sidzə̀m, é wír ve Nyùy‑iì shoʼon ji vəə́ fiʼ tàtí wùn à Jesus Kristu, e lùŋ, e nə̀ə́ e vijùŋ vee là may.

Efesor 4:2

Vèn wáa lì vitú vén shishàr, a borkír, a ker wir dzə̀m ji weè, a kòŋ áwune, é la wìr yòʼ a yen jay wìr.

1 Korin 1:8

A wun woo Jesus Kristu kù yíi a yiì, é vèn wáa tiy e wùn kinyò kitávín, e dù, e jòʼsì. Wíy lóo dzə e kishiíy ke wù wíy wìy kee shooy, é la vèn yòʼ dzəə gbù njò yìmòʼ gheéy.

Matio 24:31

Wù wíy lòo wìy, é wù tsə́nsí nshèelav sə́ é buu se ndzə see sikweè, aá wáa toŋ sóŋ, a baʼtí wír ve Nyùy‑iì shoʼtin ji və́, aá wáa wìy vitóŋtóŋ vidzə̀m.

Efesor 5:2

Vèn lóo yiì vinyo vidzə̀m, á kù a tiír a dzə̀ koŋ fo mbìy réŋréŋ mo Kristu‑uù kòŋèn vèsən, e fò kitú kfə́ ji wun fíʼ taŋrí vèsən, Nyùy biímé ntàŋrí woo shooy.

Joon 10:16

A m kér sa njiì wùmòʼ, a bó wù yòʼ sì é ŋgoo fèn. M kér fó yìi baʼtí woo shooy e dzə̀m, aá yíi a yu jí yem, a wìy, é ŋgoo njiì nèn a dzə e mòʼón, é nshìy wáa dzə sa e mòʼón.

1 Tesalonika 3:12

A vèr kfə̀n lón sa ji Taàtá Jesus ku yiì, é vèn wáa kòŋnìn, e kfə̀n a kòŋ sa wir dzə̀m, a dù fo mbìy réŋréŋ mo vèr koŋ sa ven.

Efesor 3:17

A m kfə̀n lón ji vèn ku màysì, e wày shilív e Jesus Kristu wùn, é wù wáa dzə e věn meliv, é vèn áwune nəə́nín, a kòŋnìn, é vèn wáa tiy kitávín moo kicí ke gháŋé nəən é nsay, kìn moo lav ye á bàʼrìn é kinsə̀ŋ ke tavín kí.

Galatia 5:13

Afə̀r vem, Nyùy fə̀ə́r ne ven fó vikwàn ve vèn‑eè reŋ fo nsər. Yii bèy, mo vèn bòyìn, lá vèn yòʼ kù nèn a yiì a dzə̀ mo mensə́ men mè taʼà. Vèn bòy, a kí dzə̀ ji vèn wáa kòŋnìn, e nèn a sənín vitú vén,

Ŋwàʼ woó Rom 8:33

Wù‑uù lì ne vèsən, e nàŋsín ji wír vee là jay. A dzə̀ wìr wùmòʼ kfə̀n dìn jay wìr ve Nyùy liìn ne vìn, á nə̀ə́ é nsaʼ a?

Matio 24:24

Vèn wáa kiíy jii, wíri wíy fəə anín, a boʼtí ji áwune dzə̀ Mfə̀ə́r, kìn ji *ŋgaà ntum Nyùy wùmòʼ, a yiì vinyo ji ví fíʼ a dìn vitaáví vé Nyùy, e kfə̀n a yiì viŋgaʼnìn ve vinyò vímóʼ ví ji á bóʼtí wíri, bo taaka ve Nyùy‑iì shoʼtin ne ji və́, aá jáy dzə́ə.

Matio 24:22

A là fo Nyùy far vishiíy vé ŋgeʼ yee shooy, bo bó wìr yòʼ kì wíy lùŋ. A wù fàr bèy bìʼ wír ve wù‑uù shoʼtin ji və́.»

1 Joon 4:16

Á vinyo ve ví‑iì yiìn, é bo vèr kiíy rú ji Nyùy koŋ ver, e wày shilív e wun wùn. Kidzə̀m ki wáa dzə jii, liì Nyùy dzə̀ á ji wù koŋ wíri. A wìr wo wù koŋ Nyùy, kfə̀n koŋ fə́r və, tíy kfə́ wùn Nyùy, a Nyùy tíy sa wùn ŋgaàŋ.

2 Pita 3:14

Á bèy lèn ŋkàr sem, mo vèn sí shiy kishiíy ke Kristu wíy kfən, vèn ku tìír vifií vén féyì ji vèn à Nyùy wáa dzə a kiránén, é melív men mè wáa neŋ ji nyaáŋ, é la vèn yòʼ a fàn kinyo kímóʼ kí gheéy.

Kolosia 2:2

A m ghitìr bèy ji Nyùy wáa tavír melív men, a yiì, é vèn maysi, e suùsín, a dzə a kitú kimòʼón. A m taʼ ji vèn gwarir kinyo kidzə̀m ke Nyùy‑iì sìysìn, e tìír e Kristu wùn, kí wáa fəəsín a dzə̀ lèn. Vèn kiiy kijuŋ mo kí dzəə̀n, é la vèn yòʼ dzə́ə a meŋnín kímóʼ kí gheéy.

Galatia 5:22

Á bèy, a vinyo ve Kiyoy ke Ranén kí bánri wíri, aá yii vi dzə̀ jii, á koŋ Nyùy, kfə̀n koŋnìnè, kér kishéʼrì aáwuné meliv, dzə́ dzəʼə̀m yee nyaáŋ, kér wir dzə̀m ji weè, shám wíri, yii a dzə̀ kinyo ke dzəə̀n ke ru kí, lóo suúy kinyo, á wàa yiì a dzə̀ kíwun.

Galatia 5:6

A wíri tàtí ne wùn à Jesus Kristu, la wùmòʼ yòʼ dzə́ə a dzə jeéy ji wír wo á saŋen mbèʼ sə́ é liì wìr veé Juda, kìn wo bó á yoʼ sàŋ. Ke kuʼùn kí dzə̀ jii, wíri wáy á shilív e Kristu wùn, a kòŋnìn.

Lim Aŋgàa Ntum 15:18

Sùúy Nyùy wo wù‑uù yiìn, wíri kiíy kinyo kee shooy fo ŋgùʼ.›

Cù 19:2

ji wù suúy á e wìr dzə̀m woó Isray jii, «Vèn wáa dzə aránén, bìʼ fo mo woo Nyùy Tàr woo Nyùy won dzəə̀n e ránén.

Cù 20:7

Vèn ku fò vitú vén ji vém vee wír, a dzə aránén, bìʼ fo mo woo Nyùy Tàr dzəə̀n Nyùy won.

2 Samuel 22:24

Mò‑oò dzə́ là shilóm e wun si, jámer kitú kém fó kinyò ke bi kí.