Daniel 9:12 - ŊWÀʼ NYÙY

¹² À yiì ne kinyo ke wò‑oò suuy ji à wíy yiì e vèr aàtǎr saʼ vérí, e màʼ ŋgeʼ ye tavín e věr kitu. Á yòʼ‑oò ghàn ne màʼ ŋgeʼ e kirə̀ʼ é sar shùy fèn moo ye à màʼàn é Jerusalem.

Daniel 9:12 Referans Kwoze

Esiker 5:9

Bìʼ joonè wo vèn yii və̀n e dzə̀m, m wíy yiì kinyo e vèn, a dzə̀ ke m yòʼ‑oò yiìn ne yiì, a bó m yòʼ kfən dzəə́ wìy yiì.

Yòvdìy 1:12

Wù kfə̀n tóŋ jii, «Ven vee anshaàdzəə̀, kinyo kìn ki yoʼ kùm ven gheéy a? Vèn ku lèéy, e yèn, ŋgeʼ si dzə̀ shó moo sém á? Ŋgeʼ se sí gbuùn e mǒ kitu. Ŋgeʼ se Nyùy Tàr shwiiyin kilòŋ, e màʼ e mǒ kitu.

Aysaya 44:26

Yii bèy, ŋgaà lìm wom yíysi kinyo, m yiì, kí kòóy, ŋgaà ntum fiʼtì ntum yem, m yiì, yì ghèén. Kù dzə̀ mo wo m suuy ké Jerusalem ji wíri kfə̀n wíy a dzə fo, suuy ké ŋkà se laʼ seé Juda ji á kfə̀n wíy nàn fó, é virə́ʼ ve ví‑iì sàʼkìn ne vi kfə́n fó.

Yòvdìy 2:17

Nyùy Tàr yiì ne kinyo ke wù‑uù baʼtin ji wun wíy yiì. Wù yiì ne mo wù‑uù yiysin fó yàŋgùʼ, e laàr Jerusalem, là mendzən. Wù‑uù tàvír kóy aŋgaà vév vibàn, á tón fó. Wù yiì ne, aŋgàa vibàné wáa sàvnìn aáwuné kitu.

Yòvdìy 2:13

Éè ŋgònjuù yee Jerusalem, a dzə̀ m sùúy ji ka kùm wò? A dzə̀ m fìʼsìn wò a dzə̀ e ka kí? Éè ŋgònjuù yee Sion, a dzə̀ ji m lóʼtí wò, m fìʼsìn wò a dzə̀ e ka kí? Á yèr ne wò mo rìbà ndzə̀v yèr virə́ʼ, a dzə̀ kfə̀n lùŋèr la wò?

Ŋwàʼ Jov 12:17

Wù lo, wù sə̀ vifií fo vé wòŋe, á kfə̀n áànjìʼ, lo, wù yiì, vé saʼa wàa yuŋsí yuŋsín.

Ŋwàʼ woó Rom 15:8

Vèn wáa kiíy jii, Kristu‑uù wìy, e lì kitú kfə́ ji wánlè wìr veé Juda, e fíʼ dìn aáwune ji Nyùy kù yii yii kinyo ke wù kàʼàn, a wù yiì ne kíwun lèn ke wù‑uù kàʼàn atǎr ram vév vee fó mbìy sho.

Ŋwàʼ Luk 21:22

Vèn wáa kiíy ji ghán see shooy si wíy a dzə vishiíy ve Nyùy wíy màʼ ŋgeʼ e Jerusalem kitu ji vinyo ve vé‑eè saŋen e wùn ŋwàʼ vi fíʼ gheén vidzə̀m.

Maak 13:19

Wíri wíy yen ŋgeʼ ye tavín é ghan fóo fèy, a bó á yòʼ‑oò yiì ne yèn kfə́ə yìwun, e kèʼ mo Nyùy‑iì bomen nsay, e wìy meé lèn. A bó yìmòʼ yòʼ dzəə́ wìy koóy yee shooy.

Matio 24:21

Wíri wíy yen ŋgeʼ ye tavín é ghan fóo fèy, a bó á yòʼ‑oò yiì ne yèn kfə́ə yìwun, e kèʼ mo Nyùy‑iì bomen nsay, e wìy, e meé lèn. A bó á yòʼ dzəə́ wìy yen yìmòʼ moo yee shooy.

Matio 5:18

Vèn wáa kiíy rú jii, kèʼ mo yúv wùn à nsay wíy a dzə sho, e dù, e meé e ghan se ndzə wíy mày, bó yòʼ dzə̀ shinyorìn she nsər rə̀n dinè, a shí fə̀m dòr moó le, shí wìy tùm fó nsay, a bó kí yoʼ ghèén mo yì suuyì.

Sekariya 1:8

Nyùy‑iì ghèm ndzə e mò vitsə́ʼə́, m yén, a wìr kóʼ nyamŋkoʼ ye baar, a yì tíy e kiwoóy, é mvə̀m vicì vé *mirtel, a nyám se ŋkoʼ se baar sí wùn à se baaŋèn sí, à se fəvír sí tíy e wun bàm.

Sekariya 1:6

Yii bèy, kinyo kidzə̀m ke mò‑oò yiìn aŋgàa ntum vémé yíysí, e kàntì atàr vén shó, kí kù‑uù ghèén aáwuné kitu. Áwune nèn bìnèr melív mev, e sùúy jii, ‹Nyùy Tàr woo Taà Mànjòŋ lòvtí e vèr mo wù‑uù kàʼàn, réŋréŋ mo liì wor kisaŋ wùn à njiìn wor wo bi‑iì dzəə̀n.› »

Amos 3:2

«Fo vitum vidzə̀m veé kitu ke nsay, m shòʼ a dzə̀ ven ji wír vém vee jeéy, Kí nén a dzə jii, m kér fó yìi màʼ ŋgeʼ e věn kitu, bìʼ vinyo ve vèn buʼtì.»

Joel 2:2

Dzə̀ kishiíy, a kí sə́n, beéme. Kishiíy, a dzə̀ ndzə vitsə̀ʼ, a mbàʼ si súm. Dzə̀ vé rər ve á meʼèm, wiy moo ŋguùmé, e sə agwan moo mbàʼ. Vé rər ve á tavin béne yòʼ‑oò ghàn ne bàʼtí, a bó á yòʼ kfə̀n wíy a dzə.

Esiker 13:6

Áwune yén vinyo ji din a Nyùy, yii bèy, a kù dzə̀ vé kisaŋ vi, maʼ fú kimboʼtìi. Á fiʼtì ji Nyùy Tàr suuy ji, Nyùy Tàr suuy ji, a bó m yoʼ tùm áwune. Á fiʼtì bèy, kwaʼ ji kinyo ki waà kooy rú.

Yòvdìy 4:6

Ŋgeʼ ye yì gbuùn e wír vém veé Jerusalemé kitu tàv é ŋàŋ, yì tàv, e shaà ye yì‑iì gbuùn e Sodom kitu. Ké Sodom ki dzə̀ a Nyùy‑iì bvə̀ʼə́y fó kàŋ mòʼón, a bó yòʼ dzə̀ moo ke yii wír.

Ŋgàn 8:16

Vé wòŋe siysì woŋ, bee a dzə̀ mo. Vé ŋgvəne náŋsin nsay, mbaa a dzə̀ mo.

Nsùyrì Nyùy 148:11

Afon veé nsay, à vitúm vidzə̀m vi, vé saʼa wùn aàtǎr wòŋe,

Nsùyrì Nyùy 2:10

Éè afon, vèn wáa dzə atòŋ lèn. Éè atǎr saʼ veé nsay, vèn sə́ʼə́m.

1 Afòn 3:9

Ku fò wánlè wò lìm a dzə̀ vifií ve wù wáa saʼ wír vé sho, a kiíy jeéyjeéy fó kinyò ke juŋ ki wùn à ke bi kí. Búŋ là bey, bo wìr wo dzə̀ wù sàʼ wír vé ve ghaʼán víne dzə̀ la?»

Jeremia 30:7

Á virom eèy, kishiíy kin ki wíy a dzə kibiíbí féyì, kishiíy, a kee moo kíwun ki yòʼ dzə̀. Wíy a dzə ghán sé ŋgeʼ ye tavín e kfə́ə Jakoví wùn, yii bèy, aáwune wíy bòy fo fo.»

Jeremia 32:23

Áwune nəə́, e yòv fó, e nèn tèn fó a yunín wò, a jùmrì nsər sé. Áwune yòʼ‑oò ló a yiì vinyo ve wò‑oò yòŋèn ji á wáa yiì. À nen yiì, ŋgeʼ rə̀n gbú aáwuné kitu.

Jeremia 39:16

«Dù, e sùúy e Ebed‑Melek woo wir Etiopia ji Nyùy Tàr woo Taà Mànjòŋ, wun woo Nyùy wìr veé Isray suuy a jii, ‹Leéy, e yèn, m wíy yiì kinyo ke mò‑oò yòŋèn ji m wíy yiì e ŋkàlaʼ rə̀n. A dzə̀ m kù màʼ a dzə̀ ŋgeʼ fo, é la vijuŋ vi yòʼ a dzə fo. Vinyo vìn vi wíy a koóy e kishiíy fó, áà wáa yen e sí yée.

Jeremia 44:23

Ŋgeʼ sìn si‑iì nə̀ə́ ven, e wìy shem lán bèn, a dzə̀ bìʼ kiláy ke vèn‑eè ton, cu anyùy sho, nèn jáy e Nyùy Tàr. Vèn yòʼ‑oò ló a yunín Nyùy Tàr. Vèn yòʼ‑oò ló a yu sáʼ rə́, a jùmrì nsər sə́, a yu ntir sə́.»

Daniel 12:1

Nshìylav Nyùy ye yì‑iì màʼàn ndzə̀y ye baán nèn kfə̀n a suúy jii, «Ghán see shooy si wíy gheén, é Mayker woo nshìylav Nyùy ye kuʼùn ŋáʼáy, a kù dzə̀ wun woo shó wo wù shiy wír vé, wù ŋáʼayì, é ghán sé ŋgeʼ ye tavín sí tsə́ŋén, a kfə́ə ŋgeʼ rə̀n wíy a dzə, a yì yòʼ‑oò ghàn ne a dzə mo vé‑eè kèʼèn, e gwàr woŋ, é bo vitúm vi wáa dzə e nsay. Wíy lòo dzə e ghan fóo fèy, é wír vée luŋ, wír adzə̀m, ve yír sév sí wíy a dzə e Nyùy ŋwàʼ.

Sekariya 7:12

Vé‑eè yiì, melív mev mè lùr, e kfə̀n ji tíy, e laà yòʼ yú ntir se Nyùy Tàr woo Taà Mànjòŋ‑eè tumen Kiyoy kfə́, kí yiì, aŋgàa ntum və́ vee fó ŋgùʼú wáa fìʼtì. Bìʼ bey, dòʼshwiiy Nyùy Tàr woo Taà Mànjòŋ‑eè baàrí é ŋàŋ.

2 Afòn 22:16

«Wun yíi màʼ ŋgeʼ e Jerusalem, e màʼ e wír ve á dzəə̀n fó adzə̀mé kitu réŋréŋ mo á saŋen é mvə̀m ŋwàʼ wo fòn woó Juda kì taŋen.

Aysaya 43:28

Bìʼ bey, m wíy shoór vilìmbìy vén vee mǒ lav cù, e laàr rám Jakov moo wír ve á shwiin mo shó ji m ku laàr ŋkuuŋkùŋ, é wíri wáa nyè sèʼsì e kibér ke wìr veé Isray ki.»