Daniel 9:3 - ŊWÀʼ NYÙY

³ Á bèy, m nèn bìnkìr, e kìʼ Nyùy Tàr woo Taà Ndzə, a bùnrì, a lon wun, a m wáy ne vifám vé kpu, e sèsín e kibvə, a lèm jíŋ.

Daniel 9:3 Referans Kwoze

Jeremia 33:3

«Á mbaà a dzə̀ mo, é m yú tóŋ yé, e sùúy wò vinyo ve ghaʼtín ví ve ví dzəə̀n é kilìr, aà yóʼ ne kìíy.

Esta 4:16

«Mordekay, dùu, e bàʼtí wír veé Juda ve á dzəə̀n é Susàa kirə́ʼ kimòʼón, é vèn áwune ku lèm jíŋ, a bùnrì fo mò. Kí dzə̀ jii, e bǎm vishiíy vitaár, e shùy wùn à vitsə́ʼə́, lá wìr yòʼ nò kifá, kìn ji wù yí ke yiín kí. Vèr à wónlě vikìy ve á lim fo mòó kù yíi a lèm sa jíŋ bèy. Kee shooy ki shaa, é m du, e yèn fon. A fə̀m dzə̀ mo nsər yoʼ biìmé ji wìr du fó, a bó á toóy tooyín, bo m kù‑úù du, a mo‑óò du kpù, é m dù kpù.»

Esra 9:5

Ghán sé cù yee ŋkuùr si gheén, m nèn lò e yuv fo m kì diyì, a vikúm vém vee fó mvəm wùn à vee fó ndzə vi kù dzə̀ə́ ve saasìn ví. M lò bèy, e tsə̀m ndzəə́ fo nsay, e nàn wó yém e Nyùy Tàr woo Nyùy wóm si,

Esra 10:6

Wù nèn lò fo shuù lav Nyùy, e dù e Jehohanan woo wan Eliashiv lav, e sìíy shìíy fo. Wù dù bèy, e làa yòʼ luʼ kifá ke yi e shuù, e làa yòʼ no mendzə́v. Wù kù‑uù diy a dzə̀ liì joònè wo wír vév ve vé‑eè kfənen é Juda vìne yiìn.

Esra 8:21

M nèn yòŋ, vèr lém jíŋ e ghaa ndzəv yee Ahava rə̀n, a neŋ e Nyùy si, a lon ji wù fó á vèr à wóné ghán ye juŋe, a kìŋsìn saa kifá kér kidzə̀m.

Lim Aŋgàa Ntum 10:30

Konelur bìnèr jii, «Yì‑iì dzə̀ moo lèn, shúy sitaár, e bǎm vishiíy vitaár, a m bunrì e mǒ lav. M sàsìn, e yèn wír, a wù tíy e mǒ si, a ndzə̀y sə́ sí njaʼkìr njàʼkìn.

Ŋwàʼ Luk 2:37

Wù ku nèn a dzə kfə́ ji wiíy ŋkfə, a rəsí, a dzə e lav cù, a sùyrì Nyùy, a lèm jíŋ, a bùnrì e shùy, a bùnrì vitsə́ʼ, a wù sì lèn kiyá nshòv sikweè e mwaamé.

Joel 2:12

Yii bèy, Nyùy Tàr kù dzəə́ kér shíi won. Wù suuy e vèn jii: «Vèn kfə́n é bàm e mǒ wùn shilív shén shidzə̀m, a lèm jíŋ, a toŋ, a dìy.»

Joel 1:13

Ven vee atàá cù, vèn maʼ ndzə̀y sé kpu si, a dìy. Ven ve á lim e kiy cù, vèn wáa toŋ, a jeetí. Ven ve á cu Nyùy wom, vèn maʼ ndzə̀y sé kpu si, e dù, a dìy vitsə́ʼ vifur. Vèn wáa dìy, bìʼ fo cú vifa ve yii yòʼ dzə̀ə́, a yé melùʼu sèéy ne. Á yòʼ dzəə́ yii cu e Nyùy wón lav.

Esiker 36:37

Ke Nyùy Tàr woo Taà Ndzə suuy ki dzə̀ jii, «M kfə̀n wíy a yuurí bunrì wìr veé Isray, aá kuʼ, a dzə nyanyày moo ŋgoo se bvəy.

Nsùyrì Nyùy 35:13

Yàsí‑iì nə̀ə́ áwune, m wáa rəsí a dìy. Mò‑oò nyavrì e kitú kém kí, lem jíŋ, rə́si bunrì e kitú kí nsay.

Daniel 6:10

Daniel yú ji fòn dòn a ne nsər yee shooy, e nèn kfə̀n e wun lav, e kòʼ, e nə̀ə́ e wun mvə̀m lav ye yì‑iì dzəə̀n é ŋkèʼ lav yee fó yuv, aàwundùu tíynin fo arə́, kiʼ Jerusalem. Wù nèn tsə̀m fó nsay, a bùnrì, a beèrì Nyùy və, kù mo wù yii yii akàŋ ataár ataár e kishiíy.

Nehemia 9:1

Wáa dzə e kishiíy kee nshòv sikweè e mbaà, e ŋwee wo wú meen ji saàmbà və̀n, wír veé Israyi nèn kfə̀n bàʼtí ji á wàá lem á jíŋ, aá máʼ ne ndzə̀y sé mendzə̀n, e fə̀vrì vitú e kibvər ki.

Aysaya 22:12

Yì‑iì dzə̀ é ghan fóo fèy, Nyùy Tàr woo Taà Mànjòŋ, wun woo Taà Ndzə súŋnín, e sùúy jii: «Vèn wáa toŋnín, a dìynìn. Vèn kwaay vitú vi, e màʼ ndzə̀y sé kpu si.»

Daniel 9:2

wáa dzə a wù dzə́ə sáʼ ji kiyá ke mbìy ki, mo woo Daniel wáa yeʼéy Ŋwàʼ Nyùy, e yèn kinyo ke Nyùy Tàr‑iì yòŋèn e *ŋgaà ntum və woo Jeremia. Wù‑uù sàŋ jii, Jerusalem kù wíy a tiy e vifə̀m e bǎm kiya msaàmbà.

Daniel 9:4

M ku nèn a bùnrì Nyùy Tàr woo Nyùy wom, a tunrí ajay wìr vém, a yòŋ sho jii: «Éè Nyùy Tàr, à dzə̀ Nyùy, aà shaà vitaáví, a vèr ghvə́m wò. À kù yii tíy e *mensàŋ me wò‑oò gwàrìn vèn à wír vée, din koŋ yé e wír ve á koŋ wò, kfə̀n yúnin nsər sé.

Daniel 9:20

M ku nèn a suŋnín e mvə̀m bùnrì, a tuuné ajay vém, e kfə̀n a tuuné vé wìr veé Isray, a neèr vinyo ve m lóné e Nyùy Tǎr si, wun woo Nyùy wom, e kù a lon feyì bìʼ lav rə cù ye ranén.

Jona 3:5

Mo wír veé Ninevèe yuun ntum Nyùy bèy, e nèn biìmé kinyo kfə́, e lò sàʼ ji wìr dzə̀m lem á jíŋ. Áwune kfən shòʼtí ndzə̀y sév, e màʼ a dzə̀ vinsàʼ ve ndzə̀y, e fíʼ dìn ji áwune kér a mendzən bìʼ ajay vév. Aá kù yii bèy, e kèʼ fo wìr wo kuʼùn, e dù meé e wo terí.

2 Samuel 12:16

Davir nèn a lon Nyùy ji wù ku yiì a é wàn wàá bónén. Wù wáa lon bèy, a lèm jíŋ, e yiì neèm fo nsay vitsə́ʼ vifur.

Ŋwàʼ Jov 42:6

M kù sí kér a dzə̀ dzə̀rkìtu bìʼ vinyo ve mò‑oò fəərin fó shuù. M fə̀tí ne wó yém fó fo, a ser a dzə̀ é kibvə̀r, kìn é kibvə.»

Matio 17:21

Kee kùm kfə́ə nyùy və̀n ki dzə̀ kfə́ jii, a dzə̀ wìr kù a bùnrì, a lèm jíŋ, e bóo jùm. A bó dzəə̀ yìmòʼ yòʼ kfə̀n dzə̀ shó.]»