Daniel 8:9 - ŊWÀʼ NYÙY

⁹ Fo loŋ see sikweè sìn, yee mòʼón‑eè kér yìmòʼ yee loŋ shitérí, ye yì‑iì loòn, e fəə̀, a ker vitaáví, a ví dú, e mèé e mbìv wòŋ yee tsə́n, e mèé e yee fo shùy yii tó, e kfə̀n mèé e wòŋ, a dzə̀ woŋ ŋkàʼmée.

Daniel 8:9 Referans Kwoze

Daniel 11:16

Mo fòn woó Siiria sùmèn woó Ejiv e rə́r sí, wù kù wíy a yiì kinyo a dzə̀ ke koŋ wun, a bó wìr yòʼ wíy a meʼ wun. Wù wíy faàsì nsay ye dzəə̀n ye mbùʼmé, a wù wíy a ker vitaáví vée laàr fó ŋkuuŋkùŋ.

Daniel 7:8

Kù mo m wáy sí e loŋ sìn, yìmòʼ yee loŋ nèn fəə̀ e siy sí nsàn, a yì dzə̀ kfə́ e dórín. Á ménrí loŋ sitaár se sí‑iì siìn fó, e fíʼ fo ghay e rə̀n, a loŋ rə̀n kér sí si moo sé wìr, kér shuu, a kù fəə́ lám kinsùmrìwùn fó fo.

Esiker 20:15

Á bèy, m ku nèn tìn kàʼ aáwune, e lìʼ jii, m yòʼ dzəə́ yìi lì áwune, e dù sho e wòŋ wo mò‑oò kàʼàn áwune shó. Woŋ, a vín nàʼ wùn à vilu vi tsəətìn sho tsə́ətin, a wú bóŋ é ŋàŋ, e shaà símóʼ sí.

Esiker 20:6

Yì‑iì dzə̀ é kishiíy fóo fèy, m lìʼ, e yòŋ jii, m yíi fəə́r a áwune fó wòŋ woó Ejiv fèy, e lèm e wòŋ wo mò‑oò tayin ji wóv. Dzə̀ woŋ, a vín nàʼ wùn à vilu vi tsəətìn fo tsə́ətin, a wú bòŋ e ŋàŋ, e shaà woŋ símóʼ sí sidzə̀m.

Nsùyrì Nyùy 48:2

Gwan Sion dzə̀ e da, e kfə̀n a dzə e juŋ. Wù dzə̀ vijuŋ ve wìr msòŋ woó kitu ke nsay kidzə̀m. Dzə̀ Gwan Nyùy woo ru, ŋkàlaʼ Fòn wo ghaʼtín.

Sekariya 7:14

Á bèy, m nen bvə̀ə́r áwune e kìrkir, á bvəə́rí, e dùkìr e vitum ve á yòʼ‑oò lo wìy sìíy, e kìíy. Á dù bèy, woŋ wóv wo juŋe dù e vifə̀m, la wìr yòʼ dzə́ə a kùm fo.»

Daniel 11:21

Á yúyri wun woo fon woó Siiria, aá bun njìlaʼ və, a dzə̀ wír wo wíri taʼ kinyè kfə́ ntéŋ. Wír, a bó wù yoʼ fə̀m ràm kfə́ə wón ntoʼ. Wù kù wíy sàsìn sàsìn, e wìy, a borkír, a leèrì wíri a dzə̀ e shúu, e bóo yi vifon.

Jeremia 3:19

«Wír veé Isray, mò‑oò yén jii, m yíi lèm a ven jeéy e wón vém adzə̀mé mvəm, e fo ven nsay ye juŋ, vitsə́ʼ, a ví bòŋ feyì, e shaà ve ví dzəə̀n é vitum vímóʼ ví. M kfə́n a ki ji vèn yíi a yòŋ a mo ji Tàr won, a ghan e mǒ mbòv, e làa yòʼ bìn ndzə̀m e mò.

Nsùyrì Nyùy 105:24

Nyùy Tàr yiì, wír vəə́ wáa dzəə́ wón nyanyày, a ker vitaáví, a shaà aŋgaà vév vibàn.