Daniel 9:16 - ŊWÀʼ NYÙY

¹⁶ Éè Nyùy Tàr, ku rə̀ʼ dòʼshwiiy wò fo wò ŋkàlaʼ yee Jerusalem, réŋréŋ mo à yii yii vinyo vé tìítiy. Ŋkàlaʼ ye kù dzəə̀n ye, a dzə̀ gwan wò wo ranén. Jerusalem sì kifá ke nshéʼmé ki, a vèr sì sá kifá ke nshéʼmé ki fo vitúm ve ví dzəə̀n e věr ghaŋ vi, bìʼ vinyo ve vèr jayin, e bóo lì sa vinyo ve atàr vérí‑iì bùʼtìn.

Daniel 9:16 Referans Kwoze

Sekariya 8:3

A ke suuy mo woo Nyùy Tàr kí dzə̀ jii, m wíy kfən e Gwan Sion, a dzə e Jerusalem, aá wáa yòŋ Jerusalem ji ‹Ŋkàlaʼ wìr ve á tíy e Nyùy wùn›, a yòŋ gwan Nyùy Tàr woo Taà Mànjòŋ ji ‹Gwan wo Ranén›.

Joel 3:17

«Á bèy, é ven vee wír veé Israyi nèn kìíy ji m dzə̀ á Nyùy Tàr woo Nyùy won, a m dzə́ e Sion fo m shavin ji gwan wom wo ranén. Jerusalem wíy a dzə kirə́ʼ ke ranén kí, a bó vitúm vi yòʼ dzəə́ wìy nəə́ fo, e tòn áwune.

Daniel 9:20

M ku nèn a suŋnín e mvə̀m bùnrì, a tuuné ajay vém, e kfə̀n a tuuné vé wìr veé Isray, a neèr vinyo ve m lóné e Nyùy Tǎr si, wun woo Nyùy wom, e kù a lon feyì bìʼ lav rə cù ye ranén.

Nsùyrì Nyùy 31:1

Éè Nyùy Tàr, m lir a dzə̀ e wò wùn. Lá à yòʼ màʼày mo, é m wáa woomé. Ku bòyìr mo bìʼ yii yé ye réŋé.

Nsùyrì Nyùy 79:4

Vitúm vee věr ghaŋ vi shéʼ ver. Wír ve á kaarin ver, e tàrí jaʼ ver, shéʼé.

Nsùyrì Nyùy 71:2

Sə́ mo, e bòyìr mo bìʼ yii yé ye réŋé. Yú tóŋ yémé, e lùŋèr mo.

Ŋwàʼ Fəə 20:5

Lá vèn yòʼ a ghvəm, lá vèn yòʼ a cù mebvə̀m mee shooy, bìʼ fo mo woo Nyùy Tàr woo Nyùy won dzəə̀n Nyùy wo wù kíyri ven é ŋàŋ. M yii maʼ ŋgeʼ e wóné wùn à wón woné, à wón wón woné, bìʼ ban ye atàr véví ban mo.

1 Joon 1:9

Yii bèy, a wìr tuúne vinyo ve wù jayin, Nyùy kù nèn làysìn, e sù njò rə, wù wàa dzə là jay, bìʼ fo dzəə̀n kinyo ke wù‑uù kàʼàn, a wù kù yii yii vinyo və́ réŋ.

2 Tesalonika 1:6

Yii bèy, a Nyùy kù wíy yiì sa réŋ e wír ve á fó ven ŋgeʼ lène, e siìr ŋgeʼ see shooy aáwuné kitu.

Esiker 5:14

M wíy siìr woŋ wón ji vifə̀m, é vitúm ve ví kaarin ven ví wáa leéy, a kèŋ, é nshaàdzəə̀ wáa kèŋ sa.

Jeremia 32:32

A m kù‑úù bvə́ʼə́y bìʼ vinyo ve bi ví vidzə̀m ve wír veé Isray wùn à veé Judàa yiìn, e ŋàʼár dòʼshwíiy wom shó. A kù‑uù dzə̀ áwune wùn aàfon véví, à vilìmbìy vi, aàtàá cùu, à wír ve á dzəə̀n ji aŋgàa ntum Nyùyi, e lì wír ve á dzə́ e Jerusalem adzə̀m.

Jeremia 29:18

M yíi nəə́ áwune e rə́r sí wùn à jiŋ, à kifə̀ʼ ki, é vitúm vidzə̀m vi wáa leéy, é wúné wáa beemé, aá wáa ndzəə. Wír adzə̀m vee fo m wíy jùm áwune, aá duú wíy a lì áwune ji kifá ke liy ki, e kfə̀n a beèmè áwune béemen, a kèŋ, a sheʼ.

Jeremia 24:9

M wíy lovtí aáwune, vitúm veé kitu ke nsay vidzə̀m vi lóo yen, é wúné wáa beemé áwune, aá kfə́n a dzə ji kifá ke nshéʼmé ki e vitúm ví mvəm, aá wáa màʼ áwune é ŋgàn, a jàʼ jàʼàn, a lì áwune ji liy yé a kuù wíri shó, e kù a yiì bèy virə́ʼ vidzə̀m vee fo m wíy taʼár áwune, aá dukir.

Nsùyrì Nyùy 143:1

Éè Nyùy Tàr, yú bunrì yémé, e yuùrí lón ye m lón wò ji à sə́ moó. Ku yù tóŋ yémé, bìʼ fo à yii tíy vèn à wír vée, tíy vèn áwune, yii vinyo vé là kiloʼ.

Nsùyrì Nyùy 41:13

Búríi wáa dzə fo Nyùy Tàr, Nyùy woó Isray. Á kú a burí wun ghán sidzə̀m, e dù, e jòʼsì. Amen, Amen.

Nehemia 9:8

Wò‑oò yèn, a wù wáy shilív e wò wùn, à nèn gwàr *mensaŋ vèn wun ji à wíy fo a nsay e rám rəə́, a nsay rə̀n‑eè dzə̀ ye wìr veé Kanan wùn à ye wìr veé Hit, à ye veé Amor, à ye veé Peris, à ye veé Jebus, e lì ye wìr veé Girgash. À lèm ne ŋkàʼme wò, kù mo à yii yii vinyo vé tìítiy.

1 Samuel 2:7

Nyùy Tàr lo, wù yiì, wír ámóʼó wàa tàn, ámóʼó wàa ker. Wù lo, wù sèn ámóʼó, e kòʼór ámóʼó.

Nsùyrì Nyùy 85:4

Éè Nyùy, wò wo à luŋèr ver, távír ver, é vèr wáa dzə moó fiirí. Ku neèr dòʼshwiiy wò wo à kér bìʼ ver.

Aysaya 5:25

Bìʼ bey, Nyùy Tàr shwìíy ne kilòŋ wùn à wír vəə́. Wù‑uù nàn kóy və́ é yuv, e màʼ ŋgeʼlàʼ aáwuné kitu. Agwane‑eè səʼsì, a dzə́n sé wíri sí néŋnin e dzəə moo tóo nàʼ. Fə̀m mo vinyo vee shooy vi‑iì kooyin bey, Nyùy Tàr kù dzəə́ shwiiy kilòŋ wùn áwune, a wù dzə̀ kibáʼtín móo shaà fo mbìy, a dzə̀sì ŋgeʼlàʼ aáwuné kitu.

Jeremia 32:31

Ŋkàlaʼ rə̀n yiì ne, kilòŋ kí wáa shwiíy mo, dòʼshwíiy wom kóʼ, e kèʼ fo kishiíy ke vé‑eè bàʼrìn, e wìy shem lán, a mo‑óò bvə́ʼə́y fo mǒ si.

Daniel 11:45

Wù fəə́ rə́r bey, é wù tám kibeey kfə́ ké vifòn e kintìntìn ke rìbà ndzə̀v wùn ǎ gwan wo lav cù tíy sho. Yii bèy, a wù wíy kpu fo, là ŋgaà ghar.

Nsùyrì Nyùy 89:51

Éè Nyùy Tàr, aŋgaà vé vibàné shur mo e liy si. Aŋgaà vé vibàné shéʼ ŋgaà wo wò‑oò yoʼon ji fon.

Esiker 22:4

Vèn gbù ne njò mensə me wìr ve vèn yuyrin, e lòr vitú vén e mebvə̀m me vèn ghvə́m mè. Vèn yiì ne, ghán sén sé ŋgeʼ si gheén. Kishiíy ke m lo, e lovtí e vèn kí sì é kiwo. Á kifá ke kí yiìn, é bo m maʼti, é vitúm vi wáa jàʼ ven. Woŋ dzə̀me kù wíy a sheʼ ven.