Daniel 9:9 - ŊWÀʼ NYÙY

⁹ Yii bèy, Nyùy Tàr woo Nyùy wor, à dzə̀ ké, aà kù yii shám wír vé shámén. À lo, à làysìn ajay vér, fə̀m mo vèr tsəyin kóy vèsən.

Daniel 9:9 Referans Kwoze

Daniel 9:7

Éè Nyùy Tàr, à dzə̀ là shilóm. Yii bèy, fo kér kí, woómé si sùm ne ver bìʼ kinyo ke vèr mum e wò, e shem lán. Ver ve á dzə́ e wòŋ woo Juda, à veé Jerusaleme, e lì veé Isray ve à taʼarin vitúm vidzə̀m, à vee fó mentsə̀mé, à vee kwaʼdáa. Vèr kù sí woóme woòmén, ver adzə̀m adzə̀m.

Daniel 9:5

Vèr jày ne, e yiì kinyo ke bi kí. Vèr kù sì wír ve á méŋ wò, tsə́y kóy vèsən, ŋwáy nsər sé wùn à kinyo ke à tínen ki ŋwáyín.

Nsùyrì Nyùy 86:15

Yii bèy Nyùy Tàr, à dzə̀ ké, aà yii shám wíri shámén, kér mendzən, lo ji weè e dòʼshwiíy, din koŋ yé ye ghaʼáné e wír vée, tíy e wò ŋkàʼmé.

Nsùyrì Nyùy 130:7

Éè wìr veé Isray, vèn kú a tiír a dzə̀ Nyùy Tàr fó mbìy. Kù kér wun koŋ ye yí tíy fo, a kù luŋèr wun wíri ŋkuuŋkùŋ.

Jeremia 14:7

Éè Nyùy Tàr, fə̀m mo vinyo vér ve bi ví koon ne ver, ku sə̀ ver bìʼ yír yé. Vèr bìn ne ndzə̀m e wò akàŋ aneénín. Vèr jày ne e wò.

Nsùyrì Nyùy 130:4

Yii bèy, à kù yii laysìn ajay wíri, á làysìn rì bèy, aá bóo fíʼ a ghvəm wò.

Nsùyrì Nyùy 62:12

a kù kér a wun koŋ fo wír vəə́, e shaàsìn. Rúrú, Nyùy Tàr, à yii kaʼày wír e dzə̀m, laáme ŋgaàŋ a dzə̀ mo wù lìmèn.

Jona 4:2

Wù nèn a bùnrì, a suúy e Nyùy Tàr jii, «Éè Nyùy Tàr, kí kúvsín fó kinyò ke mò‑oò suuyin, a m dzə̀ə́ fo laʼ a? Á kinyè ké kinyò ke kí‑iì yiìn, é bo m túmnín, a leʼ, a dù e Tarshish. Mò‑oò kì jii, à dzə̀ Nyùy wo wù rə́r mendzən me wíri, shám áwune, a bó à yòʼ táv shwiiy kilòŋ. À yòʼ yii yar fó dìn koŋ yé ye wiyí e wíri. À yòʼ yii koŋ, a màʼ ŋgeʼ e wìr kitu.»

Aysaya 63:7

M yíi a suŋnín kùm koŋ Nyùy Tàr ye wù kér fo wír vəə́, a yí yòʼ yii mayì, a remrí vinyo ve wù yii ve dzə̀ á wàa burí wun fo fo. M yíi a naàrì vinyo vìn, a shaà fo vinyò ve Nyùy Tàr yiìn e vèsən, nyanyày vinyò ve juŋ ve wù yiìn e wír veé Israyi réŋréŋ mo shammèndzə̀n və yii dzə́. M yíi a naàrì vinyo vìn, a shaà fo kòŋ ye wù yii koŋ wír və́ é ŋàŋ, tíy wùn áwune.

Aysaya 55:7

Wír ve á méŋ Nyùyi ku màʼtì liì wov kisaŋ, é wír ve bií maʼti kwaʼtì sév sé kisaŋ si. Áwune ku kfə̀n é bàm e Nyùy Tǎr wùn, é wù fiʼ shàm áwune. Á ku kfə̀n e Nyùy wòsə́n wùn, bìʼ fo wù yíi làysìn ajay vév, e làa yòʼ kìm wùmòʼ.

Esiker 20:13

Yii bèy, wír veé Israyi ku shaà fo mbìy, a tav kitú vèr áwune é woʼ. Áwune yòʼ‑oò ló a yu sáʼ yém, e kù shaà fo mbìy, a ŋway nsər sém se sí fó dzəʼə̀m. Áwune‑eè màysì, e bìvír vishiíy vém vé bam ŋkuuŋkùŋ. Bìʼ bey, m rə̀m ji mo‑óò maʼ ŋgeʼ aáwuné kitu e woʼ fey mo dòʼshwíiy wom dzəə̀n, e laàr a fó ŋkuuŋkùŋ.

Nsùyrì Nyùy 86:5

Rúrú, Nyùy Tàr, à dzə̀ e juŋ. À yòʼ yar fó a làysìn ajay wíri. À yòʼ yar fó a dìn koŋ yé e wír ve á bunrì wòo.

Nehemia 9:31

Yii bèy, bìʼ shammèndzə̀n wò wo ghaʼán, à yòʼ‑oò lo laàr áwune, aà yòʼ‑oò lo bìn ndzə̀m aáwune. À dzə̀ Nyùy wo wù yii rə́r mendzən me wíri, kfə̀n shám áwune.

1 Afòn 8:30

Ŋgaà lìm wò lóo lon wò, kìn lón wír veé Isray, lóo kìʼ lav rə̀n, à kù yù bunrì yév. Kú a yu e wòŋ woó yuv fo à dzə́. À yú bèy, à kù nèn làysìn ajay vév.

Daniel 9:6

Jòkìnyàʼ, vèr yoʼ yùnín kinyo ke aŋgàa ntum vée‑eè fìʼtìn e wò yir, aáwune ve aŋgàa lim vée‑eè lo fìʼtì kinyo ké aàfon vérí, e fìʼtì aàtǎr wòŋe, e fìʼtì aàtàr vér vee fó mbìyi, e lì wir dzə̀m woó kitum.

Daniel 9:8

Éè Nyùy Tàr, woómé si kù sùm ne vèr aàfon vérí, aàtǎr wòŋe, e lì atàr vér vee fó mbìy súmen, bìʼ fo vèr jayin ne e wò.

2 Samuel 24:14

Davir suúy e Gad jii, «M sì é ŋgeʼ ye tavín, Nyùy Tàr yii shám mendzən feyì. Bòŋ é wù yii ke wú‑úù yii e vèr, e shaà ke yii wír.»