Efesor 1:1 - ŊWÀʼ NYÙY

¹ Ŋwàʼ və̀ne sàŋ mo woo Por wo dzəə̀n ŋgaà ntum Jesus Kristu. A kù‑uù sìysì Nyùy ji m wáa yiì a lim rə̀n. A m sàŋ a dzə̀ fo vèn vee wír Nyùy ve á dzəə̀n é Efesor, ve vèn gharin ne kinyo ke Jesus Kristu kitávín.

Efesor 1:1 Referans Kwoze

Kolosia 1:2

A vèr sàŋ a dzə̀ fo vèn vee wír Nyùy ve á dzəə̀n é ntèʼ yee Kolosia. Dzə̀ ven ve vèsən tatin ji afə́r é kinyò ke Jesus Kristu, vèn wáa tiy sho kitávín. A m lón ji Nyùy woo Tàr wòsən kú a kòŋ ven, a leéy fo vèn, a yiì, é meliv men mè wáa dzə nyaáŋ.

2 Korin 1:1

Sàŋ mo woo Por, vèr fər wòsən Timoti ŋwàʼ və̀n. Dzə̀ mo wo dzəə̀n ŋgaà ntum Jesus Kristu mo Nyùy‑iì sìysìn. A ŋwàʼ və̀ne dzə̀ fo vèn vee kintatì ke Nyùy ke kí dzəə̀n é Korin, e kfə̀n a dzə sa fo wír Nyùy ve á dzəə̀n e věn wòŋ woo Akayàa adzə̀m.

Galatia 1:1

Sàŋ mo woo Por wo dzəə̀n ŋgaà ntum Jesus Kristu ŋwàʼ və̀n fo vintatì ve wìr Kristu ve ví dzəə̀n é wòŋ woo Galatia vi. A ntum ye m fiʼtì rə̀n yòʼ lò a dzə̀ fo wìr. Bó yòʼ lèm wír mo, bo m wáa fìʼtì. Kù lèm Jesus Kristu wùn Tàr wòsən Nyùy, wo wù‑uù fəərin Kristu fo kpu. Vèr aàfə́r vén ve á dzəə̀n vèr áwune féne tàtí, a shàʼtì ven adzə̀m, a lon jii,

Ŋwàʼ woó Rom 1:1

Ŋwàʼ və̀ne sàŋ mo woo Por, a m dzə̀ kém ji ŋgaà lìm Jesus Kristu. Wù‑uù lì mo ji m wáa dzə ŋgaà ntum və, e lèm ji m wáa fìʼtì a sáʼka Nyùy wo juŋ.

Ŋwàʼ woó Rom 1:7

M nén a saŋ ŋwàʼ və̀n fo vèn adzə̀m ve á dzəə̀n é Rom, ve Nyùy shavin ne ji və́ vee wír, e wày e wùn shiliv. M wáa shàʼtì ven, a lon jii, Nyùy woo Tàr wòsən wùn Taàtá wòsən Jesus Kristu kú a kòŋ ven, a leéy fo vèn, a yiì, é melív men mè wáa dzə nyaáŋ.

Efesor 6:21

Kee kùm dzəʼə̀m yém yee fen lèn ki nén a dzə jii, fər wòsən Ticikur wíy wìy, é wù naari ven vinyo ve ví kooy mo vidzə̀m. A wun woo Ticikur dzə̀ wír, a wù lim e kinyò ke Tàr wòsən Jesus Kristu feyì, a wìr dzə̀m koŋ wun.

1 Korin 4:17

Á kinyo ke kí yiìn, bo m túm Timoti və̀n ji wù wiy, e yèn á ven. Dzə̀ wán wom bìʼ kinyo ke Jesus Kristu, a wù tíy sa e kinyò foo fèn shilív shimòʼón, a m koŋ wun feyì. Wù yíi wìy, é wù kfən màysì, e naàrì ven kinyo ke m yéʼey e vintatì ve Kristu vidzə̀m mo dzə̀ wìr wo wù tatin wùn Jesus Kristu wàa tiír kiwuú kfə́, a fìʼ.

Ŋwàʼ Luk 16:10

Wìr wo wù leey fo shifarìn kijuŋ, kù dzə̀ wù lèéy sá fo ke kuʼùn kí. Wo wù leey fo shifarìn, lóʼ ŋgaà kifa, kù dzə̀ sá mo dzə̀ wù lòʼ e ke kuʼùn kí.

Ŋgaà Yen 2:10

Vèn wáa kiíy ji ŋgeʼ símóʼ sí kù dzəə́ yiì a koóy a ven. Yii bèy, sí lóo koóy, lá vèn yòʼ a fàn. Satan sí yiì a mùm ven, aá wáa koorí wír ámóʼó fo věn mvəm, a way e sháŋ. A vèn wíy yen ŋgeʼ see shooy bèy, e meé kishiíy e ghvə̀m. M nén a tir ven jii, vèn kú a yu a dzə̀ fo mò, a fə̀m dzə̀ kpú, é m wìy nə̀ŋsí ven e dzəʼə̀m yee là mayi.

Ŋgaà Yen 17:14

Á wíy lò, aá nèn bàʼtí rə́r, a màʼ Wan Njiì Nyùy sho. Yii bèy, é Wan Njiì Nyùy wùn à wír vəə́ só áwune, bìʼ fo dzəə̀n wun woo Tàr fo atàrí adzə̀m, kfə́n a dzə wun Fon fo afone adzə̀m. A wír vìne dzə̀ ve wù liìn ji və́, á wáy shilív e wun wùn, a tiy a dzə̀ wùn áwune.

Galatia 3:9

Kí nén a dzə jii, wír adzə̀m ve á wáy shilív e Nyùy wùn mo Abraham‑eè wayiné dzə̀ á ve Nyùy buʼ mo wù‑uù bùʼùn Abraham.

Ŋwàʼ woó Rom 8:1

Kí nén a dzə jii, wìr wo wù tatin wùn Jesus Kristu bòy ne a fo lǒn vinyò ve bi ví.

Lim Aŋgàa Ntum 16:15

Á yiì wày wùn à wír vee wùn laʼa é ndzəv, wù wáa lon jii, a vèr fen yèn rú ji wun wày ne shilív e Jesus wùn, vèr kù wìy, e beè a dzə̀ á e wùn laʼ. Wù boòrì bèy, vèr ku nèn dù.

Ŋgaà Yen 2:13

M kì fo vèn dzə́. Vèn dzə́ a dzə̀ fo ntoʼ Satan dzəə̀n. Yii bèy, a m kì ji vèn kù kì fon won a dzə̀ á mo və̀n, a bó vèn yòʼ‑oò yiì ne mèŋ mo gheéy. Fə̀m‑eè dzə̀ é ghan se vé‑eè yuyrin Antipar e vèn à Satan kirə̀ʼ fóo fèy, bìʼ fo wù‑uù fiʼtì kinyo kém shilív shimòʼón, vèn yòʼ‑oò lo fàn, e lèʼ mo gheéy.

Kintaŋ 12:7

A bó ké Mooser woo ŋgaà lìm wom kí yòʼ dzə̀ bey. Wír vén veé Isray adzə̀me kù sì e wun kiwo.

1 Korin 4:12

katìr, lim lim e wó yérí, e bó a yikír. Wíri lóo kuùrì ver, vèr kù a sheʼrí áwune shéʼrín. Á lóo bàn ver, vèr kù a biimé biimén, e làa yòʼ a ghay.

Lim Aŋgàa Ntum 9:13

Ananiar nèn sùúy jii, «Tàr, mò‑oò sí yú léŋ wìr və̀n fo wíri anín mo wù‑uù nyavrì e wír vée é Jerusalem.

Lim Aŋgàa Ntum 18:19

Wùn áwune nèn nə̀ə́ e kikoŋ, e dù, e mèé e Efesor, e jàvsìn. Piisila wùn Akwila gòʼ fo, Por dù kfə́ e wír veé Judàá ŋgày bùnrì, e bóo wìy a lò. Wù dù, e sùŋnín e wír vee shooyi,

Lim Aŋgàa Ntum 18:21

Wù lòo lò, a shàʼtì áwune jii, «A Nyùy ben biìmé, bo m kù dzəə́ wìy kfən e bàm, e yen ven.» Wù nèn kfə̀n dù, e nə̀ə́ e kikoŋ fo Efesor fèy, a dù.

Galatia 3:26

Sí kér Nyùy, bìʼ fo ven ve á wayin shilív e Jesus Kristu wùn adzə̀me siìn wón Nyùy.

Galatia 3:28

A bó wìr wùmòʼ yòʼ dzə̀ə́ jeéy ji woó Juda kìn wir kitum. A bó wùmòʼ yòʼ dzə̀ə́ ji kwàn, bo wùmòʼ wáa dzə ji wan wòŋ. A bó á yòʼ fə̀m dzəə́ leey wùmòʼ ji lumèn kìn wiíy. Áwune tàtí ne adzə̀m wùn à Jesus Kristu, e nèn a dzə kifá kimòʼón.

Efesor 1:15

M nén a sheʼrí wun woo Nyùy mo m yú ji vèn kù wáy shilív e Tàr wòsən Jesus Kristu wùn kitávín, koŋ wír Nyùy adzə̀m.

Efesor 2:6

Mo wù tatin vèsən à Kristu, e fə̀ə́r fo kpu, wù nèn kòʼór sa vèsən e Kristu bàm ji vèsən wáa dzə sa vitú ve saʼ veé yuv, vèsən áwune.

Efesor 2:10

Ke kí dzəə̀n kí dzə̀ jii, yì‑iì tàtí Nyùy vèsən à Kristu ji vèsən wáa dzə, a yiì a vinyo ve juŋ vi. A vinyo vìn vi dzə̀ ve wù‑uù yiìn ne sìysì fo ŋgùʼ ji vèsən wíy lòo dzə, aá wáa yiì.

Efesor 2:13

Yii bèy, mo vèn à Kristu tatin ne, a vèn‑eè dzə́ kwaʼda fo Nyùy, wù lì ne ven sá lèn e wun wùn, bìʼ fo Kristu‑uù cùtìn mensə́ mvə, e kpù fo vèn.