Biblia Todo Logo
Bib sou entènèt

- Piblisite -




Daniel 8:8 - ŊWÀʼ NYÙY

8 Kibév kìn ki ku nèn a dzə̀v kfə́ a dzə̀ nsaŋ ji moo wun yòʼ waà dzə̀. Kí wìy tàv, e mèé e ntìm yìwun, loŋ rə ye tavín rə̀y nèn kìvín. Yì kívín, se sən see loŋ se tavkín símóʼ sí fəə́kír fo rə̀y kì kivin sikweè, a ròm mbìv sí jeéy jeéy.

Gade chapit la Kopi




Daniel 8:8
19 Referans Kwoze  

Wù‑uù sàŋ, a naàrì jii, yì‑iì dzə̀ vitsə́ʼ vímóʼ ví, kilìtì ke kinyò ki wìy e mǒ si e njà kinjeenjèm. M yén, a shwéri wiy mbìv sidzə̀m, tsə́y rìbà ndzə̀v wo wiy,


Kee shooy ki shaà, m yén, a nshèelav se Nyùy si tíy e buu se ndzə see sikweè, baʼ shwér wo wú yii wiy fo virə̀ʼ fóo fèy. Wú nèn tìím, e làa yòʼ dzə́ə a shaà e virə̀ʼ, kìn é kitu ke ndzəv, e làa yòʼ kfə̀n a sə̀ʼ sa kicí.


Ké loŋ see sikweè se sí‑iì fəəkin fo lúm loŋ və̀yi‑iì kivin, kee shooy ki din ji woŋ e dzə̀m wo wír veé Griki kooné wíy jàvsìn vilíŋ vikweè, é kee kimòʼón ki wáa ker və́ə woo fon, a bó vitaáví vév ví yòʼ wíy meé e vé fòn woo wo mbìy vi.


Kù mo mò‑oò dzə́, tar ji sà kooy kaá, kibév ki sàsìn, e meè fó mbìv ye shùy yii nəə, a kí kér loŋ e mòʼón, a yì tíy e wun nsàn wón si, a yì yénsin e ŋàŋ. Kibév kìn ki wáa fetí kileʼ, a shaà, a wuú yòʼ kum nsay.


Yii bèy, kiŋkoʼòrwùn kí nèn lò, e sùm wun, wù wáa tav kitú, a kùm a kiŋkùm, yii kinyo ji wìr woo moo wun sà dzə̀ la á. Bìʼ bey, Nyùy sén wun fo kàvàʼ, e sə̀ vikuʼùy ve wù‑uù sí kérí.


Fòn Ussiya lòo ker vitaáví é ŋàŋ bey, e nèn a koʼór wún. Kiŋkoʼòrwùn kí nèn yiì, wù gbù. Wù‑uù jày kinyo e Nyùy Tàr woo Nyùy və, a wù nəə́ é lav cù ji wun ton a kiláy é kiy kilay.


Wù wíy lòo wìy, é wù tsə́nsí nshèelav sə́ é buu se ndzə see sikweè, aá báʼtí wír ve Nyùy‑iì shoʼtin ji və́, aá wáa wìy vitóŋtóŋ vidzə̀m, à fó nsay, à fó yuv.


Wù wíy lòo wìy, é wù tsə́nsí nshèelav sə́ é buu se ndzə see sikweè, aá wáa toŋ sóŋ, a baʼtí wír ve Nyùy‑iì shoʼtin ji və́, aá wáa wìy vitóŋtóŋ vidzə̀m.


Sáʼ rəə́ tuuy a yí tuúy ne, é yí ku nèn bvəə̀rí, aá javsin woŋ və́ mbìv sikweè, é sí waá kìʼ buú se ndzə jeéy jeéy, a bó sáʼ rəə́ yòʼ wíy dù a dzə̀ e rám rəə́. Afon vee fóo yòʼ kfə̀n wíy a ker vitaáví vé saʼ mo wù‑uù kérí, bìʼ fo wóŋe jàvsìn ne, sáʼa dú e wír ve səné.


Kee shooy ki shaá, a m kù wáy sí, e nèn kfə̀n yèn yìmòʼ yee nyám, a yì dzə̀ kfə́ é njà baá. Yii bèy, a vav se shinə̀n sí fəə́kír é ndzə̀m wó sikweè, a nyàm rə̀n kér vitú vikweè, aá fó vitaáví vé saʼ sho.


Kù mo fòn dzəə́ súŋninè, Nyùy súŋnín fó yuv, a suúy sho jii, «Fòn Nebukadnessar, yuúrí kinyo ke m sìysìn kùm wò ki. M sə̀ ne sáʼ vifòn fo wò.


Áwune wíy wìy ji á yúyri wò, áà kfən yòŋ ji à dzə̀ nyùy a? Vé kinjuyrì vìne wíy ghar wò, é la à yòʼ a dzə nyùy, áà wáa dzə wir msòŋ.


M nèn lì wò, e lìy, à kúy, a bòʼrì moo kicí é kwaʼ. À kúy bey, e rùn, e bàʼ e wiíy, a beʼ vín si é vikàkàŋ, mbàvìr sé si tó, aà kù dzə̀ kinshóʼ ŋkuuŋkùŋ.›


Mo menə́n mè rùn é ŋkém, dzə̀ mo vifá ve kiŋkùvrì vi runen lav sév, áwune nén a ker mbàm, e kùʼkìr.


Wìr dzə̀m kù‑uù kìíy ne ji Mordekay sì á wír wo kuʼùn é ntoʼ, a leŋ vəə́ sámér ne, sáʼ rəə́ wáa kuy kuyín, wíri wáa yunín wun.


M wíy lì áwune, e dù sho e wòŋ wo mò‑oò kàʼàn atàr vév shó. Woŋ, a vín nàʼ wùn à vilu vi tsəətìn fo. Áwune du, e yikír, kúrí, lóo dzə kijuŋ, aá nèn bìn ndzə̀m e mò, e ŋwày mensaŋ mem, e dù, a ghvəm anyùy ámóʼó.


M wíy tsənsí shwér, é wú wiy fó buu se ndzə see sikweè, e nəə́, e kàr Elam. M wíy taʼár áwune, aá dukir buú se ndzə see shooy sidzə̀m. Bó kitúm ki yòʼ wíy a dzə sho ke wír veé Elam ve m fəəriné wíy buŋ fo fo.


M yén, a kibév kìy ki nyoorì kiyáʼ e mensə me bi mè. Dòʼshwiíy kív, kí fúnrí kiyáʼ kìy, e kìvtí loŋ sə́ see sibaà, a bó kiyáʼ ki yòʼ‑oò ló a ker mentàsìn mée tam wùn kibév kìn ki. Á bèy, kibév ki ku kùúy wun, e sàn é nsay, a nyèŋrì, a bó wìr wóo sə wun yòʼ dzə̀.


Swiv nou:

Piblisite


Piblisite