Daniel 9:4 - ŊWÀʼ NYÙY

⁴ M ku nèn a bùnrì Nyùy Tàr woo Nyùy wom, a tunrí ajay wìr vém, a yòŋ sho jii: «Éè Nyùy Tàr, à dzə̀ Nyùy, aà shaà vitaáví, a vèr ghvə́m wò. À kù yii tíy e *mensàŋ me wò‑oò gwàrìn vèn à wír vée, din koŋ yé e wír ve á koŋ wò, kfə̀n yúnin nsər sé.

Daniel 9:4 Referans Kwoze

Ŋwàʼ woó Rom 8:28

A vèsən kì jii, Nyùy yii sə́ vèsən ve á koŋ wun, yii, a vinyo ve ví kooy vèsən vidzə̀m vi binkìr fo vèsən ji ve juŋ vi. Dzə̀ vèsən vin ve Nyùy liìn ji wír və́, á wáa yiì vinyo ve wù‑uù sìysìn vidzə̀m.

Ŋwàʼ Fəə 20:6

Yii bèy, a m din koŋ yém e wóné, e ŋgwàʼ sí ŋgwàʼ si, e dù, e meé nsə̀kì, bìʼ koŋ ye atàr véví koŋ mo, lem nsər sém.

Remrí 5:10

Yii bèy, a m din koŋ yém e wír ve á koŋ mo, lem nsər sémé, e kù a dìn bèy, e dù, e meé mo ŋgwàʼ si wíy a koʼ, ansə̀kì ansə̀kì.

2 Wòŋ 7:14

a m yiì bèy, wír ve dzəə̀n ji wír vémé biímé jay wov, a bùnrì, a lon mo, e neèr liì kisaŋ wo áwune kérí, bo m lo, e yu bunrì yév é yuv, e làysìn ajay vév, e nèn yiì, é nsay yev kfə́n e juŋ.

Nehemia 9:32

Éè Nyùy wor, à kùʼ e ŋàŋ, a dzə e wíy, aà dzə̀ e gháʼtín. À yii tíy e wò mensàŋ, din koŋ yé ye wiyí. Lá à yòʼ a kay ŋgeʼ ye yì dzəə̀n e věr kitu rə̀n. Kèʼ fo ghan sé afòn veé Assiriya, vèr aàfon vérí, à vilìmbìy vi, aàtàá cùu, aàŋgàa ntum Nyùyi, aàtàr vérí, à wír vé adzə̀me dzə̀ a dzə̀ é ŋgeʼ, e wìy shem lán.

Remrí 7:9

«Bo dzə̀ ji vèn kiíy á ji Nyùy Tàr woo Nyùy won kù dzə̀ wun Nyùy. Wù dzə̀ Nyùy woo ŋgaà suuyrú, a wù yii tíy e wun mensàŋ, din koŋ rə́ ye wiyí e wír ve á koŋ wun, kfə̀n lem nsər səə́. Wù kù wíy a dìn bèy mo ŋgwàʼ sév sí wíy a koʼ viyá viyá là may.

1 Afòn 8:23

e nèn a bùnrì jii, «Aà Nyùy Tàr, Nyùy wìr veé Isray, Nyùy wùmòʼ yòʼ kfə̀n dzə̀ moo wò, ǎ yuv, ǎ nsay. À kù yii tíy e wò ŋkàʼmé, kfə̀n din koŋ yé ye ruú aàŋgaà vé lìme, ve á yúnin wò shilív shév shidzə̀m.

Nsùyrì Nyùy 32:5

M nèn tuùné ajay vém e wò, e làa yòʼ lìtì kinyo kém ke bi kí. Mò‑oò sùúy jii, «Mo‑óò tuúné ajay vém e Nyùy Tàr.» Á bèy, Nyùy Tàr, à nèn làysìn ajay vém, e sù njò yem.

Remrí 7:21

Lá vèn yòʼ wìy a fàn áwune. Nyùy Tàr woo Nyùy won dzə̀ e věn mvəm, a wù dzə̀ ŋgaà vitaàví ve wiy ví, a wù kfə̀n beèmé sa e ŋàŋ.

Jeem 2:5

Afə̀r vem, vèn yuúrí, e yù. Wír ve Nyùy‑iì shoʼon ji á wáy shilív e Jesus Kristu wùn, a ker ghay wùn à Nyùyi kù dzə̀ wír ve á tan e ndzə fèn. A dzə̀ áwune ve á wíy nəə́ e wùn mvə̀m saʼ, a yu vijuŋ ve wù‑uù kàʼàn wír ve á koŋ wun sho.

Jeem 1:12

Wír wo dzə̀ wù wàa sheʼrí dzə̀ wo wù tosin é mvə̀m ŋgeʼ, e làa yòʼ gbù fo kinyò kímóʼ kí, e to e jay. Mo kinyo ki mùmèn wun, wù só, wù wíy a ker vinə́ŋsí, a dzə̀ dzəʼə̀m yee là may ye Nyùy kàʼàn wír ve á koŋ wun sho.

Ŋwàʼ Luk 1:72

Wù‑uù kàʼ jii, wun wíy a rər mendzən me atàr vér, a kuumé *mensaŋ me wù gwàrìn wùn áwune.

Jeremia 3:13

Ku biìmé a dzə̀ liì kisaŋ wo wò‑oò yiìn. Wò‑oò táv kitú vèn Nyùy Tàr woo Nyùy wò, ghvə́m anyùy a dzə̀ vé vitum, du, cu e sar se vici ve rəŋsìn ví vidzə̀m, e làa yòʼ a yunín mo gheéy. Suuy mo woo Nyùy Tàr.

Nehemia 1:5

Mò‑oò bunrì jii, «Éè Nyùy Tàr woo Nyùy woó yuv, à kùʼ, aà dzə̀ e gháʼtín. À yii tíy e wò *mensàŋ, din koŋ yé ye wiyí e wír ve á koŋ wò, yúnin nsər sée.

Esra 10:1

Esra wáa bùnrì, a tuuné ajay, a toŋ kitávín, a fon wún é nsay e shùu lav Nyùy, màŋgòŋ woó Isray, vilum wùn à vikìy, à wónlèé nèn bàʼtí e wun ghaŋ, a toŋ sa kibiíbí.

Daniel 6:10

Daniel yú ji fòn dòn a ne nsər yee shooy, e nèn kfə̀n e wun lav, e kòʼ, e nə̀ə́ e wun mvə̀m lav ye yì‑iì dzəə̀n é ŋkèʼ lav yee fó yuv, aàwundùu tíynin fo arə́, kiʼ Jerusalem. Wù nèn tsə̀m fó nsay, a bùnrì, a beèrì Nyùy və, kù mo wù yii yii akàŋ ataár ataár e kishiíy.

Daniel 9:3

Á bèy, m nèn bìnkìr, e kìʼ Nyùy Tàr woo Taà Ndzə, a bùnrì, a lon wun, a m wáy ne vifám vé kpu, e sèsín e kibvə, a lèm jíŋ.

Remrí 7:12

«A vèn wày vifií é vinyò ve Nyùy tinen vin, a lèm, a yiì mo ví dzəə̀n, bo Nyùy Tàr woo Nyùy won wíy a tiy e mensàŋ me wù‑uù gwàrìn wùn aàtàr véné, e lìʼ, e kù wìy a dìn ven koŋ rə́ ye wiyí.

Jeremia 32:23

Áwune nəə́, e yòv fó, e nèn tèn fó a yunín wò, a jùmrì nsər sé. Áwune yòʼ‑oò ló a yiì vinyo ve wò‑oò yòŋèn ji á wáa yiì. À nen yiì, ŋgeʼ rə̀n gbú aáwuné kitu.