Efesor 1:3 - ŊWÀʼ NYÙY

³ Vèsən kú a burí Nyùy woo Tàr à Taàtá wòsən Jesus Kristu ghán sidzə̀m. Wù tàtí vèsən à Jesus Kristu, e bùʼ e vijuŋ və́ veé yuv ví vidzə̀m.

Efesor 1:3 Referans Kwoze

1 Pita 1:3

Vèsən ku nèn a beèrì Nyùy woo Tàr à Taàtá wòsən Jesus Kristu. Wù‑uù rə̀r ne mendzən fo vèsən é ŋàŋ, e yiì, vèsən wáa dzə wír və́ bìʼ Jesus Kristu. Mo Kristu‑uù kpuun fo vèsən, e kfə̀n fəə̀ fó kpu, vèsən nén a dzə wír ve á dzəə̀n afíy. A vèsən sí dzə́ lèn, njeʼ feyì, leey a dzə̀ fó mbìy ji

2 Korin 1:3

Vèsən kú a beèrì Nyùy wo dzəə̀n Tàr à Taàtá wòsən Jesus Kristu. Nyùy, wo wù shám wíri adzə̀m, rəər melív mev.

Efesor 2:6

Mo wù tatin vèsən à Kristu, e fə̀ə́r fo kpu, wù nèn kòʼór sa vèsən e Kristu bàm ji vèsən wáa dzə sa vitú ve saʼ veé yuv, vèsən áwune.

Kèʼlo 22:18

Mo à yuun jí yem, e lèm, m wíy shaà fo wò ram, e səə̀vì vitúm veé kitu ke nsay vidzə̀m.»

Efesor 1:20

ve wù‑uù fəərin Jesus Kristu sho fo kpu. Wù fəə́, wù lì, e kòʼór e yuv, e dzə̀ʼə̀r e wùn ghaŋ e wùn wòŋ woó yuv.

Nsùyrì Nyùy 72:19

Á wáa burí yír rə́ ghán sidzə̀m. Vikuʼùy və́ ví ku rùn kitú ke nsay. Amen, Amen.

Efesor 6:12

Vèn wáa kiíy ji bó vèsən yòʼ maʼ rə́r a dzə̀ á vèsən à wìr msòŋ. Á maʼ a dzə̀ vèsən à vifá ve bi ví vidzə̀m ve ví ghán e shwer, yii vinyo e ndzə fèn. Vèsən funèn a dzə̀ *anyùy wùn à vitú vév vé saʼ vi. A kù dzə̀ áwune vin ve á sáʼ ndzə yee lèn ye yì sə́n dzə̀v rə̀n.

Efesor 3:10

Nyùy nen yiì, kintatì ke wìr Kristu kìn ki fəə́sín lèn ji vifá ve ví dzəə̀n é yuv ví lóo yen, aá nèn səə̀m mo vifií vé Nyùy vi shaàn vitaáví, a ví dzə̀ dzə́ə sí dzə́ə sí. A kù yén nshèelav sə́ wùn à vifá ve ví kér vitaáví é yuv ví vidzə̀m.

Galatia 3:9

Kí nén a dzə jii, wír adzə̀m ve á wáy shilív e Nyùy wùn mo Abraham‑eè wayiné dzə̀ á ve Nyùy buʼ mo wù‑uù bùʼùn Abraham.

1 Wòŋ 4:10

Jabes wìy bùnrì Nyùy wìr veé Isray jii, «Kii wò, ku səə̀vì mo, e kùʼùr nsay yem. Kú a kìŋsìn mo, e làa yòʼ màʼtì, é m nəə́ é ŋgeʼ, a yu nyár.» Nyùy‑iì yù bunrì rə́, e fò wun kifá ke wù‑uù lóné.

Aysaya 61:9

Wír veé vitum vímóʼ vií wíy kiíy rám wìr vém, a ghvəm áwune. Á kù wíy a ghvəm ŋgwàʼ se wìr vém virə́ʼ vidzə̀m e wírí mvəm. Rúrú, á wíy a kiíy rám wìr vém, a yen ji dzə̀ á wír, wír feyì, ve Nyùy Tàr səə̀vìn é dzəə sí dzəə sí.»

Nsùyrì Nyùy 134:3

Nyùy Tàr wo wù‑uù bomen yúv wùn à nsay, ku səə̀vì ven fó Sion.

Joon 17:21

A m lón jii, à ku yiì, aáwune tátí adzə̀m, a dzə ji kitú kimòʼón réŋréŋ mo wò woo Tàr dzəə̀n wòsò, a wòsò dzə̀ ji kitú kimòʼón. Ku yiì, aáwune wáa dzə sa e wòsò mvəm, é wír veé ndzə fène fíʼ biimé ji ntum ye mò‑oò loòn dzə̀ rú á ye.

Nsùyrì Nyùy 72:17

Yír fòne kú a tiy fo ghán sidzə̀m, é leŋ vəə́ kú a dù duùn, mo woŋe wíy mày. Wíri kù wíy a lon kisəəvì fo Nyùy, a dzə̀ ke wù‑uù səə̀vìn fon sho, a vitúm vidzə̀m vi wíy a yòŋ wun ji ŋgaà mbùʼmé.

1 Wòŋ 29:20

Davir nèn sùúy e wìr dzə̀m wo wù‑uù baʼtin jii, «Vèn wáa burí Nyùy Tàr woo Nyùy won.» Wìr dzə̀m wo wù‑uù baʼtin fó nèn a burí Nyùy Tàr woo Nyùy atàr vév. Vé‑eè tsə̀m ndzəə́, e làʼ kitú e nsay, e ghvə̀m Nyùy Tàr, e nèn fò sá ghvə́m e fòn.

Efesor 1:17

A m lón fo Nyùy woo Ŋgaà Vikùʼùy, wun woo Tàr à Taàtá wòsən Jesus Kristu ji wù ku mvə̀ʼ vifií vén, é vèn wáa kiíy mo vinyo ve wù din e vèn ví dzəə̀n, e nèn màysì, e kiíy wun.

2 Korin 11:31

Nyùy woo Tàr à Taàtá wòsən Jesus wo dzə̀ vèsən wàa burí ghán sidzə̀m, kì ji m suuy a rú.

2 Korin 5:21

Mo vèsən‑eè kér lòn, Nyùy nèn bàʼtí vinyo vesən ve bi ví, e siìr a dzə̀ e Kristu kitu. Kristu, a bó wù yòʼ kér jay wo dzəə̀n və́ə gheéy. A wù‑uù yii bèy, ji vèsən táti vèsən à Kristu, é vèsən wáa dzə sa là jay moo wun woo Nyùy.

Kèʼlo 14:20

Búríi kú a dzə fo Nyùy woo Taà Vitu. Wù yiì ne, à só aŋgaà vé vibàn.» Wù ká bey, Abram nèn jàv vifá ve wù‑uù kuuyin fó shùu rər kirə́ʼ e ghvə̀m, e fò kee kimòʼón ki shó.

1 Korin 12:12

A dzə̀ vèsən fìʼsìn kinyo kìn a dzə̀ mo wún wìri dzəə̀n. Wú kér vibar vinín, yii bèy, a kù dzə̀ ji wún e mòʼón. Mo vibar ve wùn vin vi yùŋsìn, e fèr wún wìr e mòʼón, kù dzə̀ réŋréŋ sá mo kintatì ke wìr Kristu ki dzəə̀n.

Ŋwàʼ woó Rom 12:5

Kù dzə̀ sá réŋréŋ mo vèsən loòn wír anín jeéy jeéy, vèsən à Jesus Kristu tátí, a dzə ji wún e mòʼón, a wìr tóm wír, a wìr tóm wír.

Daniel 4:34

«Viyá vee saàmbà vìy vi shaà, mo woo Nebukadnessar nán lèn sí, e lèéy yúv, vifií vém ví ku nèn kfə̀n é bàm. M wáa beèrì Taà Vitu, a burí wun, e kfə̀n a ghvəm wun wo wù dzəə̀n shó ghán sidzə̀m. «Sáʼ rəə́ dzə̀ sáʼ, a yí kù wíy a tiy fo, e dù, e jòʼsì. Kù wíy a saʼ wun vifon mo ŋgwàʼ si wíy a koʼ, a fo ghay e símóʼ sí.

Efesor 1:10

Wù‑uù sìysì jii, ghán sí wíy gheén, é wun wáy vifá vidzə̀m e Kristu kiwo, kìn dzə̀ veé yuv, kìn dzə̀ veé nsay fèn, é wù tátí, é wùn à Nyùy kfə́n á ji kifá kimòʼón.

2 Korin 5:17

Ke kí dzəə̀n kí dzə̀ jii, wìr táti wùn Jesus Kristu, bo ŋgaàŋ sì wír wo fíy. Dzəʼə̀m ye mvəə́ shaà ne, a wù sí kér lèn a dzə̀ ye fíyi.

Ŋwàʼ woó Rom 15:6

Vèn lóo yiì bèy, é vèn nèn a dzə kijuŋ, a dzə shuu e mòʼón, e tatí, a sùyrì Nyùy woo Tàr à Taàtá wòsən Jesus Kristu.

Nehemia 9:5

Wír veé ram Levi vee ji Jeshua wùn à Kadmiel, à Bani, à Hashavneya, à Sherebia, à Hodia, à Shebania, e lì Petahia, á nèn yòŋ jii, «Vèn lo lèn, a burí Nyùy Tàr woo Nyùy won, wun wo wù‑uù siìn, a wù kù wíy a dzə ghán sidzə̀m. Á kú a burí yír rə́ ye yí kùʼùn, e shaà mo a dzə̀ wìr kwà, e kfə̀n shòŋrì.»

Hibru 8:5

Vinyo ve atàá cùu yii e nsay fèn vi dzə̀ vimfìʼìr ve vinyò ve Jesus yii e yuv e Nyùy lav yee rú. Vèn kuúmé mo Mooser‑iì lóo tuy kibàn ji á wáa cù Nyùy sho, Nyùy suúy. Wù‑uù sùúy jii, «Ku shoòshí, é vifá vidzə̀m vi wáa dzə réŋréŋ ji kikúv ke kíwun ke m dìnèn e wò e gwan.»

Filipi 2:11

A wír vìn adzə̀me wíy a binsí kiránén ji Jesus Kristu dzə̀ á Taà Ndzə. Á lóo binsí bèy, bo dzə̀ búrí mo á búri Nyùy Tàr.

1 Korin 1:30

Dzə̀ wun woo Nyùy wo wù liìn ven, e tàtí vèn à Jesus Kristu, wù wáa fo vèsən vifií ve ru ví, Nyùy kfən lì vèsən ji wír vee là jay, e fə̀ə́r vèsən fó lǒn vinyò ve bi ví, a yòŋ ji və́ vee wír.

Hibru 9:23

Kí‑iì ló a dzə rú é shií ji á wáa naŋsín vifá ve vé‑eè cu Nyùy sho e mensə́ me nyàm ntàŋrí mè, bo ví wáa gheén fo Nyùy. A vifá vee shooy vi‑iì dzə̀ cáʼ ji vimfìʼìr ve vifa ve ru ví ve ví dzəə̀n a dzə̀ é yuv. Mo kí dzəə̀n bey, bo ntàŋrí wo á yii e kitu ke vifa veé yuv kù kér fó shaà wo á yii a dzə̀ é kitu ke vifa veé nsay fèn.

Joon 20:17

Jesus suúy shó jii, «Lá à yòʼ a ghar mo, bìʼ fo m yóʼ ne kfə̀n fo Tàr wór wùn. Ku dù duùn, e tiìsí aàfə́r vémé ji m sí kóʼ, e yen a Tàr wor wo dzəə̀n sá Tàr wov. Dzə̀ Nyùy wom, a kfə̀n dzə̀ sá wóov.»

Joon 14:20

Vèn wíy yen mo é kishiíy fóo fèy, é vèn nèn kìíy rú ji dzə̀ vèr Tàr wor, a vèr wun dzə̀ ji kitú kimòʼón, e kfə̀n kiíy jii, kù dzə̀ vèsən, a m dzə̀ e věn meliv.

Ŋwàʼ Luk 2:28

Simeon ghár, e kòytí, a beèrì Nyùy, a suúy jii:

2 Wòŋ 31:8

Fòn Hesekiya wùn aàtǎr ntoʼ vəə́ wìy, e yèn vikfə́r ve vifa vìy, e bùrí Nyùy Tàr, e beèrì wír və́ veé Isray.