Biblia Todo Logo
Bib sou entènèt

- Piblisite -




Daniel 9:7 - ŊWÀʼ NYÙY

7 Éè Nyùy Tàr, à dzə̀ là shilóm. Yii bèy, fo kér kí, woómé si sùm ne ver bìʼ kinyo ke vèr mum e wò, e shem lán. Ver ve á dzə́ e wòŋ woo Juda, à veé Jerusaleme, e lì veé Isray ve à taʼarin vitúm vidzə̀m, à vee fó mentsə̀mé, à vee kwaʼdáa. Vèr kù sí woóme woòmén, ver adzə̀m adzə̀m.

Gade chapit la Kopi




Daniel 9:7
34 Referans Kwoze  

Bìʼ bey Nyùy Tàr, à shwèʼtí ne, e kìíy ghán sée màʼ ŋgeʼ e věr kitu. Aà kù yiì bèy, bìʼ fo à dzəə̀n Nyùy, aà yii yii vinyo réŋ, fə̀m mo bó vèr yoʼ yuùrí jí yè.


Éè Nyùy Tàr, woómé si kù sùm ne vèr aàfon vérí, aàtǎr wòŋe, e lì atàr vér vee fó mbìy súmen, bìʼ fo vèr jayin ne e wò.


Vèr‑íì neem e woómé sí si, é joonè wórí kfə́vsí ver. Vèr aàtàr vérí‑iì jày ne e Nyùy Tàr woo Nyùy wor, e kèʼ, a vèr dzə̀ə́ e vinsùm vi, e wìy shem lán. Bó vèr yòʼ‑oò dzəə́ yúnin Nyùy Tàr woo Nyùy wor.»


M kù jòʼsì ne a dzə̀ é nshoórmé, a woómé si sum mo súmen.


A kí dzə̀ jii, Nyùy Tàr wíy taʼár ven, é vèn dukir é vitum vímóʼ ví. Vèn du fo, aá kár, e wìy bèr wír ashàr.


Vèn‑eè yii vinyo a dzə̀ ve ví gheenen ven, a dzə̀ víwun ve vèn lo, kuúme lèn, á wàa woomé fo fo. Vèn‑eè yii bèy, kooy ka fó fo? Ví kù‑uù danèr ven, wáy a dzə̀ é kpu yee ŋkuuŋkùŋ.


«Rúrú, m yíi fo sáʼ, áàŋgàa vibàné nyoori wír veé Isray, aá sìkìr e vitúm ví mvəm. A dzə̀ jii, m yíi cèkèrèʼ áwune mo á cèkèrèʼ kibán, e fəə́r wír ve bií fo áwuné mvəm, a bó woo mòʼón yòʼ yíi tum e nsay.


M yii bèy, é vèn nèn kuùmé vinyo vén ve bi ví, e kuùmé njiìn won wo bó wù yòʼ‑oò lo bòŋ. Vèn kuúme bèy, é vèn nèn a woomé bìʼ vinyo ve vèn‑eè bùʼtìn, à joonè wo vèn‑eè yiìné.


M yuŋrì bèy, é m mán vinyo ve à bùʼtìn vidzə̀m, é shúu má wò, áà wáa woomé. Suuy mo woo Nyùy Tàr woo Taà Ndzə.»


M wíy lovtí aáwune, vitúm veé kitu ke nsay vidzə̀m vi lóo yen, é wúné wáa beemé áwune, aá kfə́n a dzə ji kifá ke nshéʼmé ki e vitúm ví mvəm, aá wáa màʼ áwune é ŋgàn, a jàʼ jàʼàn, a lì áwune ji liy yé a kuù wíri shó, e kù a yiì bèy virə́ʼ vidzə̀m vee fo m wíy taʼár áwune, aá dukir.


Nyùy Tàr, a m neèr nsaʼ yem e wò si, bo ŋgaà réŋ kù yíi a dzə wò. Yii bèy, a m kù‑úù neer vinyo vìn e wò si, e yù ó mo wo‑óò tínén. Wír ve á méŋ wòo lo, á wàa ker dzəʼə̀m ye juŋe bìʼ ka? Vé kimboʼtìi lo, á wàa dzə dzə́ ye juŋe bìʼ ka?


Wìr dzə̀m wo wù fer mebvə̀m kù wíy a woomé woomén. Á wíy tatí áwune adzə̀m, e shoór, aá wáa beʼ dzə̀rkìtu, a ghan, a tùʼtìn.


Wíy lòo dzə e ghan fóo fèy, é Nyùy Tàr ramsi wó rə́, e kfə̀n sə̀ kibér ke wìr və́, e siìr, é kí kfə́n é bàm fó kwaʼ nsàm. Wù wíy siìr áwune, aá kfə́nkír é bàm fó vitum vinín. Á wíy kfənkír fo Assiriya, à fó Ejiv, à fó Patros, à fó Etiopia, à fó Elam, à fó Shinar, à fó Hamat, e lì veé vitum ve ví dzəə̀n é ŋguùŋè rìbà ndzə̀v, à ve ví dzəə̀n é mvə̀m ndzə̀v, a ndzə́ví kaárí, e tàr ví.


Rúrú, Nyùy Tàr, à dzə̀ là jay, à tínen vinyo vé, a ví kù du tìítiy.


Éè Nyùy, wò woo ŋgaà lùŋèr wom, sù njò yem yee bìʼ kinjuyrìwìr, é m boy, a fuŋ yòv, a fìʼtì mo à dzəə̀n e juŋ.


M kù jày ne a dzə̀ e wò, e wò cáʼcáʼ, e yiì kinyo ke dzəə̀n ke bi kí e wò si. Á bèy, à kù sàʼ ne mo réŋ, a bó jay yòʼ dzə̀ é kinyò ke à tinen.


Kinyo kidzə̀m ke kí‑iì kooyin ver kí dzə̀, a wò‑oò yiì réŋ. À kù‑uù yii kijuŋ e vèr, fə̀m mo vèr‑iì yii kibí e wò.


«Éè Nyùy, vinyo ve ví kooyin ver vidzə̀m vi dzə̀ bìʼ yii yér ye bií wùn aàjay vér ve ghaʼtíné. Yii bèy, a wò woo Nyùy wor, à yoʼ fə̀m màʼ ŋgeʼ e vèr a dzə̀ mo yii yérí dzəə̀n. À kfə̀n lèm kibér ke wìr vér.


Nyùy Tàr dzə̀ Kilán, a lim rəə́ dzə̀ là kiloʼ. Dzə́ə sə́ sidzə̀m si kér suuyrú. Dzə̀ Nyùy, a yii rəə́ yii dzə́ yee tìítiy, dzə́ là jay. Yii rəə́ dzə̀, a kù dzə̀ ye ruú, e kfə̀n a dzə yee réŋé.


Éè Nyùy Tàr woo Nyùy woó Isray, à dzə̀ là kiloʼ. Vèr dzə̀ lán a dzə̀ kibér ke wìr. Leéy ri e yèn, vèr tíy e wò si vèr aàjay vérí, a bó vèr yoʼ ghèén a tiy bìʼ ajay vee shoon.»


Wíy lòo dzə e wun ghan sé saʼ, é wír veé Judàa boy, é dzəʼə̀m wìr veé Israyi wáa dzə e kiŋsìn. Yír ye á wíy a yòŋ wun shoo dzə̀ jii, ‹Nyùy Tàr woo Ŋgaà Lùŋèr wor.› »


Wíy lòo dzə e ghan fen, é wír veé Judàa boy, é dzəʼə̀m wìr veé Jerusaleme wáa dzə e kiŋsìn. A yír ye á wíy a yòŋ ŋgaàŋ shoo dzə̀ jii, ‹Nyùy Tàr dzə̀ Ŋgaà Lùŋèr wor.›


Ve á dzəə̀n kwaʼdáa wíy kpu wó kifə̀ʼ, é ve á dzəə̀n fó ghaŋe kpú é shùu rər, é kibér ki kpú jíŋ e mvə̀m ŋkàlaʼ, a rə́r sí sə́tí ne fó. Á mo m wíy yiì aáwune bey, é bo dòʼshwíiy wom may.


«Éè Nyùy wom, ku tèér kituʼùr ké ki, e yuùrí. Ku mvə̀ʼ sí yée, e yèn búʼú mo ŋkàlaʼ sàʼkìn ne. Ŋkàlaʼ feyì, a dzə̀ ye. Vèr yòʼ lón vinyo ve vèr lón fo wò, bìʼ fo vèr kwaʼtì ji vèr dzə̀ tìítiy. Kù dzə̀ cáʼ bìʼ fo à yii shám ver é ŋàŋ.


Á yíi gìm Jerusalem, e tar mo vé shìyi gìm kwáʼ.› Kù dzə̀ bìʼ fo Jerusalem tavin kitú vèr áwune. Suuy mo woo Nyùy Tàr.


Áwune kwaʼ ji á tínsin a dzə̀ mo a? Áwune kù tínsin a dzə̀ vitú vév, a woómé si yíi a dzə sév. Suuy mo woo Nyùy Tàr.


A m kù‑úù bvə́ʼə́y bìʼ vinyo ve bi ví vidzə̀m ve wír veé Isray wùn à veé Judàa yiìn, e ŋàʼár dòʼshwíiy wom shó. A kù‑uù dzə̀ áwune wùn aàfon véví, à vilìmbìy vi, aàtàá cùu, à wír ve á dzəə̀n ji aŋgàa ntum Nyùyi, e lì wír ve á dzə́ e Jerusalem adzə̀m.


Bo dzə̀ jii, atàrí wíy lò, a kfər wón, é wóné wáa kfər atàr e věn mvəm. M wíy màʼ ŋgeʼ e věn kitu, maʼà, é m táʼár wír wo wù berin, vitóŋtóŋ vidzə̀m.


Swiv nou:

Piblisite


Piblisite