Daniel 9:2 - ŊWÀʼ NYÙY

² wáa dzə a wù dzə́ə sáʼ ji kiyá ke mbìy ki, mo woo Daniel wáa yeʼéy Ŋwàʼ Nyùy, e yèn kinyo ke Nyùy Tàr‑iì yòŋèn e *ŋgaà ntum və woo Jeremia. Wù‑uù sàŋ jii, Jerusalem kù wíy a tiy e vifə̀m e bǎm kiya msaàmbà.

Daniel 9:2 Referans Kwoze

Jeremia 29:10

Nyùy Tàr kú a suúy jii, «Kiyá kee msaàmbà ke á lèmèn ji ké vifòn veé Babilon ki wíy shaà, é m nèn bìnkìr, e lèéy ven, e yiì kinyo ke mò‑oò kàʼàn ven shó, e lì ven, e kfən sho e věn wòŋ.

2 Wòŋ 36:21

Á bèy, kinyo ke Nyùy Tàr‑iì yiìn ne yòŋ, e shaà fo ŋgaà ntum və woo Jeremia ki nèn ghèén. A kí dzə̀ jii, nsay wíy gòʼ kisáŋ, aá yòʼ lime kiyá msaàmbà, e fíʼ kfəmén, e koo kaá vibaamé ve ví‑iì gòʼòn là bám.

Ŋgaà Yen 1:3

A bòŋ ké wìr wo wù yoŋ kinyo ke dìnèn wun woo Nyùy kìn, kfən bòŋ ké wìr dzə̀m wo wù yuúri, yii mo kí dzəə̀n. Á wáa kiíy jii, ghán se vinyo vìn vi wíy a koóy si sì á fo mentsə̀m.

Sekariya 7:5

«Gháy ó e woŋe, e ghày áàtàá cùu jii, ‹Vèn‑eè lem jíŋ e ŋwee woo tàn, lem e saàmbà ŋwee, e mvə̀m kiya kee msaàmbà bèy, dzə́r e mò á?

Esra 1:1

Yì‑iì dzə̀ é kiya ke vé‑eè koʼorin Sayrus ji fon woó Persia, Nyùy Tàr nèn yiì, kinyo ke wù‑uù yòŋèn, e shaà fo *ŋgaà ntum və woo Jeremia ki gheén. Nyùy Tàr‑iì kùm shilív shé Sayrus, wù fó sáʼ, yí ghánén woŋ və́ e dzə̀m, e kfə̀n sàŋ sá aŋwàʼ, á ghánén.

Mayka 3:12

Kí nén a dzə jii, bìʼ liì won kisaŋ, á yíi lìm Sion e njà sùm, é Jerusalem və̀n kfə́n é vifə̀m, é gwan woo fo lav cù Nyùy Tàr dzəə̀n kwiíy, e rə̀ŋsìn.

Jeremia 27:7

Vitúm vìn vidzə̀m vi wíy a lìm fo wun, e kfə̀n wìy a lìm fo wón vəə́, à fo wón won vəə́, e wìy dù, e meé mo kfə́ kee kitúm ki wíy gbù, é vitúm vinín wùn aàfon ve tavkíné nèn siìr áwune ji akwàn.

Jeremia 25:18

Mò‑oò nòór Jerusalem wùn à ŋkà se laʼ seé Juda si, aàfone, à vé saʼa, e nòór ji fóo du é vifə̀m, e lày kisáŋ. Wíri lóo leéy, é wúné wáa beemé, aá wáa ndzəə, a lì fó ji liy, mo kí dzəə̀n e shem lán.

Jeremia 7:34

M wíy yiì, é la á yòʼ dzəə wìy yù léŋ kisheʼrì, kìn wó vijùŋ, à yòv vijìn é ŋkà se laʼ seé Juda, aá yòʼ wíy yu sa e dzəə seé Jerusalem, bìʼ fo woŋ dzə̀me wíy kfən ji woŋ kinjúme.

Aysaya 64:10

Ŋkà se laʼ se wò‑oò shoʼon, e lèm ji see jeéy ji wír vée wáa dzə sho, ké lèn ki, sí sí tíynin kisáŋ là wír moo wóʼ. Rúrú, Sion kfə̀n ne ji kirə́ʼ ké woʼ, wun woo Jerusalem dù ne e vifə̀m.

1 Timoti 4:13

Kintatì ki lóo dzə̀ʼə̀m ghán sidzə̀m, à kù a yòŋ kinyo fo Ŋwàʼ Nyùy, a fìʼtì kinyo ke Nyùy, a yeʼéy wíri shó, fo m wiyì.

Lim Aŋgàa Ntum 8:34

Wìr wo kuʼùn və̀y nèn dzə̀r e Filiv jii, «Ku sùúy mo, *ŋgaà ntum Nyùy və̀n‑eè suuy kinyo kìn kùm la? Wù suuy a dzə̀ kitú kfə́ moo ké wìr wo sən á?»

Maak 13:14

Jesus nèn kfə̀n a suúy jii, «Vèn wíy lóo yen, a kifá ke vé‑eè yoŋ ji kí wíy a koʼóy, a bivír kirə́ʼ, kí fəə́sín, aá tiír fo bó yòʼ dzə̀ kí wàa tiy, wír ve á dzəə̀n é mbìv wòŋ yee Judàa wàa sam, a koʼ aàgwan. Wìr wo wù yoŋ kinyo kìn fo ŋwàʼ fèn, ŋgaàŋ səəm.»

Matio 24:15

Jesus kfə́n a naàrì jii, «Wíy lòo dzə e ghan see shooy, aá tiír kifá ke *ŋgaà ntum Nyùy woo Daniel‑iì yòŋèn é kirə̀ʼ ké Nyùy, a kifá kee shooy ki kóʼoy, bívir fó.» Wìr wo wù yoŋ kinyo kìn fo ŋwàʼ fèn səəm.

Yòvdìy 1:1

Á ku yèn búʼú, Jerusalem sí tíy là wír, kirə́ʼ, a wìr‑iì dzə̀ fó nyanyày. Fóo sí sóm moo wiiy ŋkfə, kirə́ʼ, a vitúm vidzə̀m vi‑iì ghvə́mé. Ŋkàlaʼ, a yì‑iì dzə̀ féyì ji yaà, e ŋkà se laʼ sí mvəm, lèn wáa dzə, a yì sí reŋ a dzə̀ vikwàn.

Jeremia 26:6

bo m lo, e lovtí e lav cù rə̀n mo mò‑oò lovtin e Shilo, é vitúm veé kitu ke nsay vi wáa lì yír ŋkàlaʼ rə̀n ji liy ye á kuu wíri shó.› »

Nsùyrì Nyùy 119:24

Vinyo ve à foon ví dzə̀ vijuŋ vém, kù dzə̀ víwun ve ví tír mo.

Jeremia 26:18

«Yì‑iì dzə̀ é ghan se Hesekiya‑aà dzəə̀n fon woó Juda, Mayka woó Moreshet tiísí sá ntum Nyùy. Wù‑uù sùúy e wìr dzə̀m woó Juda ji kinyo ke Nyùy Tàr woo Taà Mànjòŋ yoŋ ki dzə̀ á jii: « ‹Á wíy tuŋ Sion, e bìnèr moo súm bey, é Jerusalem kfə́n, a neŋ e vikfər vikfər, é gwan woó lav cù kwiíy, a dzə ji kóv.›

Jeremia 1:1

Ŋwàʼ və̀ne dzə̀ wó vinyò ve Jeremia, a wù‑uù dzə̀ é ŋgoo atàá cù ve vé‑eè dzə́ e ntèʼ yee Anatot, e nsay rám Benjamin, a yír tàr woví‑iì dzə̀ Hilkia.

Daniel 9:3

Á bèy, m nèn bìnkìr, e kìʼ Nyùy Tàr woo Taà Ndzə, a bùnrì, a lon wun, a m wáy ne vifám vé kpu, e sèsín e kibvə, a lèm jíŋ.

Sekariya 1:12

Nshìylav Nyùy Tàr nèn a ghay ké wìr veé Juda jii, «Éè Nyùy Tàr, wò woo Taà Mànjòŋ, à wíy shwiíy kilòŋ vèn à wír veé Jerusaleme, e shwiíy vèn à ŋkà se laʼ seé Juda si, e dù meé e le? Mo siìn lèn ji kiyá msaàmbà, bo ví bèr visìʼín, é bo à kfən shàm áwune?»

Esiker 29:11

Bó kiwuú ké wìr msòŋ, kìn ké nyàm ki yòʼ wíy bàv fo. Fóo wíy dù e vifə̀m kiyá mkweè.